އޮކްޓޯބަރުގެ 3، ގެ އެއްވުމުގައި ބައިވެރިވުމަށް އެދި އެމްޑީޕީގެ ދައުވަތު އެންމެނަށް

އެމްޑީޕީގެ ރައީސް ޝާހިދު (ކ)، ކުރީގެ ރައީސް ނަޝީދު، އަދި އެމްޑީޕީގެ ޗެއާޕާސަން ފައްޔާޒު (ވ): އޮކްޓޯބަރުގެ 3، ގެ އެއްވުމުގައި ބައިވެރިވުމަށް އެދި އެމްޑީޕީގެ ދައުވަތު އެންމެނަށް ވަނީ ދީފަ ---- ފޮޓޯ: މުހައްމަދު ޝަހްޒާ

އެމްޑީޕީގެ ރައީސް ޝާހިދު (ކ)، ކުރީގެ ރައީސް ނަޝީދު، އަދި އެމްޑީޕީގެ ޗެއާޕާސަން ފައްޔާޒު (ވ): އޮކްޓޯބަރުގެ 3، ގެ އެއްވުމުގައި ބައިވެރިވުމަށް އެދި އެމްޑީޕީގެ ދައުވަތު އެންމެނަށް ވަނީ ދީފަ ---- ފޮޓޯ: މުހައްމަދު ޝަހްޒާ

ގާނޫނުއަސާސީން ކަށަވަރު ކޮށްދީފައިވާ އަސާސީ ހައްގުތައް ރައީސުލްޖުމްހޫރިއްޔާ މުހައްމަދު މުއިއްޒުގެ ސަރުކާރުން ނިގުޅައިގަނެ ރައްޔިތުންނަށް ހިޔާނާތްތެރިވަމުން ދާތީ އެކަމާ ދެކޮޅަށް އޮކްޓޯބަރު 3، ގައި އިދިކޮޅު އެމްޑީޕީން މާލޭގައި ބާއްވާ މުޒާހަރާގެ ދައުވަތު އެ ޕާޓީން އެންމެނަށް ދީފި އެވެ.

އެމްޑީޕީން މިއަދު ނެރުނު ބަޔާނެއްގައި މުޒާހަރާގައި ބައިވެރިވުމަށް އެދި ދައުވަތު ދީފައިވަނީ ވީމާ، އެހެން ސިޔާސީ ޕާޓީތަކަށާއި، މަދަނީ އަދި ސިޔާސީ ހައްގުތަކަށް މަސައްކަތްކުރާ ޖަމިއްޔާތަކާއި، މަސައްކަތްތެރިންގެ ޔޫނިއަންތަކާއި، ދަރިވަރުންގެ ޖަމިއްޔާތަކާއި، އަދި ވިޔަފާރިވެރިންނަށެވެ.

ސިލްސިލާ މުޒާހަރާތަކެއްގެ ފެށުމުގެ ގޮތުން އޮކްޓޯބަރު 3، ގައި އެއްވާން އެމްޑީޕީން ނިންމީ މި މަހުގެ ފުރަތަމަ ދުވަހުގެ ރޭ ބޭއްވި އެ ޕާޓީގެ ގައުމީ މަޖިލީހުން ފާސްކޮށްގެންނެވެ. އެ ރޭ ފާސްކުރި ގަރާރުގައި ގޮވާލާފައި ވަނީ ސަރުކާރުން ކުރާ ވައްކަމާއި ހިންގަމުން ގެންދާ ހިޔާނާތުގެ އަމަލުތައް ފޮރުވުމަށް މިނިވަން މީޑިއާ ނެތިކޮށްލަން ސަރުކާރުން ކުރާ މަސައްކަތާ ދެކޮޅަށް އެ ޕާޓީން ސިލްސިލާ އިހުތިޖާޖު ކުރުމަށެވެ.

އެމްޑީޕީން މިއަދު ނެރުނު ބަޔާނުގައި ބުނެފައިވަނީ އެ ޕާޓީން މުޒާހަރާކުރަނީ ސަރުކާރުން ކުރާ ވައްކަމާއި ހިންގަމުން ގެންދާ ހިޔާނާތުގެ އަމަލުތަކާއެކު ރައްޔިތުންގެ ދިރިއުޅުމުގެ ހާލަތު ދުވަހެއް ދުވަހަކަށް ދަށްވަމުންދާތީ، އެކަމުގެ ހަގީގަތް ފޮރުވުމުގެ ބޭނުމުގައި އެންމެ ފަހުން، މިނިވަން މީޑިއާ ނެތިކޮށްލަން ސަރުކާރުން ކުރާ މަސައްކަތާ ދެކޮޅަށް ކަމަށެވެ.

އެ ޕާޓީން އިއްޔެ ވަނީ ފިނޭންސް މިނިސްޓްރީ ދޮށުގައި ވެސް މުޒާހަރާ ކޮށްފަ އެވެ. އެ މުޒާހަރާގެ ތެރެއިން އެމްޑީޕީގެ ޕާލަމަންޓްރީ ގްރޫޕުގެ މެންބަރުން ވަނީ ފުލުހުންގެ ސަފު ފޫއަޅުވާލާ ގަދަކަމުން މިނިސްޓްރީ ތެރެއަށް ވެސް ވަދެފަ އެވެ.

ފިނޭންސް ކުރިމަތީގައި ބޭއްވި އިހުތިޖާޖުގައި ބައިވެރިވެ ވަޑައިގެންނެވި ކެންދޫ ދާއިރާގެ މެންބަރު، މައުރޫފް ޒާކިރު (މަޓޭ) ވިދާޅުވީ މިދިޔަ އެއް އަހަރުގެ ތެރޭގައި ފިނޭންސް މިނިސްޓަރާއި ސުވާލުކުރަން އެމްޑީޕީން 16 ސުވާލު ހުށަހަޅާފައިވާއިރު، މިހާތަނަށް ބައެއް ސުވާލުތަކަށް ޖަވާބުވެސް ލިބިފައި ނުވާ ކަމަށެވެ.

އޭނާ ވިދާޅުވީ ދިވެހި ރައްޔިތުން ތަހަންމަލުކުރާ ދަތި އުނދަގޫ ހާލަތު ގުޅިފައިވަނީ އިގްތިސާދާއި ފައިސާއާ ކަމަށްވުމުން ވާން އުޅޭ ގޮތާ ގޮތާ ގުޅޭގޮތުން ސުވާލުތައް މިނިސްޓަރާ އަމާޒުކުރަން ބޭނުންވާ ކަމަށެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox