ހެޔޮވަރު ގަޔަށް ރީތި ގަމީހެއް ހޯދުމަކީ، އޮފީހުގެ އެހެން މުވައްޒަފުންނާއި ބޮސްގެ ސަމާލުކަން ދަމައިގަތުމަށް، އަދި ކްލަޔަންޓުންގެ ޝައުގުވެރިކަން އަތުލުމަށް މުހިންމު ކަމެކެވެ. ފުރިހަމައަށް ހެދުން އެޅުމަކީ އެތައް މާނައެއް ދޭހަކޮށްދޭ އަދި ތިމާ ހުރީ މަސައްކަތަށް ތައްޔާރަށްކަން ބުނެދޭ ކަމެކެވެ.

މިކަން ކަމަށް ސަމާލުކަން ދޭ ބަޔަކު އުޅުނަސް، މާލެއިން ސަޅި އޮފީސް ހެދުން ހޯދުމަކީ ފަސޭހަ ކަމެއް ނޫނެވެ. ހެޔޮވަރު ގަމީހެއް ލިބިއްޖެ ނަމަ، އަގުގެ ގޮތުން ޖީބަށް ހެޔޮވަރެއް ނުވެ އެވެ.

އިލާލާގެ ހަރުގަނޑަށް އާ ބައެއްގެ ގޮތުގައި އޮފީސް ހެދުން އިތުރު ކުރީ އެ ހުރިހާ ކަމަކަށް ބަލައިގެންނެވެ. މިހާރު އިލާލާއިން އޮފީސް ގަމީހާއި ފަޓުލޫން އަދި ބެލްޓް ވެސް ލިބެން އެބަ ހުއްޓެވެ.

"ވަރަށް ފެންވަރު ރަނގަޅު ބްރޭންޑުތައް ލިބޭނެ. އެންމެ ހިނގާ ބްރޭންޑުތައް، އަދި ދިވެހިންގެ މެދުގައި މިހާރު ވެސް ނަން ހިނގާ ބްރޭންޑްތަކުގެ އޮފީސް ގަމީސް ހުންނާނެ،" އިލާލާ ފިހާރައިގެ ކޯ ޕާޓްނަރު އަޝްޖައު ޝަހީދު ބުންޏެވެ.

އަގުތައް ވެސް ހުރީ އަތްފޯރާ ފަށުގައި، ގަމީހުގެ ފެންވަރާ އެއް މިންވަރެއްގަ އެވެ.

އޮފީސް ގަމީހުގެ އިތުރުން ފަޓުލޫނާއި ބެލްޓުވެސް އިލާލާއިން ލިބެން އެބަ ހުއްޓެވެ. އަގެއް ބޮޑެއް ނޫނެވެ.

އިލާލާއަކީ ކުއިކް ސިލްވާ، ވޮލްކޮމް، ހާލޭގެ އިތުރުން ނަން މަޝްހޫރު އެހެން ބްރޭންޑްތަކުގެ ކެޝުއަލް ގަމީހާއި ޓީޝާޓާއި ކުރުތާގެ އެކި ކުލަތަކާއި ސައިޒުތަކާއި ގިނަ ޑިޒައިންތައް ވިއްކުމުގައި އެންމެ މަގުބޫލު އެއް ފިހާރަ އެވެ. އެކި ބްރޭންޑްތަކުގެ ޖީންސާއި، ފަހުގެ ފަޓުލޫނު، އައިނު، ތޮއްފި، ފައިވާން، ބޮކްސާ، އަދި ސޯޓް ވެސް އެ ފިހާރައިން ލިބެން އެބަ ހުއްޓެވެ.