ނިއު ރޭޑިއަންޓްގެ ކޯޗުކަމާ ހަވާލުވާން ސުޒޭން އެއްބަސްވެއްޖެ

ނިއު ރޭޑިއަންޓްގެ ކޯޗުކަމާ ހަވާލުވާން ސުޒޭން އެއްބަސްވެއްޖެ

ނިއު ރޭޑިއަންޓް ސްޕޯޓްސް ކްލަބްގެ ކޯޗުކަމާ ހަވާލުވާން ރާއްޖޭގެ ފުޓްބޯޅައިގެ އެންމެ ކާމިޔާބު އެއް ކޯޗު، އަލީ ސުޒޭން އެއްބަސްވުމަކަށް އަތުވެއްޖެ އެވެ.

ނިއުއާ އެކު، ސުޒޭން އެއްބަސްވުމުގައި ސޮއިކޮށްފައިނުވި ނަމަވެސް، ކޮންޓްރެކްޓަކާ ހަމައަށް ދިއުމަށްޓަކައި ހުރިހާ ކަމެއް ވަނީ ހަމަޖެހިފަ އެވެ. އަދި، ސުޒޭން ވެސް ވަނީ، "އަދަދު ސްޕޯޓްސް" އަށް އެކަން ކަށަވަރުކޮށްދީފަ އެވެ.

އެންމެ ފަހުން ގައުމީ ފުޓްބޯޅަ ޓީމުގެ ކޯޗަކަށް ހުރި ސުޒޭން ވަނީ މީގެ ކުރިން، ނިއުގެ އެންމެ ވާދަވެރި ވިކްޓަރީ ސްޕޯޓްސް ކްލަބްގެ ބެންޗުގައި ހުރެ ގިނަ ކާމިޔާބީތަކެއް ހޯދައިފަ އެވެ.

ރާއްޖޭގެ ފުރަތަމަ ޑިވިޝަނުގައި ސުޒޭން ކޯޗުކޮށްދީފައިވާ ކްލަބްތަކަށް ބަލާއިރު، މާޒިޔާ ސްޕޯޓްސް އެންޑް ރެކްރިއޭޝަން، ކްލަބް ގްރީން ސްޓްރީޓްސް އަދި ތިނަދޫ ފުޓްބޯޅަ ޓީމު ހިމެނެ އެވެ.

މީގެ ތެރެއިން، ގްރީން ސްޓްރީޓްސް އަށް ކޯޗުކޮށްދެމުން، 2018 ވަނަ އަހަރުގެ އޭޕްރީލް މަސް ތެރޭގައި، ނޫސްވެރިންގެ ބައްދަލުވުމެއްގައި ސުޒޭން ވަނީ، އޭނާގެ ކެރިއަރުގައި ދެ ފަހަރެއްގެ މަތިން ނިއު އަށް ކޯޗުކޮށްދޭން ފުރުސަތު ލިބުނު ކަމަށް ބުނެފަ އެެވެ.

ނިއު އިން ލިބުނު ފުރުސަތުތަކުގެ ބޭނުންނުހިފީ ކީއްވެތޯ އެ ފަހަރު ސުވާލުކުރުމުން ސުޒޭން ބުނީ، ނިއުއާ ގުޅުމަށް ވުރެ އެ ޓީމަށް ޗެލެންޖް ކޮށްލުން މާ ރަނގަޅު ކަމަށް ގަބޫލުކުރެވުމުން ކަމަށެވެ.

ސުޒޭން ބުނީ ނިއުއާ ދެކޮޅަށް ކުޅޭ މެޗުތައް އަބަދުވެސް ހާއްސަވާ ކަމަށައި އެއީ އޭނާ ކުޑައިރުގައި ކުޅެފައިހުރީ ވިކްޓަރީގައި ކަމަށްވެފައި، ވިކްޓަރީ އާއި ނިއު ރޭޑިއަންޓަކީ އަދިވެސް ރާއްޖޭގެ ފުޓްބޯޅައިގެ އެންމެ ބޮޑު ވާދަވެރިކަން ކަމަށްވާތީ ކަމަށެވެ.

"އެ ވާދަވެރިކަމުގެ ރޫހުގައި އަޅުގަނޑު ބޮޑުވެގެން އައިއިރު ނިއު ރޭޑިއަންޓާ އޮންނާނެ އެ ޗެލެންޖް. އެއީކީ އެއްވެސް ގޮތަކަށް ޒާތީ އެއްޗެއް ނޫން. ބައެއް ބޭފުޅުންނަށް އޮޅެނީ ކަންނޭނގެ މެޗުތަކުގައި އެހެން ބުނާ އެއްޗެހިން އެއީ ޒާތީ އެއްޗެކޭ،" ސުޒޭން ބުންޏެވެ. "ނިއު ރޭޑިއަންޓް ކުރާ ހުރިހާ ރަނގަޅު ކަންތައްތަކީ އަޅުގަނޑަށް ވެސް ރަނގަޅު ކަންތައް އެ އަށް އިހުތިރާމް ކުރާނަން. އިންޓަނޭޝަނަލް މެޗުތަކުގައި ނިއު އަށް އަޅުގަނޑުގެ ހެޔޮ އެދުންތައް އޮންނާނެ."

ނިއު އިން މި ސީޒަނުގައި އެންމެ ފުރަތަމަ ނުކުތީ، މެއި މަހު ކުޅުނު އެފްއޭއެމް ލީގު ކަޕަށެވެ. އެ މުބާރާތުގައި އެ ޓީމުގެ ކޯޗަކީ ސޮބާހު މުހައްމަދު (ސޮބާ) އެވެ.

ސުޒޭން ނިއުގެ ކޯޗަކަށް ހަމަޖައްސަން ކަންކަން ފައިނަލް ކުރަމުން އަންނައިރު، އޭނާ އާއި ނިއުގެ ޗެއާމަން އަހުމަދު މުބީން އަންނަނީ، ރާއްޖޭގެ ފުޓްބޯޅަ އަށް 75 އަހަރު ފުރުން ފާހަގަކުރަން ހަދާފައި އޮތް ޑައިމަންޑް ޖޫބިލީ ކޮމިޓީގައި މަސައްކަތް ކުރަމުންނެވެ. އެ ކޮމިޓީގެ ޗެއާމަނަކީ ސުޒޭން އެވެ. އަދި ވައިސް ޗެއާމަނަކީ މުބީން އެވެ.

ނިއު އަލުން ފުރަތަމަ ޑިވިޝަނުން ފެނުމުގެ ފުރުސަތު ބޮޑު!

ނިއު ރޭޑިއަންޓް ސްޕޯޓްސް ކްލަބްގެ ޗެއާމަން، އަހުމަދު މުބީން، މީގެ ދުވަސް ކޮޅެއް ކުރިން، އޭނާގެ ރަސްމީ ފޭސްބުކް އެކައުންޓުގައި ލިޔުއްވާފައިވަނީ، ކުރިއަށް އޮތް ސީޒަނަށް ނިއުގެ ބޮޑެތި ކަންތައްތަކެއް އެބަ އަންނަ ކަމަށާއި އެކަންކަން އިއުލާނުކުރުމަށް ބޮޑު އިވެންޓެއް ބޭއްވުމަށް ތައްޔާރުވަމުން އަންނަ ވާހަކަ އެވެ. އަދި، ބޮޑެތި ބަދަލުތަކެއް އަންނާނެ ކަމުގެ މޭރުމުން ލިޔުއްވާފައިވާ އެ ޕޯސްޓުގައި ވަނީ، ނިއުގެ ސަޕޯޓަރުންނަށް "އުފާވެރި" ހަބަރެއް އެބައޮތް ކަމަށް ވެސް ވިދާޅުވެފަ އެވެ.

"އަދަދު ސްޕޯޓްސް" އަށް މައުލޫމާތު ދިން ފަރާތަކުން ބުނެފައިވަނީ، ނިއު އިން އިއުލާނުކުރަން މަސައްކަތް ކުރަމުން އަންނަ އުފާވެރި ހަބަރަކީ، އެ ކްލަބް، އެނބުރި ރާއްޖޭގެ ފުރަތަމަ ޑިވިޝަނުގައި ކުޅޭ ވާހަކަ ކަމަށެވެ.

އެ ގޮތުން މައުލޫމާތު ދިން ފަރާތުން ބުނީ، ނިއު، ފުރަތަމަ ޑިވިޝަނަށް އައުމަށް މަސައްކަތް ކުރަނީ، ސުޕަ ޔުނައިޓެޑް ސްޕޯޓްސް (ސަސް)ގެ ޖާގަ އަށް ކަމަށެވެ.

އެފްއޭއެމުން ދާދި ފަހުން، ރާއްޖޭގެ ދިވެހި ޕްރިމިއާ ލީގު (ފުރަތަމަ ޑިވިޝަން)ގައި ވާދަކުރަނީ، 10 ޓީމު ކަމަށް ފާސްކޮށްފައިވާއިރު، އެ މުބާރާތުގައި ސަސް އިން ވާދަނުކުރާނަމަ، ދެން ދެ ވަަނަ ޑިވިޝަނުން ޓީމަކަށް ލިބޭ ޖާގަ އަށް ނިއު ގެނައުމަށް އަންނަނީ މަސައްކަތް ކުރަމުންނެވެ. އެންމެ ފަހުން، ބޭއްވި ދެ ވަނަ ޑިވިޝަންގެ ޗެމްޕިއަން އާއި ރަނަރަޕްގެ ހައިސިއްޔަތުން، އޮޑި ސްޕޯޓްސް ކްލަބާއި ވިކްޓަރީ ސްޕޯޓްސް ކްލަބް ވަނީ ފުރަތަމަ ޑިވިޝަނަށް ޕްރޮމޯޓްވެފަ އެވެ.

ދެ ވަނަ ޑިވިޝަނުން އަންނަ ޓީމަކަށް ސަސްގެ ޖާގައިގައި ފުރަތަމަ ޑިވިޝަނަށް އައުމުގެ ދޮރު ހުޅުވޭ ގޮތަށް މަސައްކަތް ކުރަމުން އަންނައިރު، އެ ފުރުސަތު ނިއު އަށް ދޭން ވަަރަށް އަވަހަށް ނިންމުމަށް މަސައްކަތް ކުރަމުން އަންނަ ކަމަށް މައުލޫމާތު ދިން ފަރާތުން ބުނެފައިވެ އެވެ.

ދެ ވަނަ ޑިވިޝަނުން އަންނަން ޖެހޭ ޓީމެއްގެ ގޮތުގައި، ތިން ވަނަ ޓީމެއް ކަނޑައަޅަން ޖެހޭނީ، ސެމީ ފައިނަލަށް ދިޔަ ޓެންޓް ސްޕޯޓްސް ކްލަބާއި ނިއުގެ ތެރެއިންނެވެ. އަދި، މީގެ ތެރެއިން، ނިއު އަށް ފުރަތަމަ ޑިވިޝަނުން ސީދާ ޖާގައެއް ލިބެން އޮތީ ޓެންޓް އެ ފުރުސަތު ދޫކޮށްލައިފިނަމަ އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox