ހުޅުމާލެ ހަވާލުކުރަން ދެކޮޅު ހަދާތީ މޭޔަރުގެ ޝަކުވާ

މާލޭ ސިޓީގެ ތަރައްގީގެ ޕްލޭނަށް ހިޔާލު ހޯދުމަށް ބާއްވާ ސިލްސިލާ ބައްދަލުވުންތަކުގެ ތެރެއިން ހުޅުމާލޭގެ ރައްޔިތުންނަށް ރޭ ބޭއްވި ބައްދަލުވުމުގައި މުއިއްޒު ވާހަކަ ދައްކަވަނީ. -ފޮޓޯ: މާލޭ ސިޓީ ކައުންސިލް

މާލޭ ސިޓީގެ ތަރައްގީގެ ޕްލޭނަށް ހިޔާލު ހޯދުމަށް ބާއްވާ ސިލްސިލާ ބައްދަލުވުންތަކުގެ ތެރެއިން ހުޅުމާލޭގެ ރައްޔިތުންނަށް ރޭ ބޭއްވި ބައްދަލުވުމުގައި މުއިއްޒު ވާހަކަ ދައްކަވަނީ. -ފޮޓޯ: މާލޭ ސިޓީ ކައުންސިލް

މާލޭ ސިޓީ ކައުންސިލްގެ އިހުތިސޯސްގެ ތެރޭގައި ގާނޫނުން ހުޅުމާލެ ހިމެނިފައިވީ ނަމަވެސް، އެތަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ މިލްކިއްޔާތުގެ ދަށުގައި އޮންނާތީ، ކައުންސިލުގެ ގާނޫނީ ޒިންމާ އަދާކުރަން ހުރަސްއެޅޭކަމަށް ވިދާޅުވެ، މޭޔަރު ޑރ. މުހައްމަދު މުއިއްޒުގެ ޝަކުވާ އޮއްސާލައްވައިފި އެވެ.

މާލެ ސިޓީގެ ތަރައްގީގެ ޕްލޭނަށް ހިޔާލު ހޯދުމަށް ބާއްވާ ސިލްސިލާ ބައްދަލުވުންތަކުގެ ތެރެއިން ހުޅުމާލޭގެ ރައްޔިތުންނަށް ރޭ ބޭއްވި ބައްދަލުވުމުގައި މުއިއްޒު ވިދާޅުވީ ހުޅުމާލޭގެ ދެވަނަ ފިޔަވައްސަށް ފަރުކޮޅުފުށި ހިއްކައި، އެޗްޑީސީގެ އެސެޓުތަކުގެ ތެރޭގައި ހިމެނި ނަމަވެސް، އަދިވެސް އެ ރަށްއޮތީ ފަޅު ރަށެއްގެ ގޮތުގައި ކަނޑައަޅާފައި ކަމަށެވެ.

އެގޮތުން، ކައުންސިލެއްގެ އިހުތިސޯސްގެ ތެރޭގައި ހިމެނޭ ފަޅު ރަށްތަކަކީ އެ ކައުންސިލެއްގެ ދަށުގައި އޮންނަ ރަށްތައް ކަމަށް ގާނޫނުގައި ބަޔާންކޮށްފައިވާ ކަމަށެވެ.

ނަމަވެސް، އެކި ފަހަރު މަތިން ސަރުކާރުގައި އެދިގެން ވެސް ހުޅުމާލެ ސިޓީ ކައުންސިލުގެ ދަށަށް ބަދަލުކުރަން ދެކޮޅު ހަދަމުންދާކަމަށް މުއިއްޒު ތުހުމަތު ކުރެއްވި އެވެ.

އެކަމާ ގުޅުވައި މޭޔަރު ވިދާޅުވި ގޮތުގައި ގާނޫނުން ކައުންސިލުގެ މައްޗަށް މުނިސިޕަލް ހިދުމަތްތަކުގެ އިތުރުން ތަރައްގީގެ މަޝްރޫއުތައް ހިންގުމަށް ލާޒިމުކޮށްފައިވީ ނަމަވެސް، ހުޅުމާލޭގައި އެ ހިދުމަތްތަކާއި މަސައްކަތްތައް ކުރުމުގެ ފުރުސަތު ސަރުކާރުން ފަހިކޮށްދީފައިނުވެ އެވެ.

"އެއްވެސް ގާނޫނީ ހަމައެއް މި އުޑުދަށަކު ނޯންނާނެ މިކަން ކުރަން ސިޓީ ކައުންސިލަށް ހުރަސްއަޅަންޖެހޭ. ތިމަންނާމެންގެ އިންޓާނަލް މީޓީންއެއްގަ އެކަން ކޮށްފަ އަންގާނަމޭ. އެހެން ނަމަވެސް ތާރީހު އައިއްސި. އަދިވެސް އެކަމެއް ނުކުރޭ،" މުއިއްޒު ވިދާޅުވި އެވެ.

އެ ބައްދަލުވުމުގައި މުއިއްޒު ވަނީ ގާނޫނުގެ ދަށުން ހުޅުމާލެއަށް ސިޓީ ކައުންސިލުން ފޯރުކޮށްދޭންޖެހޭ ހިދުމަތްތަކާއި މަސައްކަތްތަކުގެ ތަފްސީލު ވަކިވަކިން ހިއްސާކުރައްވައިފަ އެވެ.

އޭގެ ބޭނުމަކީ އެކަންކަމުގެ މައުލޫމާތު މާލެ ސިޓީގެ ހުރިހާ ރައްޔިތުންނަށް ސާފުވެފައި އޮތުން ކަމަށް މޭޔަރު ތަކުރާރުކޮށް ވިދާޅުވި އެވެ.

ގާތްގަނޑަކަށް ދެ ގަޑިއިރަށް ދިގު ދެމިގެންދިޔަ އެ ބައްދަލުވުމުގައި ހުޅުމާލޭގެ މުނިސިޕަލް ހިދުމަތް ދިނުން ސިޓީ ކައުންސިލުން ދޭ ހިދުމަތެއްގެ ގޮތުގައި ބަދަލުކުރުމަށް އެދި ޕެޓިޝަނެއް ވެސް ވަނީ މޭޔަރަށް އަރުވައިފަ އެވެ.

އެ ޕެޓިޝަން ހުށަހެޅި ފަރާތުން ބުނީ އޭގައި ސޮއި ކުރުމުގެ ފުރުސަތު ހުޅުވާލައި 10 ގަޑިއިރުތެރޭ 1800 މީހުން ސޮއިކޮށްފައިވާ ކަމަށެވެ.

އެހެންކަމުން އެކަމުގެ މުހިންމުކަން ހުޅުމާލޭގެ ރައްޔިތުންގެ މެދުގައި ހިއްސާކުރާ މިންވަރު ހާމަވެއްޖެކަމަށް އޭނާ ފާހަގަކުރި އެވެ.

އޭނާގެ އިތުރުން، ރޭގެ ބައްދަލުވުމުގައި ގިނަ ބަޔަކު ވަނީ އެޗްޑީސީގެ ދަށުން މުނިސިޕަލް ހިދުމަތް ވަކިކޮށް ސިޓީ ކައުންސިލަށް ހަވާލުކުރުމަށް ގޮވާލައިފަ އެވެ.

އެގޮތުން، ބައެއް މަސައްކަތްތައް ކުރުމުގައި ދިވެހިންނާއި ބިދޭސީންނާ ދެމެދު އެޗްޑީސީން ތަފާތުކުރުން ގެންގުޅޭ ކަމުގެ ތުހުމަތު ވެސް ބައެއް މީހުން ކުރި އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox