އެފްއޭއެމް ވިމެންސް ފުޓްބޯލް ލީގު: ނިއު ރޭޑިއަންޓް ބަލިކޮށް މާޒިޔާ އިން ފުރުސަތު ބޮޑުކޮށްފި

Dec 15, 2025, 2:08 PM
އެފްއޭއެމް ވިމެންސް ފުޓްބޯޅަ ލީގުގައި މިއަދު ނިއު ކޮޅަށް ލަނޑު ޖެހުމަށް ފަހު މާޒިޔާގެ ރޭކާ (ކ) އެ ޓީމުގެ ކުޅުންތެރިންނާ އެކު އުފާފާޅުކުރަނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

އެފްއޭއެމް ވިމެންސް ފުޓްބޯޅަ ލީގުގައި މިއަދު ނިއު ކޮޅަށް ލަނޑު ޖެހުމަށް ފަހު މާޒިޔާގެ ރޭކާ (ކ) އެ ޓީމުގެ ކުޅުންތެރިންނާ އެކު އުފާފާޅުކުރަނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

އެފްއޭއެމް ވިމެންސް ފުޓްބޯލް ލީގުގައި މިއަދު ހަވީރު ކުޅުނު މެޗުން ނިއު ރޭޑިއަންޓް ސްޕޯޓްސް ކްލަބް 3-0 އިން ބަލިކޮށް، މާޒިޔާ ސްޕޯޓްސް އެންޑް ރެކްރިއޭޝަނުން ލީގު ޗެމްޕިއަންކަން ހޯދުމުގެ ފުރުސަތު ބޮޑުކޮށްފި އެވެ.

މާޒިޔާ އިން މި ނަތީޖާއާ އެކު އެއް ވަނައިގައި އޮތީ ހަތަރު މެޗުން 10 ޕޮއިންޓް ހޯދައިގެންނެވެ. ދެ ވަނައިގައި އޮތް އޮޑި ސްޕޯޓްސް ކްލަބަށް ވަނީ ތިން މެޗުން ހަތް ޕޮއިންޓް ލިބިފަ އެވެ. ތިން ވަނައިގައި އޮތް ވިކްޓަރީ ސްޕޯޓްސް ކްލަބަށް ތިން މެޗުން ފަސް ޕޮއިންޓް ލިބިފައިވާއިރު، ހަތަރެއްގައި އޮތް ނިއު އަށް ހަތަރު މެޗުން ލިބިފައިވަނީ ފަސް ޕޮއިންޓެވެ.

މިއަދުގެ ނަތީޖާއާ އެކު، ނިއު އަށް ވަނީ ލީގު ޗެމްޕިއަންކަން ހޯދުމުގެ ފުރުސަތު ގެއްލިފަ އެވެ. މާޒިޔާ އިން ލީގު ކާމިޔާބުކުރުމުގެ ފުރުސަތު ބޮޑުކުރިއިރު، އެ ޓީމަށް ބާކީ އޮތީ އޮޑިއާ ދެކޮޅަށް ކުޅޭ މެޗެވެ. އޮޑިން ބުދަ ދުވަހު ހަވީރު، ވިކްޓަރީއާ ކުޅޭ މެޗުން ނުކުންނަ ނަތީޖާ އަކަށް ފަހު، މާޒިޔާ އަށް ފުރުސަތު އޮތްގޮތް އިތުރަށް ސާފުވެގެންދާނެ އެވެ.

ނިއުގެ ފަދުވާ އަތުން ބޯޅަ ހޯދަން މާޒިޔާގެ އަފްޒާ މަސައްކަތްކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ހެންވޭރު ދަނޑުގައި މިއަދު ކުޅުނު މެޗުގައި، މާޒިޔާގެ ތަރި އަކީ މެޗުގައި ހެޓްރިކެއް ހެދި، ނޭޕާލްގެ ފޯވާޑް ރޭކާ ޕޮއުޑެލް އެވެ. އޭއެފްސީ ވިމެންސް ޗެމްޕިއަންސް ލީގުގައި ކުޅެފައިވާ ރޭކާ، މެޗުގައި މާޒިޔާ އަށް ލީޑުނަގައިދިނީ، މެޗުގެ ހަތް ވަނަ މިނިޓްގަ އެވެ. ނިއުގެ ޑިފެންސް ތެރެއިން އައި ބޯޅައެއް ހޯދައި، ރޭކާ ވަނީ ހަމަޖެހިލައިފައި ގޯލަށް ބޯޅަ ފޮނުވާލައިފަ އެވެ. މާޒިޔާ އިން ދެ ވަނަ ގޯލެއް ޖަހަން ފޮނުވާލި ހަމަލާއެއް ގޯލު ރޮނގުމަތިން ނިއުގެ ޑިފެންޑަރު، ހައްވާ ހަނީފާ ވަނީ ސަލާމަތްކޮށްފަ އެވެ.

މާޒިޔާ އިން ދެން ކާމިޔާބުކުރި ދެ ލަނޑު ވެސް ޖެހީ ދެ ވަނަ ހާފުގަ އެވެ. އެ ގޮތުން، މެޗުގެ 40 ވަނަ މިނިޓްގައި ރޭކާ ވަނީ މާޒިޔާގެ ލީޑުފުޅާކޮށްދީފަ އެވެ. މިއީ، މާޒިޔާ އަށް ކުޅޭ ނޭޕާލްގެ އަނެއް ކުޅުންތެރިޔާ، ދީޕާ ޝާހީ އަރިމަތިން ބަލާލައިފައި އޭރިއާތެރެއަށް ނަގައިދިން ހުރަހަކުން، ބޯޅަ ކޮންޓްރޯލް ކުރުމަށް ފަހު ރޭކާ ޖެހި ގޯލެކެވެ. އަދި، ރޭކާ، ހެޓްރިކް ފުރިހަަމަ ކުރީ، ޕެނަލްޓީ އަކުންނެވެ. މިއީ، ނިއުގެ ހަނީފާ، އޭރިއާތެރެއިން ރޭކާ އަށް ކުރި ފައުލަކަށް ދިން ޕެނަލްޓީ އެކެވެ.

އެފްއޭއެމް ވިމެންސް ފުޓްބޯލް ލީގުގައި މާދަމާ ހަވީރު ކުޅޭ މެޗުގައި، ޓީސީ ސްޕޯޓްސް ކްލަބުން ބައްދަލުކުރާނީ ބިސް ބުރުއާ އެވެ. މި ދެ ޓީމު ވެސް ވަނީ ފުރަތަމަ ކުޅުނު ތިން މެޗުން ބަލިވެފަ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox