އެމްޑީޕީ ކޮންގްރެސް 2026: ޕާޓީގެ އަސާސީ ގަވާއިދަށް ހުށަހަޅާފައިވާ އިސްލާހުތަކަށް ބަލައިލުމެއް

Oct 3, 2026, 10:04 AM
އެމްޑީޕީ ކޮންގްރެސް އޮކްޓޯބަރު 3، 2026 -- ފޮޓޯ: އަދަދު

އެމްޑީޕީ ކޮންގްރެސް އޮކްޓޯބަރު 3، 2026 -- ފޮޓޯ: އަދަދު

އެމްޑީޕީގެ ހިންގުން ހަރުދަނާކޮށް ޑިމޮކްރެޓިކް އުސޫލުތައް ވަރުގަދަކުރުމަށްޓަކައި އެ ޕާޓީގެ އަސާސީ ގަވާއިދަށް ބޮޑެތި އިސްލާހުތަކެއް ގެނައުމަށް ވަނީ ހުށަހަޅައިފަ އެވެ. މި އިސްލާހުތަކުގެ މައިގަނޑު އަމާޒަކީ ޕާޓީގެ އެތެރޭގެ ހިންގުން ދެފުށް ފެންނަ ނިޒާމަކަށް ބަދަލުކޮށް، މެންބަރުންގެ ބައިވެރިވުން އިތުރުކުރުމެވެ.

އެމްޑީޕީ ކޮންގްރެސްގެ މިއަދުގެ ސެޝަންތަކުގައި އަސާސީ ގަވާއިދަށް އިސްލާހުތައް ހުށަހެޅުމާއި ބަހުސް ކުރުމާއި ވޯޓުލުން ކުރިއަށްދާނެ އެވެ. އެހެންކަމުން މި ލިޔުމުގައި މި ބަލައިލަނީ ޕާޓީގެ އަސާސީ ގަވާއިދަށް ހުށަހަޅާފައިވާ އިސްލާހުތަކާއި ބަދަލުތަކަށެވެ. 

ފެކްޝަންތައް އުވާލަން

މި ހުށަހެޅުންތަކުގެ ތެރެއިން އެންމެ ފާހަގަކޮށްލެވޭ އެއް ކަމަކީ ޕާޓީ ތެރޭގައި ރަސްމީކޮށް ފެކްޝަން އުފައްދައިގެން މަސައްކަތް ކުރުން ހުއްޓުވުމެވެ. ފެކްޝަންތަކުގެ ސަބަބުން ޕާޓީ ބައިބައިވެ، ހިންގުމަށް ހުރަސްއެޅި، ޕާޓީ ބިކަވަމުންދާ ކަމަށް މި އިސްލާހުތަކުގައި ފާހަގަކޮށްފައިވެ އެވެ. މީގެ އިތުރުން، ވޭތުވެދިޔަ 21 އަހަރުގެ ތަޖުރިބާއަށް ބަލައި، ޕާޓީގެ ގޮފިތައް އުވާލުމަށް ވެސް ވަނީ ހުށަހަޅާފަ އެވެ. އެއީ ގޮފިތަކަކީ ހަމައެކަނި ކޮންގްރެސްއަށް މީހުން ހޮވަން ބޭނުންކުރާ ވަސީލަތަކަށް ވެފައިވާތީ އެވެ.

އިންތިހާބަކާ ނުލައި ގައުމީ މަޖިލީހުގެ ގޮނޑިއެއް ނުލިބޭ ގޮތް ހެދުން 

ޕާޓީގެ އެންމެ މަތީ ގޯތި ކަމަށްވާ ގައުމީ މަޖިލީހުގެ އިންތިހާބީ ސިފަ ވަރުގަދަކުރުމަށް ވެސް މުހިންމު ބަދަލުތަކެއް ވަނީ ހުށަހަޅާފަ އެވެ. އެގޮތުން އިންތިހާބަކާ ނުލައި ގައުމީ މަޖިލީހަށް މީހުން އައްޔަންކުރާ އުސޫލު އުވާލުމަށް ވަނީ ހުށަހަޅާފަ އެވެ. މީގެ ތެރޭގައި ޗެއާޕާސަންގެ ނާއިބުންނާއި ވަޒީރުން ފަދަ މަގާމުތައް ހިމެނެ އެވެ. އަދި ގައުމީ މަޖިލީހުގެ މެންބަރުންނަކީ ޕާޓީގެ އޮފީހުން މުސާރަ ނުވަތަ އިނާޔަތް ލިބޭ ބަޔަކަށް ވެގެން ނުވާނެ ކަމަށް ވެސް ވަނީ ބަޔާންކޮށްފަ އެވެ. މިއީ އެ މެންބަރުންގެ މިނިވަންކަން ކަށަވަރުކުރުމަށް ކުރެވޭ ކަމެކެވެ.

އިންތިހާބުތައް އިންސާފުވެރި ކުރުން 

އިންތިހާބުތަކުގެ އިންސާފުވެރިކަން ކަށަވަރުކުރުމަށްޓަކައި، ކޮންމެ އިންތިހާބެއް އިއުލާނުކުރުމުގެ 10 ދުވަސް ކުރިން ގައުމީ މަޖިލީހުން "ހާއްސަ އިންތިހާބީ ކޮމިޓީ" އެއް އެކުލަވާލަން ޖެހޭނެ އެވެ. މި ކޮމިޓީގެ ދައުރަކީ އިންތިހާބުގެ ކަންކަން ބެލެހެއްޓުމެވެ. އަދި ކޮންގްރެސްގައި ބައިވެރިވާ މެންބަރުންގެ ފުރިހަމަ މައުލޫމާތު، ކޮންގްރެސް ބޭއްވުމުގެ 10 ދުވަސް ކުރިން ޕާޓީގެ ވެބްސައިޓުގައި ޝާއިއުކުރަން ޖެހޭ ގޮތަށް ވެސް ވަނީ އިސްލާހު ހުށަހަޅާފަ އެވެ.

ޕާޓީގެ މާލިއްޔަތު 

މާލީ ކަންކަން ހަރުދަނާކުރުމުގެ ގޮތުން، ކޮންމެ ގައުމީ އިންތިހާބެއް ނިމޭތާ 30 ދުވަހުގެ ތެރޭގައި އެ އިންތިހާބަކަށް ހިނގި ހަރަދުގެ ރިޕޯޓު ގައުމީ މަޖިލީހަށް ހުށަހަޅަން ޖެހޭނެ އެވެ. އަދި ޕާޓީގެ މުސާރައިގެ އޮނިގަނޑު ކޮންމެ އަހަރެއްގެ ނޮވެމްބަރު 30 ގެ ކުރިން ގައުމީ މަޖިލީހަށް ހުށަހަޅައި ފާސްކުރަން ޖެހޭނެ އެވެ. ޕާޓީގެ ގާނޫނީ ކަންކަމުގައި ލަފާދޭ އެންމެ އިސް ފަރާތަކަށް ފަސް އަހަރުގެ ދައުރަކަށް ލީގަލް ޑައިރެކްޓަރަކު އައްޔަންކުރުމަށް ވެސް ވަނީ ނިންމާފަ އެވެ.

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox