ދ. މީދޫގެ "ޖިހާދު" ނަމަކަށް ކިޔާ ދޯންޏެއްގައި މަސައްކަތްކުރަމުން ދިޔަ ބަނގްލަދޭޝް ރައްޔިތަކަށް ވަޅިން ހަމަލާދީ މަރާލި މައްސަލާގައި މީހަކަށް މަރުގެ ދައުވާ އުފުލައިފި އެވެ.

މާޗް މަހުގެ ހަތް ވަނަ ދުވަހު ހިނގި މި މާރާމާރީގައި ބަންގްލަދޭޝް މީހާ މަރުވަނީ ލިބުނު ޒަހަމްތަކަށް ތ. ވޭމަންޑޫ ހޮސްޕިޓަލްގައި ފަރުވާދެމުން ދަނިކޮށެވެ.

މި މައްސަލާގައި ގަސްދުގައި މީހަކު މަރާލުމުގެ ކުށުގެ ދައުވާ އުފުލާފައިވަނީ ބަންގްލަދޭޝް ރައްޔިތެއް ކަމަށްވާ މުހައްމަދު މަސްއޫދުގެ މައްޗަށެވެ.

މައުލޫމާތު ލިބިފައިވާ ގޮތުގައި އެ ދެ ބިދޭސީންގެ ދެމެދު ހަމަނުޖެހުން ހިނގީ ފައިސާގެ މައްސަލައެއްގަ އެވެ.

ބިދޭސީންގެ މެދުގައި މިފަދަ ކަންކަމުގައި މާރާމާރީތައް ހިންގާ މިންވަރު ގިނަ އެވެ. މީގެކުރިން ތ. ގުރައިދޫގައި ވެސް ބިދޭސީންތަކެއްގެ މެދުގައި މަރާމާރީ ހިނގައި، އެކަމަކު މަރާލާފައިވެ އެވެ.

ކުރިމިނަލް ކޯޓުގައި މިހާރު ހުރި މައްސަލަތަކަށް ބަލާއިރު ވެސް މަރުގެ ދައުވާ ލިބޭ ބަންގްލަދޭޝްގެ މީހުން ގިނަ އެވެ.