މި އާދަތަކުން ސިކުނޑި ޒުވާންކޮށްލަމާ ހިނގާ!

Dec 17, 2025, 6:05 AM
މި އާދަތަކުން ސިކުނޑި ޒުވާންކޮށްލަމާ ހިނގާ!

އައިޑީ ކާޑުގައި އޮތް ގޮތުން މިހާރު އުމުރުން 55 އަހަރު ވަނީ ހެއްޔެވެ؟ ނަމަވެސް ދިރިއުޅުމުގެ އާދަތައް ހުންނަ ގޮތަކުން، ތިމާގެ ހަގީގީ އުމުރަށް ވުރެ 10 އަހަރު ހަގު މީހެއްހާ ޒުވާންކޮށް ވެސް ސިކުނޑި މަސައްކަތް ކޮށްފާނެ އެވެ. ނުވަތަ ތިމާގެ ހަގީގީ އުމުރަށް ވުރެ 10 އަހަރު ދޮށީ މީހެއްހާ މުސްކުޅިކޮށް ވެސް ސިކުނޑި މަސައްކަތްކޮށްފާނެ އެވެ.

ފަރުވާލެއް ނެތްތާއެވެ! ޔުނިވަސިޓީ އޮފް ފްލޮރިޑާގެ ސައެންސްވެރިން އެ ބުނަނީ، މިހާރު ދިރިއުޅުމުގެ އާދަތައް ހުންނަ ގޮތަށް ކުޑަކުޑަ ބަދަލެއް ގެނެސްގެން ވެސް، ތިމާގެ ސިކުނޑި ޅަ ކޮށްލެވިދާނެ ކަމަށެވެ. ފުރަތަމަ ކަމަކީ ރަނގަޅު ސިއްހީ ނިދުމަކަށް އާދަކުރުމެވެ. ތިމާގެ އުމުރާ އެންމެ އެކަށޭނަ މިންވަރަށް ކޮންމެ ރެޔަކު ވެސް ނިދުމެވެ. ދެވަނަ ކަމަކީ، ވަރުގަދަ އިޖްތިމާއީ ބަދަހި ގުޅުމެއް އޮތުމެވެ. ތިން ވަނަ ކަމަކީ އެހެން މީހުންގެ ފަރާތުން އީޖާބީ ނުފޫޒުތަކެއް ތިމާއަށް ފޯރުމެވެ. މާނައަކީ، ކަންކަމުގައި ހިތްވަރު ލިބުމާއި މީހުންގެ ރުހުމާއި އަޅައިލުމާއި ލޯބި ލިބުމެވެ.

ސައެންސްވެރިންގެ ހޯދުންތަކުން އެނގުނު ގޮތުގައި ދިރިއުޅުމުގެ އާދަތައް އެމީހަކު އިޚްތިޔާރު ކުރާ ގޮތާއި، އަދި އެމީހަކަށް ކުރިމަތިވާ ހާސްކަމާއި ކަންބޮޑުވުންތަކާ ކުރިމަތިލައި އެކަންކަން ހައްލުކުރާ ގޮތަކީ، އެމީހެއްގެ ސިކުނޑީގެ އުމުރާ ވަރަށް ބޮޑަށް ގުޅިފައިވާ ކަންކަމެވެ. ދާއިމީ ބަލިބަލީގައި އުޅޭ މީހުންގެ ސިކުނޑިއަށް ވެސް މިފަދަ ކަންކަމުން އަސަރުކުރެ އެވެ.

Advertisement

މި ދިރާސާގައި ބައިވެރިވި ސައެންސްވެރިން ބުނާ ގޮތުގައި މި ކަންކަމަކީ ކޮންމެ މީހަކަށް ވެސް އަމިއްލައަށް ކޮންޓްރޯލް ކުރެވޭނެ ކަންކަމެވެ. ހާސްވުމާއި ކަންބޮޑުވުން ކުރިމަތިވުމުން އަމަލުކުރާނެ ގޮތް ދަސްކޮށްގެން ހާސްކަން ފިލުވިދާނެއެވެ. ނިދި މަދުވުމަކީ ވެސް ހައްލުކުރެވޭނެ ކަމެކެވެ. ކުރިމަތިވާ ނާއުންމީދުތައް، އުންމީދަށް ބަދަލުކޮށްލުމަކީ ވެސް ތަމްރީންތަކަކުން ކުރެވިދާނެ ކަމެކެވެ.

ސިކުނޑީގެ އުމުރާ ބެހޭ ގޮތުން ހެދި މި ދިރާސާގައި ބައިވެރިކުރީ މެދު އުމުރާއި މުސްކުޅި އުމުރުގެ 128 މީހެކެވެ. މީގެ ތެރެއިން ގިނަ މީހުންނަކީ ކަށީގައި ނުވަތަ މަސްތަކުގައި ނުވަތަ ހުޅުތަކުގައި ދިގު މުއްދަތަކަށް ރިއްސުމުގެ ބަލި ނުވަތަ ކަކުލު ހުޅުގެ ރާއްޖެބަލި ތަހައްލަމު ކުރަމުންދާ މީހުންނެވެ. ދެ އަހަރުވަންދެން ކުރި މި ދިރާސާގައި ބައިވެރިން ސިކުނޑީގެ އެމްއާރްއައި ސްކޭންތަކެއް ހަދައި، ހާއްސަ ކޮމްޕިއުޓަރު ޕްރޮގްރާމެއްގެ އެހީގައި އެ ސްކޭންތައް ތަހުލީލުކޮށްގެން، އެމީހާގެ ހަގީގީ އުމުރާއި އޭނާގެ ސިކުނޑީގެ އުމުރު އަޅާކިޔައި، އުމުރުގެ ތަފާތު ދެނެގަތެވެ.

ދެ އުމުރުގެ ދެމެދުގައިވާ ތަފާތަށް ކިޔަނީ ބްރެއިން އޭޖް ގެޕް އެވެ. މި ދިރާސާއިން އެނގުނު ގޮތުގައި މީހާގެ އަސްލު އުމުރާ އަޅައި ބަލާއިރު ސިކުނޑި މުސްކުޅިވެފައިވާ ކަމަށް ދެއްކި އެންމެންނަކީ ވެސް، ދިރިއުޅުމުގައި ދަތި އުނދަގޫ ކަންތައްތަކެއް ތަހައްމަލު ކުރަންޖެހިފައިވާ މީހުންނެވެ. އޭގެ ތެރޭގައި، ދާއިމީ ބައްޔެއް، ކުޑަ އާމްދަނީއެއް، ތައުލީމީ ފެންވަރު ދަށްވުން، އިޖްތިމާއީ ބަދަހި ގުޅުމެއް ނެތުން ފަދަ ކަންތައް ހިމެނެއެވެ.

އެމީހުންގެ ދިރިއުޅުމުގެ އާދަތައް ބަދަލުކޮށްލުމުން – ރަނގަޅަށް ނިދައި، ކަސްރަތުކޮށްގެން ބަރުދަން ލުއިކޮށް، ހާސްކަން އަމިއްލައަށް ފިލުވަން އެނގުން، ދުންފަތުގެ އިސްތިއުމާލުކުރުން ހުއްޓައިލުން، އެހެން މީހުންނާއެކު ބަދަހި ގުޅުމެއް އުފެއްދުން – އެމީހުންގެ ސިކުނޑީގެ ޒުވާންކަން އިއާދަވާން ފެށިކަން ފާހަގަކުރެވުނެވެ.

ދިރާސާގައި ބައިވެރިވި މީހުންގެ ތެރެއިން، މިބުނި ފަދަ އާދަތަކުގެ މަތީގައި ކުރިންސުރެ އުޅެމުން އަންނަ މީހުންގެ ސިކުނޑީގެ އުމުރު، އެމީހުންގެ ހަގީގީ އުމުރަށް ވުރެ އަށެއްކަ އަހަރު ހަގު ކަމަށް ދައްކައެވެ. އަދި ދިރާސާގެ ދެ އަހަރުގެ ތެރޭގައި، އެމީހުންގެ ސިކުނޑި މުސްކުޅިވަމުން ދިޔަ އެވްރެޖް ނިސްބަތް ވެސް، ދިރާސާގެ އެނޫން މީހުންނާ އަޅައި ބަލާއިރު މާ ކުޑައެވެ.

މީހާގެ އުމުރު މަތިވަމުން ދާ ވަރަކަށް، ހަނދާން ބަލިވުމާއި (އަލްޒައިމާ)، ހަނދާނާއި ވިސްނުން އަދި ދުވަހުން ދުވަހަށް ކުރާ ކަންކަން ކުރުމުގެ ގާބިލްކަން ދަށްވާ ހާލަތު (ޑިމެންޝިއާ) މެދުވެރިވާ ކަން މީގެ ކުރީގެ ދިރާސާތަކުން ވެސް ވަނީ އެނގިފައެވެ. އެހެންކަމުން، އެމީހެއްގެ ސިކުނޑި ދޮށިވަމުންދާ ނިސްބަތް ދަށް ކުރެވިއްޖެ ނަމަ، އުމުރުން ދުވަސްވުމުން މެދުވެރިވާ މިފަދަ ހާލަތްތަކުގެ ނުރައްކާ ކުޑަކުރެވިދާނެއެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox