ރާއްޖޭގައި ފުޅާދާއިރާއެއްގައި ހޯމް ސޮލިއުޝަންސްގެ ހިދުމަތް ދެމުން އަންނަ "ގަވިން" އިން، ކަސްޓަމަރުން ބޭނުންވާ ގޮތަށް ހާއްސަކޮށްގެން ތައްޔާރުކުރާ ހުރިހާ ވައްތަރެއްގެ ދޮރުފޮއްޗަކުން 80 ޕަސެންޓުގެ ބޮޑު ޑިސްކައުންޓެއް ދޭން ފަށައިފި އެވެ.
މިއީ ފެންވަރު ރަނގަޅު، އަދި ކަސްޓަމަރުން ބޭނުންވާ ގޮތަށް ފަރުމާކުރެވޭ ހޯމް ސޮލިއުޝަންތައް ރާއްޖޭގެ ގިނަ ގޭބިސީތަކަށް ހެޔޮ އަގުގައި ފޯރުކޮށްދިނުމުގެ ބޭނުމުގައި ގަވިންއިން ފެށީ ޕްރޮމޯޝަނެކެވެ.
މި އޮފާގެ ދަށުން ގަވިންއިން ލިބެން ހުންނަ ހުރިހާ ރޭންޖެއްގެ ދޮރުފޮތި ލިބޭނެއެވެ. އޭގެ ތެރޭގައި ގޭގެ ރީތިކަން އިތުރުކޮށްދޭ "ޝިއަރ ކާޓަން" އާއި، އަލި ނުވަންނަ ގޮތަށް ހަދާ "ބްލެކްއައުޓް ކާޓަން" ގެ އިތުރުން ޑިޒައިނަރ ފޭބްރިކްތަކުގެ ތަފާތު ގިނަ ބާވަތްތައް ހިމެނެއެވެ.
ގަވިންއިން ބުނި ގޮތުގައި، މި ޕްރޮމޯޝަންގެ ދަށުން ތައްޔާރުކުރާ ކޮންމެ ކާޓަންއަކީވެސް ކަސްޓަމަރު ބޭނުންވާ ތަނަކަށް، ބޭނުންވާ ސްޓައިލަކަށް އަދި ބޭނުންވާ ފޮއްޗަކަށް ބަލައިގެން ފަރުމާކުރެވޭ، މުޅިން އާ އުފެއްދުމެކެވެ. އޭގެ އިތުރުން، ކާޓަން ހަރުކުރުމަށް ބޭނުންވާ މިންތައް ނެގުމާއި، ކާޓަންތައް ހަރުކޮށްދިނުމުގެ ހިދުމަތްވެސް ގަވިންގެ ފަރާތުން ކަސްޓަމަރުންނަށް ފޯރުކޮށްދޭނެ އެވެ.
ގަވިންގެ ހުރިހާ ޝޯރޫމްތަކުންވެސް މި ޕްރޮމޯޝަންގެ ދަށުން ވިޔަފާރި ކުރެވޭނެ އެވެ. ނަމަވެސް، ކާޓަންގެ އެކި ވައްތަރުތަކާއި ޑިޒައިންތައް އިހުތިޔާރު ކުރުމުގެ އެންމެ ފުޅާ ފުރުސަތެއް ލިބިގެންދާނީ ގަވިންގެ ހުޅުމާލެ ޝޯރޫމުންނެވެ.
