ސޯޔާބީން ތެލަކީ ހަށިގަނޑު ބަރުދަން އިތުރުކުރާ އެއްޗެއް

Dec 2, 2025, 2:05 AM
ސޯޔާބީން ތެލަކީ ހަށިގަނޑު ބަރުދަން އިތުރުކުރާ އެއްޗެއް

ސޯޔާބީން ތެލަކީ އެމެރިކާ އާއި ވިލާތުގެ ބައެއް ގައުމުތަކުގައި އެންމެ އާންމުކޮށް ބޭނުންކުރާ ކައްކާ ތެލެވެ. އޭގެ އިތުރުން ދިގު މުއްދަތަށް ރައްކާކޮށްފައި ބެހެއްޓޭ ގޮތަށް ދަޅުގައި ބަންދުކޮށްފައި ހުންނަ ކާނާގެ ބާވަތްތަކުގައި ވެސް އެންމެ ގިނައިން ބޭނުންކުރާ އެކައްޗަކީ ސޯޔާބީން ތެލެވެ.

ގިނަ ބަޔަކު ބޭނުންކުރިޔަސް، ދާދި ފަހުން ކުރި ދިރާސާއަކުން އެނގުނު ގޮތުގައި ސޯޔާބީން ތެލަކީ ހަށިގަނޑު ފަލަކޮށްދޭ ހާއްސަ މާއްދާއެއް އެކުލެވޭ ތެލެކެވެ. ޔުނިވަސިޓީ އޮފް ކެލިފޯނިއާގެ ރިވާސައިޑް ކެމްޕަސްގެ ސައެންސްވެރިންނަށް އެކަން ފާހަގަ ކުރެވުނީ، މީދާ ބޭނުންކޮށްގެން ލެބޯޓެރީގައި ކުރި ދިރާސާއަކުންނެވެ.

މި ދިރާސާގައި ސައެންސްވެރިން ވަނީ މީދާތަކަކަށް، ގިނައިން ސަރުބީ ހިމެނޭ ސޯޔާބީން ތެޔޮ އެކުލެވޭ ކާނާއެއް ކާންދީފައެވެ. އެ ކާނާ ދިނުމުން އެސޮރުމެންގެ ބަރުދަން ވަރަށް ބޮޑަށް އިތުރުވިއެވެ. އެއަށް ފަހުގައި، ޖީންތަކަށް ބަދަލުތަކެއް ގެނެސްފައިވާ މީދާތަކަކަށް ވެސް ހަމަ މި ކާނާ ކާންދިނެވެ. ނަމަވެސް އެސޮރުމެންގެ ހަށިގަނޑު އިތުރަށް ބަރެއް ނުވެއެވެ.

Advertisement

ސައެންސްވެރިން ބުނި ގޮތުގައި ޖީންތަކަށް ބަދަލުގެނެސްފައިވާ މީދާތަކަށް ސޯޔާބީން ތެޔޮ އެކުލެވޭ ކާނާ ދިނުމުން ވެސް އެސޮރުމެންގެ ބަރުދަން އިތުރު ނުވީ، އެ މީދާތަކުގެ ހަށިގަނޑުގައި އުފައްދާ ލިވާ ޕްރޮޓީނެއްގެ ސަބަބުންނެވެ. މި ޕްރޮޓީނަކީ އޭގެ އަސްލަށް މާ ބޮޑު ބަދަލެއް ނާންނަ، ނަމަވެސް އޭގެ ބޮޑުމިން އާންމު ލިވާ ޕްރޮޓީންތަކަށް ވުރެ ކުޑަ ޕްރޮޓީނެކެވެ.

މި ޕްރޮޓީނަކީ، ހަށިގަނޑުގައި ހުންނަ ސަރުބީ ވިރުވައިގެން، ހަށިގަނޑަށް ހަކަތަ އުފެއްދުމުގައި ބައިވެރިވާ ޕްރޮޓީނެއް ކަމަށް ސައެންސްވެރިން ބުނެއެވެ. އޭގެ އިތުރުން، މިއީ ސޯޔާބީން ތެލުގައި އެކުލެވޭ ލިނޯލެއިކް އެސިޑް (އޮމެގާ-6 ފެޓީ އެސިޑް)އާ މެދު ހަށިގަނޑުން ކަންތައް ކުރާ ގޮތް ބަދަލުކޮށްދޭ ޕްރޮޓީނެއް ކަމަށް ވެސް ސައެންސްވެރިން ބުނެއެވެ.

މި ދިރާސާގައި ބައިވެރިވި ސައެންސްވެރިން ބުނި ގޮތުގައި، ޖީންތަކަށް ބަދަލުގެނެސްފައިވާ މީދާތަކަށް ސޯޔާބީން ތެޔޮ އެކުލެވޭ ކާނާ ދިނުމުން، އެ ސޮރުމެންގެ ބަރުދަން އިތުރުނުވާ ދެނެގަނެވުމަކީ، އެ ބާވަތުގެ ތެޔޮ ބޭނުންކުރުމުން ބައެއް މީހުން ފަލަވެފައި އަނެއް ބައި މީހުން ފަލަ ނުވާ ސަބަބު ދެނެގަތުމަށް ކޮށުނު މަގެކެވެ. އެހެންކަމުން، ކުރިމަގުގައި ހަދާ އިތުރު ދިރާސާތަކުން، ބަރުދަން ލުއިކުރެވޭނެ އިތުރު ގޮތްތައް ފެނުމުގެ ފުރުސަތު އެބަ އޮތެވެ.

އިންސާނުންގެ ފުރަމެއިން، ލިވާ ޕްރޮޓީން (ހެޕަޓޮސައިޓް ނިއުކްލިއާ ފެކްޓާ 4 އަލްފާ ނުވަތަ HNF4α)ގެ ދެ ބާވަތެއްގެ ޕްރޮޓީން އުފައްދައެވެ. އެއީ އާންމު ލިވާ ޕްރޮޓީން (HNF4α) އާއި ވަކި ހާލަތްތަކެއްގައި (HNF4α) އަށް ވިރާސީ ބަދަލުތަކެއް އައިސްގެން އުފެދޭ އޯލްޓަނޭޓިވް ލިވާ ޕްރޮޓީންއެވެ. އެފަދަ ހާލަތްތަކުގެ ތެރޭގައި، ދާއިމީ ބައްޔެއް ތަހައްމަލުކުރުން، ރޯދައަށް ހުރުމުގެ ސަބަބުން ނުވަތަ ބަނގުރާގެ ސަބަބުން ފުރަމޭގައި ސަރުބީ ހިފުމުގެ ސަބަބުން، ކާނާ ހަކަތައަށް ބަދަލުކުރުމުގެ ނިޒާމަށް ބަދަލު އައުން ހިމެނެއެވެ.

މި ކަންކަމުގެ އިތުރުން ވެސް، އެމީހެއްގެ އުމުރާއި ޖިންސާއި ވިރާސީ ސިފަތަކާއި ބޭނުންކުރާ ބޭހެއްގެ ސަބަބުން ވެސް، އެކި މީހުންގެ ފުރަމެއިން އުފައްދައިދޭ ލިވާ ޕްރޮޓީންގެ ބާވަތް ތަފާތުވެއެވެ. މީގެ ކުރިން ވެސް، ސައެންސްވެރިން ވަނީ ސޯޔާބީން ތެލާއި، ހަށިގަނޑު ބަރުވުމާ ދެމެދު ގުޅުމެއް އޮތްތޯ ބެލުމަށް އެތައް ދިރާސާތަކެއް ކޮށްފައެވެ.

އެ ދިރާސާތަކުން ވެސް އެނގިފައިވާ އެއް ހަގީގަތަކީ، ކާށި ތެޔޮ ބޭނުންކުރުމުން ހަށިގަނޑު ފަލަވާ މިންވަރަށް ވުރެ ސޯޔާބީން ތެޔޮ ބޭނުންކުރުމުން ހަށިގަނޑު ފަލަވާ މިންވަރު މަތިކަމެވެ. ނަމަވެސް މިފަހަރުގެ ދިރާސާއިން ސައެންސްވެރިންނަށް ކަށަވަރު ވެގެން ދިޔައީ، ސޯޔާބީން ތެޔޮ ބޭނުންކުރާ މީހުންގެ ބަރުދަން އިތުރުވަނީ، ހަމައެކަނި ސޯޔާބީން ތެލުން ނޫން ކަމެވެ. އަދި ހަމައެކަނި ލިނޯލެއިކް އެސިޑްގެ ސަބަބުން ވެސް ނޫން ކަމެވެ.

އޭގެ ބަދަލުގައި ސޯޔާބީން ތެޔޮ ބޭނުންކުރާ މީހުންގެ ހަށިގަނޑު ފަލަވުމުގައި، އެންމެ މުހިންމު ދައުރެއް އަދާކުރަނީ، އެމީހެއްގެ ގައިގައި ޖަހާ ސަރުބި، ފަހުގެ މަރުހަލާއެއްގައި ބަދަލުވެގެންދާ ގޮތެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox