ރެފްރީންނަށް ފާޑުކީ މައްސަލަތަކަށް ފީފާ އިން ފިޔަވަޅު އަޅާނީ ވޯލްޑް ކަޕަށް ފަހު

Jul 17, 2026, 7:46 AM
މިސްރުގެ ކޯޗު ހޮސާމް (ވ) އާއި ރެފްރީ ލެޓެކްސިއޭ (ކ)، ގަދަ 16 ބުރުގައި އާޖެންޓީނާ އާއި މިސްރު ކުޅުނު މެޗުގެ ތެރެއިން ވާހަކަ ދައްކަނީ.

މިސްރުގެ ކޯޗު ހޮސާމް (ވ) އާއި ރެފްރީ ލެޓެކްސިއޭ (ކ)، ގަދަ 16 ބުރުގައި އާޖެންޓީނާ އާއި މިސްރު ކުޅުނު މެޗުގެ ތެރެއިން ވާހަކަ ދައްކަނީ.

ނިއު ޔޯކް، ޔުނައިޓެޑް ސްޓޭޓްސް (ޖުލައި 17) - އެމެރިކާ، މެކްސިކޯ އަދި ކެނަޑާގައި މިހާރު ކުރިއަށްދާ ފީފާ ވޯލްޑް ކަޕް ފުޓްބޯޅަ މުބާރާތުގެ ތެރެއިން ރެފްރީންނަށް ފާޑުކިޔާފައިވާ ކޯޗުންނާއި ކުޅުންތެރިންނާ ގުޅޭ މައްސަލަތައް ބަލައި، ފީފާ އިން އެ ކަމަށް ފިޔަވަޅުތައް އަޅާނީ ވޯލްޑް ކަޕް ނިމުމުން ކަމަށް ރިޕޯޓްތައް ބުނެފި އެވެ. 

މި ފަހަރުގެ ވޯލްޑް ކަޕްގައި 102 މެޗެއް ނިމިފައިވާއިރު، ބައެއް މެޗުތަކަށް ފަހު އޮތް ނޫސްވެރިންގެ ބައްދަލުވުންތަކާއި މިކްސް ޒޯން ތެރޭގައި ދިން އިންޓަވިއުތަކުގައި ރެފްރީންނަށް ވަނީ ވަރަށް ބޮޑަށް ފާޑުކިޔައިފަ އެވެ. އޭގެ ތެރެއިން ބައެއް ފާޑުކިޔުންތަކަށް ފީފާ އިން ވަނީ ޖަވާބުދާރީ ވެސް ވެފަ އެވެ. 

ރެފްރީންނާ ގުޅޭގޮތުން، ދައްކާފައިވާ ވާހަކަތަކަށް އަޅާނެ ފިޔަވަޅެއް ނިންމާނީ މެޗަށް ފަހު، ރެފްރީން ހުށަހަޅާފައިވާ ރިޕޯޓްތަކާއި މުބާރާތާ ގުޅޭގޮތުން، ރެފްރީން ހުށަހަޅާ ރިޕޯޓްތަކަށް ފުރިހަމަ އަށް ބެލުމަށް ފަހު އެވެ. މީގެ ހަތަރު އަހަރު ކުރިން ގަތަރުގައި، 2022 ވަނަ އަހަރު ބޭއްވި ވޯލްޑް ކަޕަށް ފަހު ވެސް ފީފާ އިން ވަނީ މި ފަދަ މައްސަަލަތައް ބަލައި ފިޔަވަޅުތަކެއް އަޅައިފަ އެވެ. 

ވޯލްޑް ކަޕްގެ ސެމީ ފައިނަލުން ސްޕެއިން އަތުން ފްރާންސް ބަލިވެ، މުބާރާތުން ކެޓި މެޗަށް ފަހު، ފްރާންސްގެ ކޯޗު، ޑިޑިއޭ ޑެޝޯމްޕްސް ވަނީ، އެ މެޗުގެ ރެފްރީގެ ފެންވަރާ މެދު ސުވާލު އުފައްދައިފަ އެވެ. އެ ގޮތުން، ޑެޝޯމްޕްސް ބުނީ، އެ މެޗުގެ ރެފްރީގެ ފެންވަރާ މެދު ގޮތް ނިންމާނީ އޭނާއެއް ނޫން ކަމަށާއި، އެކަމާ މެދު ނޫސްވެރިން ނޫނީ މީޑިއާތަކުން ދެކޭ ގޮތް ހިއްސާކުރުން މުހިންމުވާނެ ކަމަށެވެ. 

ޑެޝޯމްޕްސްގެ އެ ވާހަކަތަކަށް ރައްދުދެމުން، ފީފާގެ ރެފްރީސް ޗީފް، އިޓަލީގެ ޕިއެރްލުއީޖީ ކޮލީނީ ބުނީ، ވޯލްޑް ކަޕްގައި އިންސާފުކުރާ ކޮންމެ ރެފްރީ އަކީ ދުނިޔޭގެ ފެންވަރު އޮފިޝަލެއް ކަމަށެވެ. 

ވޯލްޑް ކަޕްގެ ކުއާޓާ ފައިނަލުގައި، މެކްސިކޯ އަތުން އިންގްލެންޑް މޮޅުވި މެޗަށް ފަހު، އެ ޓީމުގެ ކޯޗު، ތޯމަސް ޓުޗެލް ވަނީ ރެފްރީ އަށް ފާޑުކިޔައިފަ އެވެ. އެ ގޮތުން، އެ މެޗުގައި އިންގްލެންޑްގެ ޖަރަލް ކުއަންސާ އަށް ރަތެއް ދައްކަން ނިންމި ނިންމުމާ ގުޅޭގޮތުން، ޓުޗެލް ވަނީ ފާޑުކިޔައިފަ އެވެ. އަދި، ބަދަލު ރެފްރީންގެ ގޮތުގައި ތިބޭ ދެ ރެފްރީންގެ އަހުލާގީ ފެންވަރު ދަށް ކަމަށް ވެސް ވަނީ ބުނެފަ އެވެ. 

ރެފްރީންނަށް އެންމެ ބޮޑު ފާޑުކިޔުމެއް އައީ، ގަދަ 16 ބުރުގައި އާޖެންޓީނާ އަތުން ފަހު ވަގުތު މިސްރު ބަލިވި މެޗަށް ފަހު އެވެ. އެ ގޮތުން، ފަހު ވަގުތު 3-2 އިން މިސްރު އަތުން އާޖެންޓީނާ މޮޅުވި މެޗަށް ފަހު، މިސްރުގެ ކޯޗު ހޮސާމް ހަސަން ވަނީ ފީފާގެ މައްޗަށް ވެސް ތުހުމަތުތަކެއް ކޮށްފަ އެވެ. އެ ގޮތުން، ހޮސާމް ބުނެފައިވަނީ، ފީފާ އިން އެ މެޗުގެ ރެފްރީން ފްރަންކޮއިސް ލެޓެކްސިއޭ އަށް އަންގާފައި އޮތީ އާޖެންޓީނާ ކުރިއަށްގެންދިއުމަށް ކަމަށާއި ރެފްރީގެ ނިންމުންތައް ވެސް ހުރީ އެހެން ކަމަށެވެ. އަދި، ހޮސާމް އެކޭ އެއްގޮތަށް އެ މެޗުގައި މިސްރުގެ ދެ ވަނަ ލަނޑު ޖެހި މޮސްތަފާ ޒީކޯ ވެސް ވަނީ ރެފްރީ ހުރީ އާޖެންޓީނާއާ އެއްކޮޅަށް ޖެހިފައި ކަމަށް ބުނެފަ އެވެ. 

ޒީކޯ އެކޭ އެއްގޮތަށް، ސްވިޒަލެންޑްގެ ޑިފެންޑަރު، މެނުއަލް އަކަންޖީ ވެސް ވަނީ، އާޖެންޓީނާ އަށް ފައިދާ ކުރާ ގޮތަށް ރެފްރީގެ ނިންމުންތައް ހުންނަ ކަމަށް ބުނެފަ އެވެ. އެއީ، ކުއާޓާ ފައިނަލުގައި ސްވިޒަލެންޑް އަތުން އާޖެންޓީނާ މޮޅުވި މެޗަށް ފަހު އެވެ. އެ މެޗަށް ފަހު، ސްވިޒަލެންޑްގެ ކޯޗު މުރާތު ޔަކީން ވެސް ވަނީ ރެފްރީ ހުރީ ސްވިޒަލެންޑާ ދެކޮޅަށް ކަމަށް ބުނެ، ނޫސްވެރިންގެ ބައްދަލުވުމުގައި ވާހަކަ ދައްކައިފަ އެވެ. 

ކޮލީނާ ވަނީ ވޯލްޑް ކަޕްގެ ރެފްރީންނަށް އެއްވެސް ފަރާތެއްގެ ނުފޫޒެއް ނޯންނާނެ ކަމުގެ ޔަގީންކަން ދީފަ އެވެ. އަދި، ފީފާގެ ރައީސް ޖިއާނީ އިންފަންޓީނޯ ވެސް އެކަމުން އިސްތިސްނާ ނުވާނެ ކަމަށް ކޮލީނާ ވަނީ ބުނެފަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox