ކޮންމެ ހަފުތާއެއްގެ ބުރާސްފަތި ދުވަހާއި ހޮނިހިރު ދުވަހު، ހުޅުމާލޭގައި ހުންނަ ގަވިން ޝޯރޫމް ކުރިމަތީގައި ހާއްސަ "ވީކެންޑް ސޭލް" އެއް ކުރިއަށް ގެންދާ ގޮތަށް ހަމަޖެހިއްޖެ އެވެ.
މި ސޭލް ކުރިއަށް ދާނީ ބުރާސްފަތި އަދި ހޮނިހިރު ދުވަހުގެ ހަވީރު 4:00 އިން 6:00 އަށް އަދި ރޭގަނޑު 8:00 އިން 10:00 އަށެވެ.
ގަވިންގެ މި ވީކެންޑް ސޭލްގެ ތެރެއިން ގޭތެރެއަށް ބޭނުންވާނެ ގިނަ ސާމާނުތަކެއް ލިބެން ހުންނާނެ އެވެ. އޭގެ ތެރޭގައި ކާޕެޓާއި، ފައިފުހި، ކުއިލްޓް ބެޑްޝީޓް އަދި ކުޝަން ކަވަރު ފަދަ ތަކެތި ހިމެނެ އެވެ.
މީގެ އިތުރުން، ބެޑްޝީޓް ނުވަތަ ކުޝަން ކަވަރު ފަދަ ތަކެތި ފަހަން ބޭނުންވާ ފެންވަރު ރަނގަޅު ރީތި ފޮތި، މި ސޭލްގެ ތެރެއިން ވަރަށް ހެޔޮ އަގުތަކެއްގައި ލިބެން ހުންނާނެ އެވެ. އެގޮތުން ފޮތި މީޓަރެއް 15 ރުފިޔާ އާއި 20 ރުފިޔާއާ ދެމެދުގެ އަގުތަކެއްގައި ލިބޭނެ އެވެ.
ގަވިން އިން ބުނި ގޮތުގައި މި ވީކެންޑް ސޭލް ނިންމާލާނެ ވަކި ތާރީހެއް އަދި ކަނޑައަޅާފައެއް ނުވެ އެވެ.
މިއީ ގޭތެރެ ޒީނަތްތެރިކުރުމަށް ބޭނުންވާ ތަކެތި ހެޔޮ އަގުގައި ހޯދުމަށް ލިބޭ ރަނުގެ ފުރުސަތެކެވެ.
މި ސޭލްގައި ހިމެނޭ ތަކެތީގެ އިތުރުން ވެސް، ގަވިން ޝޯރޫމްގައި ހުރި އަގުބޮޑު ގިނަ ބާވަތްތަކަކުން މިހާރު ވަނީ ބޮޑު ޑިސްކައުންޓެއް ދީފަ އެވެ. އަދި ގަވިން އިން އަލަށް ބާޒާރަށް ނެރުނު "އޭވިން" (Awing) ބްރޭންޑްގެ ދޮންނަ މެޝިންތަކުގެ އަގު ވެސް މިހާރު ވަނީ ވަރަށް ބޮޑަށް ހެޔޮކޮށްފަ އެވެ.
ގަވިން ޝޯރޫމް ހުންނަނީ ހުޅުމާލޭ ރީތިގަސް މަގުގަ އެވެ.
