މަޝްހޫރު ސްޕޯޓްސް ބްރޭންޑްތަކުގެ އުފެއްދުންތައް ވިއްކާ ސޮނީ ސްޕޯޓްސްއިން އޮންލައިންކޮށް ވިޔަފާރި ކުރެވޭ އެޕެއް ތައާރަފުކުރަން ނިންމައިފި އެވެ.

ސޮނީ ސްޕޯޓްސްއިން ބުނީ މި އައު އެޕާއިއެކު ސޮނީ ސްޕޯޓްސްގެ ފިހާރަތަކުން ލިބެން ހުންނަ ހުރިހާ އުފެއްދުމެއް ގޭގައި ހުރެގެން ބަލައި، ވިޔަފާރިކޮށްލެވޭނެ ކަމަށެވެ.

އޭގެ އިތުރުން އެ އެޕުގައި ދިވެހިންނާއި ގުޅޭ، ސިއްހަތަށް ފައިދާހުރި ކާނާގެ ތަފްސީލުގެ އިތުރުން، ކެއުން މެނޭޖް ކުރެވޭ ހާއްސަ "ފުޑް ލޮގް" އެއް ވެސް ހިމަނާފައިވާނެ ކަމަށް ސޮނީ ސްޕޯޓްސްއިން މައުލޫމާތު ދެ އެވެ.

މި އެޕު ބޭނުންކޮށްގެން ސޮނީ ސްޕޯޓްސްގެ ކަސްޓަމަރުންގެ ލޯޔަލްޓީ ކާޑަށް ޕޮއިންޓު އެޑް ކުރެވޭނެ އެވެ.

ސޮނީ ސްޕޯޓްސް އެޕް ރަސްމީކޮށް ލޯންޗްކުރުމަށް ހަމަޖެހިފައިވަނީ އަންނަ ސެޕްޓެމްބަރު އެއްވަނަ ދުވަހުގެ 20:00 ގަ އެވެ.

މި ލިންކް މެދުވެރިކޮށް ސޮނީ ސްޕޯޓްސް އެޕް ޑައުންލޯޑް ކުރެވޭނެ އެވެ.