ޕެސްޓިސައިޑްގެ ސަބަބުން ދަރިފަނީގެ އަދަދު މަދުވެދާނެ

Nov 9, 2025, 6:43 AM
ޕެސްޓިސައިޑްގެ ސަބަބުން ދަރިފަނީގެ އަދަދު މަދުވެދާނެ

ގަސްގަހުގައި އަޅާ ބަލިތަކުން ގަސްތައް ރައްކާތެރިކުރުމަށް، އެކި ބާވަތްބާވަތުގެ ޕެސްޓިސައިޑް ބޭސްތައް ގަސްތަކަށް ޖެހުމަކީ ޒަމާނީ ދަނޑުވެރިކަމުގެ އެންމެ އާންމު މައްސަލައެވެ. ބައެއް ފަހަރު ފެނަށް ގިރުވައިގެން ގަސްތަކަށް އެ ފެން ސްޕްރޭ ކުރެއެވެ. އަދި ބައެއް ފަހަރު ފެނަށް ގިރުވައިގެން ގަސްތަކުގެ ބުޑަށް އަޅައެވެ.

މި ގޮތުން ބޭނުންކުރާ އެންމެ އާންމު ބޭހަކީ ނިއޯނިކޮޓޯނޯއިޑްސް (ނިއޯނިކްސް) ކިޔާ ޕެސްޓިސައިޑެކެވެ. މިއީ އާންމު ގޮތެއްގައި ގޮވާމުގެ ބާވަތްތައް ހައްދާއިރު، ގަސްތަކަށް ބަލި ޖައްސާ ފަނިތަކާއި ޖަރާސީމުތައް ނައްތައިލުމަށްޓަކައި، ފެނަށް ގިރުވައިގެން ގަސްތަކަށް ޖަހާ ބޭހެކެވެ. މި ބޭސް ގަސްތަކަށް ސްޕްރޭ ކުރުމުން، އެ ގައުމުގައި އަޅާ ގޮވާމުގައި މި ބޭސް އެކުލަވާފައި ހުރެއެވެ. އަދި ދަނޑުގެ ބިންގަނޑާ އެކުވެ، އަދި ބިމުގެ އަޑީގައިވާ ފެން ފަށަލައަށް ވެސް މި ބޭސް ފޭދިގެން ދެއެވެ.

އެއަށް ފަހުގައި، އެ ގަސްތަކުގައި އަޅާ ގޮވާން ދޮންވެ ފައްކާވުމުން ކަނޑައިގެން ކެއުމުން، އިންސާނުންގެ ހަށިގަނޑަށް އެ ބޭހުގެ ނުރައްކާތެރި ކެމިކަލްތައް އެތެރެވެއެވެ. އަދި އެ ސަރަހައްދުގެ ބިމުން ނަގާ ފެން ބޭނުންކުރުމުން، އެ ފަނުގައި އެކުލެވޭ ކެމިކަލްތައް އިންސާނާގެ ހަށިގަނޑަށް އެތެރެވެއެވެ.

Advertisement

ޖޯޖް މޭސަން ޔުނިވަސިޓީ ކޮލެޖް އޮފް ޕަބްލިކް ހެލްތުގެ ދިރާސާ ޓީމުގައި ހިމެނޭ ސުމައްޔާ ސާފިއާ އިރުފާން ވިދާޅުވާ ގޮތުގައި ފަނިފަކުސަތަކާއި ސޫފާސޫފިތައް ނައްތަލައިލުމަށް ދަނޑުބިންތަކުގައި ބޭނުންކުރާ ވިހަ ބޭސްތަކުގެ ސަބަބުން، ފިރިހެނުންގެ ދަރިމައިކުރާ ނިޒާމަށް ގެއްލުން ލިބުމުގެ ފުރުސަތު ވަރަށް ބޮޑެވެ. ފިރިހެނުންގެ މަނީގައި އެކުލެވޭ ދަރިފަނީގެ އަދަދު ދަށްވުމާއި، ފިރިހެން ހޯމޯންތަކަށް ނުރަނގަޅު އަސަރުތަކެއް ފޯރުމާއި އުރަވަޅީގެ ޓިޝޫތައް ހަލާކުވުމުގެ ނުރައްކާ ވެސް އެބަ އޮތެވެ.

ލެބޯޓަރީގައި ފިރިހެން މީދާ ބޭނުންކޮށްގެން ކުރި ދިރާސާއިން އެނގުނު ގޮތުގައި، ނިއޯނިކޮޓޯނޯއިޑްސްގެ އަސަރު ކޮށްފައި ތިބޭ ފިރިހެން މީދަލުގެ މަނީގައި އެކުލެވޭ ދަރިފަނީގެ އަދަދު، އެ ބާވަތުގެ ކެމިކަލްތަކުގެ އަސަރު ނުކުރާ މީދަލަށް ވުރެ މަދެވެ. އިންސާނުންގެ ހަށިގަނޑާ އެންމެ އެއްގޮތް ޖަނަވާރަކީ މީދަލާއި މުސަޅު ކަމަށްވާއިރު، މީދަލުގެ ހަށިގަނޑުން މިފަދަ ނަތީޖާއެއް ދައްކާ ނަމަ، އިންސާނުންގެ ތެރެއިން ފިރިހެނުންނަށް ވެސް މި ނުރައްކާ އޮތްކަމަށް ބެލެވިދާނެއެވެ.

މި ހިނގާ 2025 ވަނަ އަހަރު، ހަދާފައިވާ ދިރާސާގައި ބެލިފައިވަނީ ހަމައެކަނި މީދަލުގެ ހަށިގަނޑަށް ލިބޭ ގެއްލުންތަކެވެ. އެހެންކަމުން، ނިއޯނިކޮޓޯނޯއިޑްސްގެ އަސަރު ކުރުމުން ފިރިހެނުންގެ ދަރިފަނީގެ އަދަދު މަދުވާނެކަން ޔަގީންކަމާއެކު ބުނަން އެނގޭނީ، އެފަދަ ދިރާސާއެއް ހަދައިގެން ކަމަށް ސައެންސްވެރިން ދެކެއެވެ.

މި ދިރާސާގައި ބުނެފައިވާ ގޮތުން އެމެރިކާގެ ދަނޑުވެރިކަމުގެ ސިނާއަތުގައި ނިއޯނިކޮޓޯނޯއިޑްސް އާއި މިނޫން ޕެސްޓިސައިޑް ބޭސްތައް ބޭނުންކުރާ މިންވަރު އަހަރުން އަހަރަށް އަންނަނީ އިތުރުވަމުންނެވެ. އެހެންކަމުން، މި ބާވަތުގެ ވިހަ މާއްދާތަކުގެ އަސަރު ފޯރާ މީހުންގެ އަދަދުވެސް އަހަރުން އަހަރަށް ދާނީ އިތުރުވަމުންނެވެ.

ސައެންސްވެރިން ބުނާ ގޮތުގައި ފަނިފަކުސަ އާއި ސޫފާސޫފިތައް މަރާ ވިހަ މާއްދާތައް ބޭނުންކޮށްގެން ހައްދާފައި ހުންނަ ތަރުކާރީ އާއި މޭވާ، ރަނގަޅަށް ދޮވެ ސާފުކޮށްގެން ބޭނުންކުރުމުން، ފިލައިގެން ދާނީ އެމޭވާއާއި ތަރުކާރީގެ ބޭރުގައި އުނގުޅިފައި ހުންނަ ވިހަ މާއްދާތަކެވެ. ކިތަންމެ ވަރަކަށް ދޮވުނަސް، އެ ފަދަ ދަނޑުތަކުގައި ހައްދާ މޭވާ އާއި ތަރުކާރީގެ އެތެރޭގައި ހުންނަ ވިހަ ތާސީރުން ސަލާމަތް ވެވޭނެ ގޮތެއް ނޯންނާނެއެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox