ވިޒިޓް ދަރަވަންދޫ ފުޓްސަލް މުބާރާތުގެ ތަށި ދޮންފަނަށް

Oct 26, 2026, 11:32 AM
ވިޒިޓް ދަރަވަންދޫ ފުޓްސަލް މުބާރާތުގެ ޗެމްޕިއަންކަން ހޯދި ދޮންފަން ޓީމުގެ ކުޅުންތެރިން އުފާފާޅުކުރަނީ.

ވިޒިޓް ދަރަވަންދޫ ފުޓްސަލް މުބާރާތުގެ ޗެމްޕިއަންކަން ހޯދި ދޮންފަން ޓީމުގެ ކުޅުންތެރިން އުފާފާޅުކުރަނީ.

ބ. ދަރަވަންދޫ ކައުންސިލުން އިންތިޒާމުކޮށްގެން ކުރިއަށް ގެންދިޔަ ފޯރިގަދަ ފުޓްސަލް މުބާރާތް، "ވިޒިޓް ދަރަވަންދޫ ފުޓްސަލް ފިއެސްޓާ"ގެ ޗެމްޕިއަންކަން ބ. ދޮންފަނުން ހޯދައިފި އެވެ.

މުޅި ބ. އަތޮޅަށް ހުޅުވާލައިގެން ކުރިއަށްގެންދިޔަ މި މުބާރާތުގެ ތަށި ދޮންފަނުން ގެންދިޔައީ،  ދަ ނޮޓިލަސްގެ މައްޗަށް 5-0 އިން ކުރިހޯދައިގެންނެވެ.

ދަރަވަންދޫ ފުޓްސަލް ދަނޑުގައި ކުޅުނު ފައިނަލް މެޗުގައި  ދޮންފަނަށް ލީޑުނަގައިދިނީ، ރާއްޖޭގެ ގިނަ ފުޓްސަލް މުބާރާތްތަކެއްގައި މިހާރު ކުޅެމުން އަންނަ އީރާނުގެ ކުޅުންތެރިޔާ މޮހޮސިން މޮންތާޒެމީ އެވެ.

މެޗުގެ ދެ ވަނަ ހާފްގައި ދޮންފަނުގެ މުހައްމަދު ފައިޒާން ފަޒީން (ފައިއްޓެ) ހެޓްރިކެއް ހެދި އެވެ. ދޮންފަނަށް މެޗުގެ ފަހު ލަނޑު ޖަހައިދިނީ އިބްރާހީމް ރާއީ އެވެ.

ފައިނަލް މެޗުގެ މޮޅު ކުޅުންތެރިޔާގެ މަގާމާއި މުބާރާތުގެ އެންމެ މޮޅު ކުޅުންތެރިޔާގެ މަގާމު ހޯދީ ފަހަކަށް އައިސް ދޮންފަނު ޓީމަށް ގިނަ މުބާރާތްތަކެއް ކުޅެމުން އަންނަ މޮހޮސިން އެވެ. 

ވިޒިޓް ދަރަވަންދޫ ފުޓްސަލް ފިއެސްޓާގައި މި ފަހަރު އަށް ޓީމެއް ވާދަކުރި އެވެ. ރަށްރަށުގެ ޓީމުތަކުގެ އިތުރުން، ދެ ރިސޯޓެއް ވެސް މި ފަހަރުގެ މުބާރާތުގައި ފެނިގެންގޮސްފައިވެ އެވެ. މުބާރާތުގައި ވާދަކުރި ދެ ރިސޯޓަކީ ޑުސިޓް ތާނީ މޯލްޑިވްސް އާއި ނޮޓިލަސް އެވެ. މުބާރާތުގައި ދެން ވާދަކުރި ޓީމުތަކަށް ބަލާއިރު، ކިންގްސް ޔުނައިޓެޑް، ލަޔަންސް ޔުނައިޓެޑް، ޓީމް ދޮންފަނު، ނިއު ސްޕީޑްސް، ކިހާދޫގެ އިތުރުން ދޮންފަނު ވެޓެރަންސް ހިމެނެ އެވެ. 

މުބާރާތުގެ އެކިއެކި މަގާމުތަކުން މޮޅު ކުޅުންތެރިޔާގެ މަގާމު އަދި އެންމެ މޮޅު ކޯޗު ވެސް ވަނީ ހޮވައިފަ އެވެ. އެންމެ މޮޅު ކޯޗަކީ، ރާއްޖޭގެ ބޮޑެތި މުބާރާތްތަކުން ފެނިފައިވާ ކޯޗު، އިސްމާއިލް ރަޝީދު (އިސްމަ) އެވެ. އެންމެ މޮޅު ގޯލްކީޕަރަކަށް ދޮންފަނުގެ އަބްދުލް އަހަދު ހުސައިން ހޮވުނުއިރު، ފެއާ ޕްލޭ ޓީމަކީ ނިއު ސްޕީޑް އެވެ.

މުބާރާތުގެ މޮޅު ފަސް ކުޅުންތެރިންނަކީ، ދޮންފަނުގެ މޮހޮސިން އާއި ފައިއްޓެގެ އިތުރުން، ނޮޓިލަސްގެ މުހައްމަދު ނަވީދު އާއި އަހުމަދު ސަބާހު އަދި ކިންގްސް ޔުނައިޓެޑްގެ އަހުމަދު އެލް ސައީދު އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox