ހުޅުމާލޭ ދެވަނަ ފިޔަވަހީގައި ހުންނަ ހިޔާ ފްލެޓުގެ އިމާރާތެއްގައި 14 އަހަރުގެ ކުޑަކުއްޖަކަށް ޖިންސީ ގޯނާ ކުރި މައްސަލައެއް ފެންމަތިވެއްޖެ އެވެ.

މި މައްސަލައާ ގުޅިގެން ފުލުހުންގެ މީޑިއާ އޮފިޝަލަކު މިއަދު "އަދަދު"އަށް ބުނީ އުމުރުން 14 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއް ރޭ ފުލުހުންނަށް ރިޕޯޓުކޮށްފައިވާ ކަމަށެވެ.

މި މައްސަލަ ގެންދަނީ ތަހުގީގުކުރަމުން ކަމަށް ފުލުހުން ބުނެ އެވެ.

ޖިންސީ ގޯނާކޮށްފައި ވަނީ ހިޔާ ފްލެޓުގެ ލިފްޓެއްގެ ތެރޭގައި ކަމަށް މައުލޫމާތު ލިބެ އެވެ. މިކަން ހިނގާފައި ވަނީ ރޭ 12:00 ހާއިރު އެވެ.