ހަތް އަހަރު ފަހުން ފުރަތަމަ ޑިވިޝަނުގައި ނިއުގެ ފެށުން ވަރުގަދަ

Sep 19, 2025, 1:14 PM
ނިއުގެ ބްރެޒިލް މިޑްފީލްޑަރު ޑަ ސިލްވާ ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: މިހާރު

ނިއުގެ ބްރެޒިލް މިޑްފީލްޑަރު ޑަ ސިލްވާ ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: މިހާރު

ހަތް އަހަރަށް ފަހު، ނިއު ރޭޑިއަންޓް ސްޕޯޓްސް ކްލަބުން ފުރަތަމަ ޑިވިޝަނަށް އެނބުރި އައިސް ކުޅުނު ފުރަތަމަ މެޗުގައި، މިއަދު ހަވީރު ދިރާގު ދިވެހި ޕްރިމިއާ ލީގުގައި ޓީސީ ސްޕޯޓްސް ކްލަބް އަތުން ވަނީ 6-0 އިން މޮޅުވެފައި،

ނިއު 2019 ގައި ސަސްޕެންޑްކުރިއިރު، 2022 ގައި އެނބުރި އައިސް ޖެހިޖެހިިގެން ދެ ސީޒަނުގައި ދެ ވަނަ ޑިވިޝަނުގައި ކުޅެ، ފުރަތަމަ ޑިވިޝަނަށް ޕްރޮމޯޓްނުވި އެވެ. އެކަމަކު، ސުޕަ ޔުނައިޓެޑް ސްޕޯޓްސް (ސަސް) ފުރަތަމަ ޑިވިޝަނުން ވަކިވުމުން، އެފްއޭއެމް އިން އެ ޖާގަ ނިއު އަށް ދިނީ ދެ ވަނަ ޑިވިޝަނުގެ ތިން ވަނަ އަށް އެންމެ ނަތީޖާ ރަނގަޅު ޓީމުގެ ގޮތުގައި ކަނޑައަޅައިފަ އެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗު ފަށައިގެން ނިއު އިން ޓީސީގެ ހާފުގެ ތެރޭގައި ބޯޅަ ހިފަހައްޓައިގެން ކުޅެމުންދިޔަ އެވެ. އެ ގޮތުން، ނިއު އަށް ލީޑުނަގައިދޭން އޭރިއާތެރެއިން އެ ޓީމުގެ ކެޕްޓަން، އަލީ ފާސިރު (ސެންޓޭ) ޖެހި ޝޮޓެއް ޓީސީގެ މިސްރު ކީޕަރު، އަބްދުލް ހަމީދު ވަނީ މަތަކޮށްފަ އެވެ.

މެޗުގެ 23 ވަނަ މިނިޓްގައި، ނިއު އިން ވަނީ ލީޑުނަގައިފަ އެވެ. މިއީ، ނިއުގެ މުހައްމަދު ސަހާއު (ބޭލް) ދިން ބޯޅައަކުން، މުހައްމަދު އިރުފާން (އިރޭ) އޭރިއާބޭރުން ގޯލުގެ ދުރު ކަނަށް ބޯޅަ ފޮނުވާލައިގެން ޖެހި ގޯލެކެވެ.

ނިއުގެ އެންމެ ވާދަވެރި ވިކްޓަރީ ސްޕޯޓްސް ކްލަބްގެ ބެންޗުން މަޝްހޫރުވި ކޯޗު އަލީ ސުޒޭންގެ އިރުޝާދުގެ ދަށުން ނިއު އިން މި ސީޒަނަށް ނުކުމެފައިވާއިރު، އެ ޓީމަށް ދެ ވަނަ ލަނޑެއް ޖަހައިދޭން ހަސަން ރާއިފް އަހުމަދު (ހަންނަ) ޖެހި ބޯޅަ ކީޕަރު އަބްދުލް ހަމީދު ވަނީ މަތަކޮށްފަ އެވެ.

މެޗުގެ 39 ވަނަ މިނިޓްގައި، ނިއު އިން ލީޑުފުޅާކުރި އެވެ. މި ލަނޑު ޖެހީ، ކެރިއަރުގައި ހަތަރު ވަނަ ފަހަރަށް ނިއު އަށް ކުޅެން މި ފަހަރު ނިންމި ސެންޓޭ އެވެ. އޭރިއާބޭރުން ލިބުނު ހިލޭޖެހުމަކުން ސެންޓޭ ފޮނުވާލި ބޯޅަ އަމާޒުވީ ގޯލުގެ ތިރީ ކަނަށެވެ. އޭގެ ދެ މިނިޓް ފަހުން، ސެންޓޭ އަށް ޓީސީގެ އޭރިއާތެރެއިން އެ ޓީމުގެ ކީޕަރު އަބްދުލް ހަމީދު ކުރި ފައުލަކަށް ލިބުނު ޕެނަލްޓީއަކުން ނިއުގެ ބްރެޒިލް މިޑްފީލްޑަރު، ގޯމޭސް ޑަ ސިލްވާ ވަނީ އެ ޓީމުގެ ތިން ވަނަ ލަނޑު ޖަހައިފަ އެވެ.

ދެ ވަނަ ހާފު ފެށިގެން މިނިޓެއް ނުވަނިސް ނިއު އިން ހަތަރު ވަނަ ގޯލު ޖެހި އެވެ. މިއީ، އޭރިއާތެރެއިން ޓީސީގެ ގޯލްކީޕަރު އަބްދުލް ހަމީދު އަތުން ދޫވި ބޯޅައެއް ގޯލަށް ފޮނުވާލައިގެން ސެންޓޭ ޖެހި ގޯލެކެވެ.

ނިއުގެ ފަސް ވަަނަ ލަނޑު ޖެހީ މެޗުގެ 74 ވަނަ މިނިޓްގައި، ހަސަން އަޒޫމް އަލީ އެވެ. ބަދަލަކަށް ކުޅެން އެރި އަޒޫމް، މި ލަނޑު ޖެހީ ޓީސީ ޑިފެންޑަރުންގެ ފަހަތަށް އައި ބޯޅައެއް ކޮންޓްރޯލް ކޮށްލުމަށް ފަހު، ހަމަޖެހިލައިފައި ގޯލުގެ ދުރު ކަނަށް އަމާޒުކޮށްލައިގެންނެވެ.

މެޗުގައި ނިއު އިން ޖެހި ހަ ވަނަ ގޯލު ކާމިޔާބުކުރީ، ފުރިހަމަ ވަގުތު ހަމަވާން ހަތަރު މިނިޓަށް ވެފައިވަނިކޮށް ހަންނަ އެވެ. މެޗުގެ 86 ވަނަ މިނިޓްގައި، އަހުމަދު ވިޖުދާން (ވިޖުއްކޮ) ނަގައިދިން ބޯޅަ ހަންނަ ވަނީ ބޮލުން ގޯލުގެ ތެރެއަށް ފޮނުވާލައިފަ އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox