ޓެއިލާ އާއި ޓްރެވިސްގެ ކައިވެނީގެ ތައްޔާރީތައް ފެށިއްޖެ

Jun 30, 2026, 6:30 AM
ފޮޓޯ: ރޮއިޓާސް

ފޮޓޯ: ރޮއިޓާސް

އެމެރިކާގެ މަޝްހޫރު ލަވަކިޔުންތެރިޔާ ޓެއިލާ ސުވިފްޓާއި އެމެރިކަން ފުޓްބޯޅަ ކުޅުންތެރިޔާ ޓްރެވިސް ކެލްސީ އަންނަ ހަފުތާގައި ނިއުޔޯކް ސިޓީގައި ކައިވެނިކުރަން އުޅޭ ކަމަށް، އެ ސިޓީން ދޫކޮށްފައިވާ ހުއްދަތަކާއި މަސްދަރުތަކާ ހަވާލާދީ ނިއުޔޯކް ޓައިމްސް ނޫހުން ރިޕޯޓުކޮށްފި އެވެ.

ދުނިޔޭގައި މިހާތަނަށް އުފެދުނު އެންމެ ކާމިޔާބު އެއް މިއުޒީޝަން ކަމަށްވާ ޓެއިލާ އާއި، ތިން ފަހަރު ސުޕަ ބޯލް ކާމިޔާބުކޮށްފައިވާ ކެލްސީ އެންގޭޖްވިކަން އިއުލާންކުރީ މިދިޔަ އޮގަސްޓް މަހުގަ އެވެ. އޭގެ ފަހުން މި ދެމީހުން ކައިވެނިކުރާނެ ތަނަކާއި ތާރީހަކާ މެދު އާންމުންގެ މެދުގައި ވަނީ ބޮޑެތި ބަހުސްތަކެއް ކުރެވިފަ އެވެ.

މިކަމާ ގުޅޭ މައުލޫމާތު އެނގޭ ތިން މީހަކާ ހަވާލާދީ ނިއުޔޯކް ޓައިމްސްއިން ބުނީ، ޖުލައި ތިން ވަނަ ދުވަހު ބާއްވާ ހަރަކާތަކަށްޓަކައި، ޖުލައި ދެ ވަނަ ދުވަހުން ފެށިގެން ހަތަރު ވަނަ ދުވަހުގެ މެންދުުރާ ހަމައަށް މެޑިސަން ސްކޮޔާ ގާޑަންގެ ވަށައިގެންވާ މަގުތައް ބަންދުކުރުމުގެ ހުއްދައަކަށް ނިއުޔޯކް ސިޓީގައި އެދިފައިވާ ކަމަށެވެ.

Advertisement

ނިއުޔޯކް ޓައިމްސްއިން ރިޕޯޓުކޮށްފައިވާ ގޮތުގައި، ކެލްސީ ކުޅޭ ކެންސަސް ސިޓީ ޗީފްސް ޓީމުގެ ބައެއް ކުޅުންތެރިން ވަނީ ޖުލައި ތިން ވަނަ ދުވަހާ ދިމާކޮށް ޓައިމްސް ސްކޮޔާގައި ހުންނަ މެރިއޮޓް މާކީ ހޮޓަލުން ކޮޓަރިތައް ބުކްކޮށްފަ އެވެ.

ދެ މަސްދަރަކުން އެ ނޫހަށް މައުލޫމާތު ދީފައިވާ ގޮތުގައި، ޖުލައި ދެ ވަނަ ދުވަހު މެޑިސަން ސްކޮޔާ ގާޑަންގައި ގާތްގަނޑަކަށް 100 މީހުންގެ ކުޑަ ހަފުލާއެއް ބޭއްވުމަށް ވަނީ ރޭވިފަ އެވެ. އަދި ޖުލައި ތިން ވަނަ ދުވަހު 1،000 އެއްހާ މީހުންނާއެކު ބޮޑު ހަފުލާއެއް ބޭއްވުމަށް ހަމަޖެހިފައިވާއިރު، އެ ހަފުލާގައި ސްޓޭޖް ހަރަކާތްތަކެއް ފެނުމުގެ ފުރުސަތު އޮތް ކަމަށް ވެސް އެ ނޫހުން ބުނެ އެވެ.

ނިއުޔޯކްގެ މޭޔަރު ޒޮހްރާން މަމްދާނީ ވެސް ވަނީ ޓެއިލާގެ ކައިވެނި ވަރަށް އަވަހަށް އޮންނާނެ ކަމުގެ އިޝާރާތެއް ދެއްވާފަ އެވެ. ފުޓްބޯޅަ ވޯލްޑް ކަޕާ ބެހޭ ގޮތުން ވާހަކަދައްކަވަމުން އޭނާ ވަނީ މި ކައިވެނީގެ ވާހަކަ ފާހަގަކުރައްވާފަ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox