އެފްއޭއެމް ވިމެންސް ފުޓްބޯލް ލީގު: ނިއު އާއި ވިިކްޓަރީގެ ކުރިމަތިލުން ހަމަހަމަ

Dec 12, 2025, 5:00 PM
އެފްއޭއެމް ވިމެންސް ފުޓްބޯލް ލީގުގައި މިއަދު ހަވީރު ނިއު އާއި ވިކްޓަރީން ވާދަކުރި މެޗުގެ ތެެރެއިން.---- ފޮޓޯ: އަދަދު ސްޕޯޓްސް/ އިމޭޖަސް.އެމްވީ

އެފްއޭއެމް ވިމެންސް ފުޓްބޯލް ލީގުގައި މިއަދު ހަވީރު ނިއު އާއި ވިކްޓަރީން ވާދަކުރި މެޗުގެ ތެެރެއިން.---- ފޮޓޯ: އަދަދު ސްޕޯޓްސް/ އިމޭޖަސް.އެމްވީ

އެފްއޭއެމް ވިމެންސް ފުޓްބޯލް ލީގުގައި މިއަދު ހަވީރު ކުޅުނު މެޗުން ވިކްޓަރީ ސްޕޯޓްސް ކްލަބާއި ނިއު ރޭޑިއަންޓް ސްޕޯޓްސް ކްލަބް ލަނޑެއް ނުޖެހި 0-0 އިން އެއްވަރުވެއްޖެ އެވެ.

ހަ ޓީމު ވާދަކުރާ ވިމެންސް ފުޓްބޯލް ލީގުގައި މިހާތަނަށް ކޮންމެ ޓީމެއް ވެސް މި ވަނީ ތިން މެޗު ކުޅެފަ އެވެ. ކޮންމެ ޓީމަކަށް ވެސް ބާކީ އޮތީ ދެ މެޗެވެ. ހަތަރު ޓީމަކުން އަންނަނީ ލީގަށް ވާދަކުރަމުންނެވެ. ލީގުގެ އެއް ވަަނައިގައި އޮތް އޮޑި ސްޕޯޓްސް ކްލަބާއި ދެ ވަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަނަށް ވަނީ ތިން މެޗުން ހަތް ޕޮއިންޓް ލިބިފަ އެވެ. ލަނޑުގެ ތަފާތަށް ބަލާއިރު، އޮޑި އަށް މާޒިޔާ އަށް ވުރެން ގިނައީ ދެ ގޯލެވެ.

ތިން ވަނައިގައި އޮތް ވިކްޓަރީ އާއި ހަތަރެއްގައި އޮތް ނިއު އަށް ވަނީ ފަސް ޕޮއިންޓް ލިބިފަ އެވެ. ފައިދާލަނޑުން ކުރީގައި އޮތީ ވިކްޓަރީ އެވެ. ދެން ލީގުގައި އޮތް ޓީސީ ސްޕޯޓްސް ކްލަބާއި ބިސް ބުރު ސްޕޯޓްސް ކްލަބް ވަނީ ކުޅުނު ތިން މެޗުން ވެސް ބަލިވެފަ އެވެ.

ހެންވޭރު ދަނޑުގައި މިއަދު ހަވީރު ކުޅުނު މެޗު ފަށައިގެން، ތިން ވަނަ މިިނިޓްގައި ވިކްޓަރީގެ ސަފީނާ ރުޝާނިޔާ ޖެހި ޝޮޓެއް ވަނީ ހުރަސްދަނޑިއަށް އަމާޒުވެފަ އެވެ. ނިއު އިން މި މެޗުގައި ލަނޑެއް ޖެހޭތޯ ކުރި މަސައްކަތްތައް ހުއްޓުވަން ވިކްޓަރީގެ ކީޕަރު، ފާތިމަތު ސައުސަން ވަނީ ރަނގަޅު ކުޅުމެއް ދައްކައިފަ އެވެ.

ވިކްޓަރީގެ ސަފީނާ އަށް ރަތް ކާޑު ދެއްކި ވަގުތު ދެ ޓީމުގެ ކުޅުންތެރިން މެޗުގެ ރެފްރީ ވަށާލައިގެން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ވިކްޓަރީން މެޗުގެ ފަހު ވިއްސަކަށް މިނިޓް ކުޅުންތެރިއަކު މަދުކޮށް ކުޅެން ޖެހުނެވެ. އެއީ، މެޗުގެ 50 ވަނަ މިނިޓްގައި، ނިއުގެ ފާތިމަތު ފައިހާ އަލީ ހަސަން ކައިރިން ބޯޅަ ހިފައިގެންދާން އުޅުމުގެ ތެރޭގައި، ވިކްޓަރީގެ ސަފީނާ، ބޯޅަ ބޭރުވި ފަހުން ފައިހާ ގައިގައި ޖެހުމުން، ސަފީނާ އަށް ވަނީ ސީދާ ރަތެއް ދައްކައިފަ އެވެ. އަދި، ބެންޗުގައި އިނދެފައި ދަނޑަށް އެރި، ނިއުގެ ޝަހުލާ ތައުފީގަށް ވަނީ ރީނދޫ ކާޑެއް ދައްކައިފަ އެވެ.

ވިކްޓަރީގެ ކުޅުންތެރިއަކު މަދުވުމުގެ ފައިދާނަގައި ގޯލެއް ޖެހޭތޯ ނިއު އިން ކުރި މަސައްކަތް ކާމިޔާބުނުވި އެވެ. ލިބުނު ފުރުސަތުތަކުގައި ވިކްޓަރީން ވެސް ކުރިއަށް ޖެހިގެން ލަނޑެއް ޖެހޭތޯ މަސައްކަތްކުރި އެވެ.

ވިމެންސް ފުޓްބޯލް ލީގުގެ މެޗުތައް ދެން ކުރިއަށްދާނީ ހޯމަ އާއި އަންގާރަ އަދި ބުދަ ދުވަހު އެވެ. އަންގާރަ ދުވަހު ހަވީރު ނިއު އާއި މާޒިޔާ އިން ބައްދަލުކުރާއިރު، އަންގާރަ ދުވަހު ހަވީރު ކުޅޭނީ ބިސް ބުރާއި ޓީސީ އެވެ. އަދި، ބުދަ ދުވަހު ހަވީރު، އޮޑި އާއި ވިކްޓަރީ ވާދަކުރާނެ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox