ފިރިހެނުންނަށް ވުރެ އަންހެނުންނަށް ޑިޕްރެޝަންގެ ނުރައްކާ ބޮޑު

Oct 11, 2025, 5:49 AM
ފިރިހެނުންނަށް ވުރެ އަންހެނުންނަށް ޑިޕްރެޝަންގެ ނުރައްކާ ބޮޑު

ޑިޕްރެޝަނަކީ ދުނިޔޭގެ ކުރިއަރާފައިވާ ގައުމުތަކާއި ތަރައްގީވަމުން އަންނަ ގައުމުތަކުގެ އިތުރުން، ފަގީރު ގައުމުތަކަށް ވެސް ކުރިމަތިވެފައިވާ ސިއްހީ އަދި އިޖްތިމާއީ ބޮޑު މައްސަލައެކެވެ. ނަމަވެސް، އިންސާނާގެ އިޖްތިމާއީ އަދި ނަފްސާނީ ދުޅަހެޔޮކަމުގެ މި ނުރައްކާ ކުރިމަތިވުމުގެ ފުރުސަތު ފިރިހެނުންނަށް ވުރެ ބޮޑީ އަންހެނުންނަށެވެ.

ސައެންޓިފިކް ޖާނަލްއެއް ކަމަށްވާ ނޭޗާ ކޮމިޔުނިކޭޝަންސްގައި ޝާއިއުކޮށްފައިވާ ދިރާސާއެއްގައި ބުނެފައިވާ ގޮތުން، ޑިޕްރެޝަންގެ މައްސަލަތައް މެދުވެރިކުރުވާ ވިރާސީ ބަހާތަކުގެ ދިރާސާތަކުން ކަށަވަރުވަނީ، ޑިޕްރެޝަންގެ މައްސަލަ ކުރިމަތިވުމުގެ ނުރައްކާ އަދި ފުރުސަތު ވެސް ބޮޑީ އަންހެނުންނަށް ކަމެވެ. މި ދިރާސާ ހަދާފައިވަނީ އޮސްޓްރޭލިޔާގެ ބާގޯފާ މެޑިކަލް ރިސާޗް އިންސްޓިޓިއުޓުން އިސްނަގައިގެންނެވެ.

ޑިޕްރެޝަންގެ އުނދަގުލާ ބެހޭ ގޮތުން ހޯދުނު މި އައު ހޯދުމުގެ ސަބަބުން، އެ ބައްޔަށް ފަރުވާ ކުރުމުގައި ޒަމާނުއްސުރެ އަމަލު ކުރަމުން އަންނަ އުސޫލުތަކަށާއި ބޭނުންކުރާ ބޭސްތަކަށް ވެސް އިންގިލާބީ ބަދަލެއް އަންނާނެ އެވެ. ޑިޕްރެޝަންގެ މައްސަލަ ހުންނަ، ގާތްގަނޑަކަށް ދެ ލައްކައެއްހާ މީހުންގެ ވިރާސީ ބަހާ (ޑީއެންއޭ)ގެ މައުލޫމާތު ތަހުލީލުކޮށްގެން ހެދި މި ދިރާސާގެ ސައެންސްވެރިން ބުނާ ގޮތުގައި، ޑިޕްރެޝަނާ ބެހޭ ގޮތުން މި ހޯދުނު އައު ހޯދުމަކީ، މިހާތަނަށް ހޯދުނު މިބާވަތުގެ އެންމެ އިތުބާރު ހިފޭ އަދި އެންމެ ޔަގީންކަން ބޮޑު ހޯދުމެވެ.

Advertisement

މި ދިރާސާގެ އެންމެ އިސް ސައެންސްވެރިންގެ ތެރޭގައި ހިމެނޭ ޖޯޑީ ތޯމަސް ވިދާޅުވާ ގޮތުގައި ޑިޕްރެޝަންއާ ގުޅުން ހުރި ވިރާސީ ފާހަގަތައް އިންސާނުންގެ ހަށިގަނޑުގައި ހުންނަ މިންވަރަށް ބަލާއިރު، ފިރިހެނުންގެ ހަށިގަނޑުގައި މި ފާހަގަތައް ހުންނަ މިންވަރަށް ވުރެ، އަންހެނުންގެ ހަށިގަނޑުގައި ހުންނަ މިންވަރު، ގާތްގަނޑަކަށް ދެ ގުނަ އިތުރެވެ.

"ފިރިހެނުންގެ ހަށިގަނޑުގައި ޑިޕްރެޝަންގެ ވިރާސީ ބަހާތައް ހުންނަ މިންވަރަށް ވުރެ، އަންހެނުންގެ ހަށިގަނޑުގައި އެ ބަހާތައް ހުންނަ މިންވަރު އިތުރު،" ޖޮޑީ ތޯމަސް ވިދާޅުވިއެވެ.

މި އައު ހޯދުމުގެ ސަބަބުން، ޑިޕްރެޝަންގެ މައްސަލަ ކުރިމަތިވުމަށް މެދުވެރިވާ ސަބަބުތައް ދެނެގަތުން ފަސޭހަވާނެ އެވެ. ހަމަ އެފަދައިން، އެމީހަކަށް ޑިޕްރެޝަންގެ މައްސަލަ ކުރިމަތިވުމަށް މެދުވެރިވާ ސަބަބަކީ ކޮބައިކަން ދެނެގަތުމާއި، ކޮންމެ މީހެއްގެ ހާލަތަށް ވަކިން ރިއާޔަތްކޮށްގެން، އެމީހަކާ އެންމެ އެކަށޭނަ ގޮތަކަށް ފަރުވާގެ ކަންތައް ކުރިއަށް ގެންދިއުމުގެ ފުރުސަތު ފަހިވެގެންދާނެ އެވެ.

ޒަމާނުންސުރެ އެނގިފައި އޮންނަނީ، ފިރިހެނުންނަށް ވުރެ ޑިޕްރެޝަންގެ މައްސަލަ ކުރިމަތިވާ އަންހެނުންގެ އަދަދު އިތުރު ކަމެވެ. ގިނަ ބަޔަކަށް ގަބޫލުކުރެވިފައި އޮންނަނީ، އަންހެނުންގެ މެދުގައި ޑިޕްރެޝަންގެ މައްސަލަތައް ގިނަވަނީ، އެމީހުން އުފުލަންޖެހޭ އާއިލީ ޒިންމާތަކާއި، އެމީހުންނަށް ކުރިމަތިވާ އިޖްތިމާއީ މައްސަލަތަކުގެ ސަބަބުން ކަމަށެވެ. ނަމަވެސް، އެ ތަފާތަކީ ވިރާސީ ކަމެއްގެ ސަބަބުން ހުންނަ ތަފާތެއްކަން، މިހާތަނަށް އޮތީ ނޭނގުމެއްގެ ތެރޭގައެވެ.

މި ދިރާސާއިން އެނގުނު ގޮތުގައި ޑިޕްރެޝަންގެ މައްސަލަ ކުރިމަތިކުރުވާ ވިރާސީ ބައިތައް، ފިރިހެނުންގެ ހަށިގަނޑުގައި ހުންނަ އަދަދު 7000 ގައި ހުންނަ އިރު، އަންހެނުންގެ ހަށިގަނޑުގައި އެ ބައިތައް ހުންނަ އަދަދަކީ ގާތްގަނޑަކަށް 13000 އެވެ.

"އަހަރެމެންނަށް ފާހަގަކުރެވުނު ގޮތުގައި، ޑިޕްރެޝަންގެ މައްސަލަ ކުރިމަތިވެފައިވާ އަންހެނުންނާއި ފިރިހެނުންގެ ހަށިގަނޑުގައި، ޑިޕްރެޝަންއާ ގުޅޭ ބައެއް ވިރާސީ ތަފާތުތަކަކީ، ޑިޕްރެޝަންގެ މައްސަލަ ހުންނަ އަންހެނުންގެ ކިބައިން މެޓަބޮލިޒަމްއާ ގުޅުން ހުރި އަލާމާތްތައް އާންމުކޮށް ފެންނަނީ ކީއްވެގެންކަން ދެނެގަތުމަށް އެހީވެދީފާނެ ތަފާތުތަކެއް. އެފަދަ އަލާމާތްތަކުގެ ތެރޭގައި ހަށިގަނޑުގެ ބަރުދަނަށް އަންނަ ބަދަލުތަކާއި، ހަށިގަނޑުގައި ހަކަތަ ހުންނަ މިންވަރަށް އަންނަ ބަދަލުތައް ހިމެނޭ،" ޖޮޑީ ތޯމަސް ވިދާޅުވިއެވެ.

މި ދިރާސާގައި ބައިވެރިވި އެހެން ސައެންސްވެރިއެއް ކަމަށްވާ ބްރިޓެނީ މިޝޭލް ވިދާޅުވި ގޮތުގައި ޑިޕްރެޝަންގެ މައްސަލައާ ބެހޭ މި އައު ހޯދުމަކީ، ޑިޕްރެޝަންގެ މައްސަލަ ކުރިމަތިވާ އަންހެނުންނަށް ފަރުވާ ކުރާ ގޮތަށް ބަދަލުތަކެއް ގެނުވަފާނެ ހޯދުމެކެވެ.

"އަންހެނުންނާއި ފިރިހެނުންނަށް މިހާ ތަފާތު ގޮތަކަށް ޑިޕްރެޝަންގެ މައްސަލަ ކުރިމަތިވަނީ ކީއްވެގެންކަން އޮޅުންފިލުވައިދެވޭނެ ސާބިތު ދިރާސާއެއް މިހާތަނަށް ހެދިފައެއް ނެތް. އަދި އަމުދުން، އެކަމުގައި ވިރާސީ ދައުރެއް އޮވެދާނެ ކަމަށް ބުނެދޭ ދިރާސާއެއް ނުވެސް ނެތް،" ބްރިޓެނީ މިޝޭލް ވިދާޅުވި އެވެ.

މުޅި ދުނިޔޭގެ އާބާދީއަށް ބަލާއިރު، ޑިޕްރެޝަންގެ މައްސަލައަކީ އިންސާނުންގެ ނަފްސާނީ ދުޅަހެޔޮކަމަށް ކުރިމަތިވާ އެންމެ ބޮޑު އެއް ނުރައްކަލެވެ. ޑިޕްރެޝަންގެ އެންމެ ނުރައްކާތެރި އަދި އެންމެ އާންމު ވައްތަރުތަކަކީ، ކްލިނިކަލް ޑިޕްރެޝަން ނުވަތަ މޭޖާ ޑިޕްރެސިވް ޑިސްއޯޑާ އެވެ. ދުނިޔޭގެ ސިއްހަތު ޖަމިއްޔާއިން ބުނާ ގޮތުގައި، 300 މިލިއަނަށް ވުރެ ގިނަ މީހުން ދަނީ، ޑިޕްރެޝަންގެ އުނދަގޫތައް ތަހައްމަލު ކުރަމުންނެވެ. (އޭއެފްޕީ)

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox