ނުބައި ވަހަކީ ހަމައެކަނި ނޭފަތަށް އުނދަގޫވާ ކަމެއްގެ ގޮތުގައި ގިނަ ބަޔަކު ދެކުނު ނަމަވެސް، އެއީ އިންސާނާގެ ޖިސްމާނީ އަދި ނަފުސާނީ ދުޅަހެޔޮކަމަށް ހުރި ބޮޑު ނުރައްކަލެއްކަން ފަހުގެ ދިރާސާތަކުން ހާމަވެއްޖެއެވެ.
ނުބައި ވަހަކީ ހަށިގަނޑަށް ކުރިމަތިވެދާނެ ނުރައްކަލަކުން ސަލާމަތްވުމަށްޓަކައި ސިކުނޑިން ފޮނުވައިދޭ "އިންޒާރުގެ ސިގްނަލެކެވެ".
ކެރޮލިންސްކާ އިންސްޓިޓިއުޓްގެ ޕްރޮފެސަރ ޔޯހާން ލަންޑްސްޓްރޯމް ހާމަކުރެއްވި ގޮތުގައި، ނުބައި ވަހެއް ނޭފަތަށް ދިއުމާއެކު އެންމެ 300 މިލިސިކުންތުގެ ތެރޭގައި ސިކުނޑި އެއަށް އިޖާބަދެއެވެ. މިއީ ބެކްޓީރިއާ ނުވަތަ ވިހަ ގޭސް ފަދަ ނުރައްކާތަކުން ދުރުވުމަށް ހަށިގަނޑުން ދޭ އިންޒާރެކެވެ.
މިސާލަކަށް، ނަަޖިސް ހޮޅިތަކުން ދުވާ ވަހަކީ ހައިޑްރޮޖަން ސަލްފައިޑް ނަމަކަށް ކިޔާ ވިހަ ގޭހެއްގެ ވަހެވެ. މިއީ ފުރާނައަށް ނުރައްކާވެދާނެ އެއްޗަކަށް ވާތީ، އިންސާނާގެ ނޭފަތަށް އެ ވަސް ވަރަށް އަވަހަށް ފާހަގަކުރެވެއެވެ.
ސިއްހީ މައްސަލަތަކާއި ދިރިއުޅުމަށް އަންނަ ބަދަލުތައް
ނުބައި ވަސް ދުވާ ސަރަހައްދުތަކުގައި ދިރިއުޅޭ މީހުންނަށް ތަފާތު ސިއްހީ މައްސަލަތައް ކުރިމަތިވާކަން ދިރާސާތަކުން ދައްކައެވެ. އޭގެ ތެރޭގައި؛
- ބޮލުގައި ރިއްސުން
- ހޮޑުލަވާ ގޮތްވުން
- ނޭވާލާން އުނދަގޫވުން
- ނިދި މަދުވުން
މީގެ އިތުރުން، ނުބައި ވަހުގެ ސަބަބުން މީހުން ބޭރަށް ނިކުމެ ކަސްރަތު ކުރުމާއި، އިޖުތިމާއީ ގުޅުންތަކުން ދުރުވެ، އެކަނިވެރިވުމަށް މަގުފަހިވެއެވެ.
ނުބައި ވަހަކީ އުނދަގުލެއް ނަމަވެސް، ވަސް ދުވުމަކީ ސިއްހަތު ސަލާމަތުން ހުރިކަމުގެ ނިޝާނެކެވެ. ވަސް ބެލުމުގެ ހިއްސު ނެތް މީހުން ކެއުމުގެ ޝައުގުވެރިކަން ކުޑަވެ، ސިއްހީ އިތުރު ނުރައްކާތަކާ ކުރިމަތިލާން ޖެހެއެވެ.
