ލޮސް އެންޖެލްްސް، ޔުނައިޓެޑް ސްޓޭޓްސް (ޖޫން 16) - ފީފާ ވޯލްޑް ކަޕްގައި މި ފަހަރު އެންމެ އުނދަގުލުން ވާދަކުރަމުން އަންނަ އިރާނުން ކުުޅުނު ފުރަތަމަ މެޗުގައި ދެ ފަަހަރު ވެސް ފަހަތުން އަރައި ނިއު ޒީލެންޑާ 2-2 އިން އެއްވަރުކޮށްފި އެވެ.
ނިއު ޒީލެންޑުން 16 އަހަރަށް ފަހު، ފީފާ ވޯލްޑް ކަޕަށް އެނބުރި އައި ފަހަރު، އެ ޓީމުން ކުޅުނު ފުރަތަމަ މެޗުގައި ދެ ފަހަރެއްގެ މަތިން ވަނީ ލީޑުނަގައިފަ އެވެ. އެކަމަކު، ރަނގަޅު ރޫހެއްގައި އޮވެ، މި ފަހަރުގެ ވޯލްޑް ކަޕްގައި ކުޅެން އައިސް ތިބި އިރާން ޓީމުން ފަސޭހައިން ދުލެއް ނުދީ، މެޗުގައި ނަތީޖާ ނެރެން ކުރި މަަސައްކަތުަގެ ތެރެއިން މި ވަނީ ޕޮއިންޓެއް ހޯދައިފަ އެެވެ.
މެޗުގައި ނިއު ޒީލެންޑުން ފުރަތަަމަ ފަހަރަށް ލީޑުނެގީ ކްރިސް ވުޑް ދިން ބޯޅަ އަކުން ހަތް ވަނަ މިިނިޓްގައި އެލައިޖާ ޖަސްޓް ޖެހި ގޯލުންނެވެ. މިއީ، ލިބުނު ފުރުސަތުގައި ވޮލީ އަކުން ޖަސްޓް ޖެހި ގޯލެކެވެ.
އަށާވީސް ވަރަކަށް މިނިޓް ވަންދެން ނިއު ޒީލެންޑުން ލީޑުގައި އޮތްއިރު، އިރާނުން ވަނީ 32 ވަނަ މިނިޓްގައި އެއްވަރުކޮށްފަ އެވެ. އިރާނުގެ ލަނޑު ޖެހީ ރާމީން ރެޒައީން އެވެ. އިރާނުގެ ތަރި، މަހުދީ ތަރޭމީ އެ ޓީމަށް ލީޑުނަަގައިދޭން ފޮނުވާލި ޝޮޓް އަމާޒުވީ ގޯލުގެ ދަނޑި އަށެވެ.
ނިއު ޒީލެންޑުން ދެ ވަނަ ފަހަރަށް ލީޑުނެގީ ވެސް ފުރަތަމަ ގޯލުގައި ފެނުނު ކޮމްބިނޭޝަން ގުޅިގެން ޖެހި ގޯލެކެވެ. ދެ ވަނަ ހާފު ފެށިގެން ނުވަ މިނިޓް ތެރޭ ޖަސްޓް ވަނީ ވުޑްސް ދިން ބޯޅައެއް ގޯލަށް ވައްދާލައިފަ އެވެ. އިރާނަށް އެއްވަރުކޮށްދިނީ، ނިއު ޒީލެންޑު އަލުން ލީޑުނެގިތާ 10 މިނިޓް ފަހުން، މުހައްމަދު މުޒެއްބީ ޖެހި ގޯލުންނެވެ. ރެޒައީން ދިން ބޯޅައަކުން މުޒެއްބީ ބޮލުން ވަނީ ގޯލަށް ބޯޅަ ފޮނުވާލައިފަ އެވެ.
މި ގްރޫޕްގައި ރޭ ކުޅުނު ފުރަތަމަ މެޗުން، ބެލްޖިއަމް އާއި މިސްރު ވަނީ 1-1 އިން އެއްވަރުވެފަ އެވެ. އެހެންކަމުން، މި ގްރޫޕުން ނޮކައުޓް ބުރަށް ދާނެ ޓީމުތަކެއް ކަނޑައެޅުމުގައި ފޯރިގަދަ ކުރިމަތިލުންތަކެއް ފެނިގެންދާނެ އެވެ.
މީގެ 16 އަހަރު ކުރިން، ނިއު ޒީލެންޑުން 2010 ވަނަ އަހަރު ދެކުނު އެފްރިކާގައި ބޭއްވި ވޯލްޑް ކަޕްގައި، ކުޅުނު ތިން މެޗުން ވެސް ވީ އެއްވަރެވެ. އެ ޓީމު މުބާާރާތުން ކެޓީ މެޗަކުން ބަލިނުވެ އެވެ.
