މާދަމާ ބާއްވާ ލޯކަލް ކައުންސިލްތަކުގެ އިންތިހާބުގައި ވ. ތިނަދޫ އާއި މ. ރަތްމަންދޫގައި ވޯޓްލާ ގަޑި ފަސްކޮށްފި އެވެ.

އިލެކްޝަންސް ކޮމިޝަން (އީސީ) އިން ބުނިގޮތުގައި އެ ދެ ރަށުގައި ވޯޓްލުން އޮންނާނީ މާދަމާ ހެނދުނު 8:30 އިން 5:00 އަށް ކަމަށެވެ.

އެހެން ރަށްރަށުގައި ވޯޓްލުން އޮންނާނީ ހެނދުނު 7:00 އިން ހަވީރު 5:00 އަށެވެ.

އީސީން ބުނިގޮތުގައި އެ ދެ ރަށުގައި ވޯޓްލާ ގަޑި ފަސް ކުރަން ޖެހުނީ އެހެން ރަށްރަށުން އެ ދެ ރަށަށް އޮފިޝަލުން ފޮނުވަން ޖެހޭތީ އެވެ.

ކޮވިޑުގެ ސަބަބުން އޮފިޝަލުން ހޯދުމަށް ވަނީ ދަތިތަކާ ކުރިމަތިވެފަ އެވެ. ނަމަވެސް މާލޭން ރަށްރަށަށް އޮފިޝަލުން ފޮނުވައިގެން ނަމަވެސް ވޯޓުލުން ކުރިއަށް ގެންދާނެ ކަމަށް އީސީން ބުނެ އެވެ.

މިދިޔަ އަހަރުގެ އޭޕްރީލް މަހުގެ ކުރީކޮޅު ބާއްވަން އުޅުނު ކައުންސިލްތަކުގެ އިންތިހާބު ފަސް ކުރަން ޖެހުނީ ކޮވިޑްގެ ސަބަބުންނެވެ. މާދަމާ ހާއްސަ އިންތިޒާމުތަކެއްގެ ދަށުން އިންތިހާބު ބާއްވަނީ އެތައް ތާރީހެއް ކުރިން ކަނޑައަޅައި ފަސް ކުރުމަށް ފަހުގަ އެވެ.