ވިލާ ކޮލެޖުގެ ހެލްތު ސައިންސް ދަރިވަރުން ހުވާކޮށް، ވައިޓް ކޯޓާ ހަވާލުވެއްޖެ

ވިލާ ކޮލެޖުގެ ހެލްތު ސައިންސް ދަރިވަރުން ހުވާކޮށް، ވައިޓް ކޯޓާ ހަވާލުވެއްޖެ

ވިލާ ކޮލެޖުން އެ ކޮލެޖުގެ ފެކަލްޓީ އޮފް ހެލްތު ސައިންސަސް (އެފްއެޗްއެސް) ގެ ނާސިން އަދި ފާމަސީ ދާއިރާގެ ޕްރޮގްރާމް ނިންމި ދަރިވަރުން ހުވާކޮށް ވައިޓް ކޯޓާ ހަވާލުވެއްޖެ އެވެ.

ވިލާ ކޮލެޖުގައި އޮތް ރަސްމިއްޔާތެއްގައި ނާސިން އަދި ފާމަސީގެ ޖުމްލަ 98 ދަރިވަރުން ޕްރޮފެޝަނަލް ހުވާކުރުމުގެ އިތުރުން ޑީންސް ލިސްޓް އަދި ޑީންސް އެވޯޑް ހާސިލްކުރި ދަރިވަރުންގެ އަގުވަޒަންކުރި އެވެ.

މީގެ އިތުރުން ޑީންސް ލިސްޓް އަދި ޑީންސް އެވޯޑް ހާސިލްކުރި ދަރިވަރުންނަށް ސެޓްފިކެޓް ހަވާލުކުރުން ވެސް ރަސްމިއްޔާތުގެ ތެރެއިން ކުރިއަށް ގެންދިޔަ އެވެ.

ނާސިން ދާއިރާއިން ކިޔަވަމުންދާ ދަރިވަރުން، އެ ދަރިވަރުންގެ ޕްރޮފެޝަނަލް ވާޖިބުތައް އަދާކުރުމުގައި ތެދުވެރިކަމާއި އަމާނާތްތެރިކަންމަތީ ދެމިތިބުމަށް ރަސްމިއްޔާތުގެ ތެރެއިން އަހުދުކުރި އެވެ. އެ އަހުދު ލައިދެއްވީ މޯލްޑިވްސް މެޑިކަލް އެންޑް ޑެންޓަލް ކައުންސިލްގެ ރައީސް، ބްރިގޭޑިއާ ޖެނެރަލް ޑރ. އަލީ ޝާހިދު މުހައްމަދެވެ.

ފެކަލްޓީ އޮފް ހެލްތު ސައިންސަސްގެ ޑީން، އައިޝަތު މާލާ ވިދާޅުވީ ރާއްޖޭގައި އެންމެ ފުރަތަމަ ވައިޓް ކޯޓް ސެރެމަނީއެއް ތައާރަފްކުރީ ވިލާ ކޮލެޖުން ކަމަށާއި، އެގޮތުން މިއީ އެ ކޮލެޖުން މިފަދަ ރަސްމިއްޔާތެއް ބާއްވާ ތިންވަނަ ފަހަރު ކަމަށެވެ.

ރަސްމިއްޔާތުގެ ޝަރަފްވެރި މެހެމާން، ހެލްތު މިނިސްޓްރީގެ ސްޓޭޓް މިނިސްޓަރު ހަދީޖާ އަބްދުއްސަމަދު ވިދާޅުވީ ސިއްހީ ދާއިރާއަށް ނުކުންނަ ދަރިވަރުންގެ ކޮނޑުގައި އެޅޭ މަސްއޫލިއްޔަތުތަކުގެ ބޮޑު ކަމަށެވެ. އެގޮތުން ތެދުވެރިކަމާއި އޯގާތެރިކަމާއެކު ހިދުމަތް ކުރުމަށް އޭނާ ނަސޭހަތްތެރިވި އެވެ.

ވިލާ ކޮލެޖުގެ ވައިސް ރެކްޓާ، ޑރ. އަލީ ނަޖީބް ވިދާޅުވީ ދަރިވަރުން ވައިޓް ކޯޓް އަޅައި، ޕްރޮފެޝަނަލް ހަޔާތުގެ މަސްއޫލިއްޔަތުތަކާ ކުރިމަތިލާއިރު، ވިލާ ކޮލެޖުގެ ދަރިވަރުންނަކީ އަހްލާގީ އަދި ސުލޫކީ މަތިވެރި ސިފަތަކުން އެހެން ދަރިވަރުންނާ ތަފާތު ފާހަގަކޮށްލެވޭ ބަޔަކަށް ވާންޖެހޭނެ ކަމަށެވެ.

ރަސްމިއްޔާތުގައި ހެލްތު ސައިންސަސް ދަރިވަރުންގެ ޖަމިއްޔާ (ވިލާ ކޮލެޖް ހެލްތް ސޮސައިޓީ) އިފްތިތާހުކޮށް، އެގްޒެކެޓިވް ކައުންސިލްގެ މެމްބަރުން އައްޔަނުކުރި އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox