އެމެރިކާ އާއި އިޒްރޭލުން އިރާނަށް ބޮން އަޅައި ފެށި ހަނގުރާމައިގައި މިހާތަނަށް 787 މީހުން މަރުވެފައިވާ ކަމަށް އެ ގައުމުގެ މީޑިއާތަކުން ރިޕޯޓުކޮށްފި އެވެ.
އޭގެ ތެރޭގައި ދެ ސްކޫލަކަށް ހަމަލާ ދިނުމުގެ ސަބަބުން މަރުވި 165 ކުޑަކުދިން ހިމެނެ އެވެ. އެ ކުދިންގެ ޖަނާޒާ މިއަދުގެ ވަގުތެއްގައި ވަނީ ބާއްވާފަ އެވެ.
އިރާނުގެ ރެޑް ކްރެސެންޓުން ބުނާ ގޮތުގައި އެ ގައުމުގެ 153 ސަރަހައްދަަކަށް ވަނީ ބޮން އަޅާފަ އެވެ. ހަމަލާތަކުގެ އަދަދު އުޅެނީ 1،000 އިން މަތީގަ އެވެ.
Advertisement
އިރާނުން އަންނަނީ މިއަދު ވެސް ރައްދުގައި އެމެރިކާގެ އަސްކަރީ މަރުކަޒުތަކަށް އަމާޒުކޮށް ހަމަލާ ދެމުންނެވެ.
