ހުޅުމާލޭ ދެވަނަ ފިޔަވަހީގައި ރޯދައަށް ވަގުތީ މިސްކިތެއް އެޅުމުގެ މަސައްކަތް ފަށައިފި އެވެ.

އާބަންކޯއިން މިއަދު ބުނީ އަންނަ ރޯދަ އަށް ހަދާ އެ މިސްކިތަކީ 150 މީހުންގެ ޖާގައިގެ މިސްކިތެއް ކަމަށެވެ. މިސްކިތް އިމާރާތް ކުރާނީ އަންހެނުންނާއި ފިރިހެނުންނަށް ވެސް ނަމާދުކުރެވޭ ގޮތަށް ކަމަށް އެ ކުންފުނިން ބުންޏެވެ.

އަމާޒަކީ ރޯދައިގެ ކުރިން މިސްކިތް އިމާރާތްކޮށް ނިންމައި ނަމާދު ކުރަން ފެށުން ކަމަށް އާބަންކޯއިން ބުނެ އެވެ.

އާބަންކޯއިން ވަގުތީ މިސްކިތެއް އަޅަނީ ހިޔާ ފްލެޓު 11 ކައިރީގައި އޮންނަ ހުސް ބިމުގަ އެވެ.

ހުޅުމާލޭ ދެވަނަ ފިޔަވަހީގައި ނަމާދު ކުރަނީ ތިން މިސްކިތެއްގަ އެވެ. އެއީ މަސްޖިދުލް އުސްމާން ބިން އައްފާން އާއި ވަގުތީ މިސްކިތާއި މަސްޖިދް އަމީލް ޖަލީލް އެވެ.

އިމާރާތްކުރުމުގެ މަރުހަލާގައި ވެސް ތިން މިސްކިތް އެބަހުއްޓެވެ.