ޒުވާނުންނާ ގުޅޭ ކަންކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުއަށް ލަފާ އެރުވުމަށާއި ސަރުކާރުގެ ސިޔާސަތުތައް އެކަށައެޅުމުގައި ޒުވާނުންގެ ވިސްނުމާއި އުންމީދުތައް ހިމެނުމަށްޓަކައި އުފައްދަވަން ނިންމާފައިވާ ބޯޑަށް ހަތަރު ޒުވާނަކު ހޯދަން އިއުލާނުކޮށްފި އެވެ.

"ޕްރެޒިޑެންޝަލް ޔޫތު އެޑްވައިޒާސް" ބޯޑުގެ ނަމުގައި ބޯޑެއް އުފެއްދެވުމަށް ޑިސެމްބަރު 25، ގައި ރައީސް ނިންމެވީ މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާޓްސް އިން ހުށަހެޅުއްވި ކަރުދާހުގެ މައްޗަށް ވަޒީރުންގެ މަޖިލީހުގައި މަޝްވަރާ ކުރެއްވުމަށް ފަހު އެވެ.

Advertisement

ޔޫތު މިނިސްޓްރީން މިއަދު ކުރި އިއުލާނެއްގައި ބުނެފައިވަނީ ބޯޑަށް ކުރިމަތިލުމުގެ ފުރުސަތު މި މަހުގެ އަށްވަނަ ދުވަހުގެ މެންދުރު 2:00 އާ ހަމައަށް ހުޅުވާލެވިފައިވާ ކަމަށެވެ. މިނިސްޓްރީން ގެޒެޓުގައި ކޮށްފައިވާ އިއުލާނުގައި ބުނެފައިވަނީ، ޝައުގުވެރިވާ ޒުވާނުންނަށް މި ލިންކު މެދުވެރިކޮށް ކުރިމަތިލެވޭނެ ކަމަށެވެ.

ޒުވާނުންނާ ގުޅޭ ކަންކަމުގައި ރައީސަށް ލަފާ އަރުވަން ހާއްސަ ބޯޑެއް

ރައީސް އޮފީހުން ހާމަކޮށްފައިވާ ގޮތުގައި މި ބޯޑުގައި ތިއްބަވާނީ 15 މެމްބަރުންނެވެ. އަދި, އެ މެމްބަރުންގެ އުމުރަކަށް ވާނީ 18 އަހަރާއި 30 އަހަރާ ދެމެދު ކަމުގައި ވެސް ރައީސް ވަނީ ކަނޑައަޅުއްވާފަ އެވެ.

ޒުވާނުންނާ ގުޅޭ ކަންކަމުގައި ރައީސަށް ލަފާ އަރުވަން ހާއްސަ ބޯޑެއް

ރައީސް އޮފީހުން ހާމަކޮށްފައިވާ ގޮތުގައި މި ބޯޑުގައި ތިއްބަވާނީ 15 މެމްބަރުންނެވެ. އަދި, އެ މެމްބަރުންގެ އުމުރަކަށް ވާނީ 18 އަހަރާއި 30 އަހަރާ ދެމެދު ކަމުގައި ވެސް ރައީސް ވަނީ ކަނޑައަޅުއްވާފަ އެވެ.

ބޯޑަށް ކުރިމަތިލުމަށް ހުޅުވާލާފައިވަނީ ފަންނިއްޔާތާއި ފަންނުވެރިކަމުގެ ދާއިރާއިން އަދި ޒުވާނުން ބާރުވެރިކުރުވުމުގެ ދާއިރާއިން މަސައްކަތްކުރާ އެންޖީއޯ ނުވަތަ ސިވިލް ސޮސައިޓީތަކުގައި ހަރަކާތްތެރިވާ މީހުންނަށެވެ. އެ ދެ ދާއިރާއިން ވެސް އަންހެން އަދި ފިރިހެން ޒުވާނަކަށް ފުރުސަތު ލިބޭނެ ކަމަށް އިއުލާނުގައި ބުނެފައިވެ އެވެ.

Advertisement

ޒުވާނުންގެ ބޯޑަށް ކުރިމަތިލުމުގެ ޝަރުތަކުގެ ތެރޭގައި ހިމެނެނީ، 18 އަހަރާއި 30 އަހަރާ ދެމެދުގެ ދިވެއްސަކަށް ވުމާއި، ނިމިދިޔަ ފަސް އަހަރު ޖިނާއީ ކުށެއް ސާބިތުވެފައި ނެތުން އަދި ތަމްސީލުކުރާ ދާއިރާ އާއި ގުޅޭ ފަންނީ ގާބިލުކަން ނުވަތަ ތަޖުރިބާ ލިބިފައިވުމެވެ.