ލޮނު ފެނުން މަސް ފިނިކުރާ ނިޒާމު ހަރުކުރަން ބޭނުންވާ ދޯނިތަކަށް ޝަރުތު ލުއިކޮށްދީފި

ފަރެސްމާތޮޑާ މަސް ދޯންޏަކުން މަސް ކިރަން ކޫއްޑޫ ބަނދަރަށް ވަންނަނީ: ސަރުކާރުގެ އަމާޒަކީ 50 ފޫޓަށް ވުރެ ބޮޑު ހުރިހާ މަސް ދޯންޏެއްގައި އާރުއެސްޑަބްލިއު ނިޒާމު ހަރުކުރުން --- ފޮޓޯ: މިރާން ނާޝިމް/އަދަދު

ފަރެސްމާތޮޑާ މަސް ދޯންޏަކުން މަސް ކިރަން ކޫއްޑޫ ބަނދަރަށް ވަންނަނީ: ސަރުކާރުގެ އަމާޒަކީ 50 ފޫޓަށް ވުރެ ބޮޑު ހުރިހާ މަސް ދޯންޏެއްގައި އާރުއެސްޑަބްލިއު ނިޒާމު ހަރުކުރުން --- ފޮޓޯ: މިރާން ނާޝިމް/އަދަދު

މަސް ދޯނި ފަހަރުގައި ލޮނު ފެނުން މަސް ފިނިކުރާ ނިޒާމު ނުވަތަ ރެފްރިޖަރޭޓަޑް ސޯލްޓް ވޯޓާ (އާރުއެސްޑަބްލިއު) ސިސްޓަމް ހަރުކުރަން ސަރުކާރުން ފަށައިގެން އުޅޭ އާރުއެސްޑަބްލިއު ފައިނޭންސިން ސްކީމަށް ހުށަހަޅަން ބޭނުންވާ ދޯނިތަކުގެ ކްރެޑިޓު ތާރީހު ބަލާ މުއްދަތު ތިން މަހަށް ކުޑަކޮށްފި އެވެ.

އާރުއެސްޑަބްލިއު ސްކީމަށް ކުރިމަތިލާއިރު، މިހާތަނަށް ޝަރުތުކޮށްފައި އޮތީ އަހަރު ދުވަހުގެ ކްރެޑިޓު ތާރީހަށް ބަލާ ގޮތަށެވެ. ނަމަވެސް ފިޝަރީޒް މިނިސްޓްރީން އިއްޔެ ވަނީ، މި ޝަރުތަށް ވަރަށް ބޮޑު ލުޔެއްދީ، މިހާރަށް ވުރެ ގިނަ ދޯނިފަހަރަށް މި ސްކީމަށް ކުރިމަތިލެވޭނެ މަގުފަހިކޮށްދީފަ އެވެ.

ފިޝަރީޒް މިިނިސްޓްރީން ބުނީ މިއީ މަސްވެރިކަމުގެ ފުރިހަމަ ނަފާ މަސްވެރިންނަށް ލިބޭނެ ގޮތް އިތުރަށް މަގު ފަހި ކުރުމަށް ޓަކައި، ގެނައި ބަދަލެއް ކަމަށެވެ.

އާރުއެސްޑަބްލިއު ފައިނޭންސިން ސްކީމުގެ ދަށުން ދެ މިލިއަން ރުފިޔާއާ ހަމައަށް ފައިނޭންސިން ލިބެ އެވެ. މި ފައިސާއަކީ އާރުއެސްޑަބްލިއު ނިޒާމާއި އެއަށް ބޭނުންވާ ޖަނަރޭޓަރު ސެޓާއި ސޯލާ ޕެނަލްތައް ގާއިމުކުރުމަށް ޓަކައި ދޫކުރާ ފައިސާ އެވެ.

އިސްލާމިކް ފައިނޭންސިންގެ މުރާބަހާ މޮޑެލްގެ ދަށުން ދޫކުރާ މި ފައިސާ އަނބުރާ ދައްކަން 10 އަހަރު ލިބެ އެވެ. އިންޓްރެސްޓަކީ ހަ ޕަސެންޓެވެ. އަދި ރަހުނެއް ހުށަހަޅާކަށް ނުޖެހެ އެވެ. މި ފައިނޭންސިންއަށް އެދި ހުށަހަޅަން ޖެހެނީ އެސްއެމްޑީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) އަށެވެ.

މަސް ދޯނި ފަހަރުގައި އާރުއެސްޑަބްލިއު ނިޒާމު ގާއިމުކުރުމަކީ މަސްވެރިންނަށް އައިސް ނުލިބޭ މައްސަލަ އާއި އައިސް ހޯދަން ގިނައިން ދުއްވަން ޖެހޭ މައްސަލަ ހައްލުކޮށް، މަސްވެރިން ބާނާ މަހުގެ ތާޒާކަމާއި ކޮލިޓީ ދަމަހައްޓަން ފަހިކޮށްދޭން ސަރުކާރުން ގެންގުޅޭ ސިޔާސަތެކެވެ.

އާރުއެސްޑަބްލިއު ނިޒާމުތައް ހަރުކުރުމުގެ މަސައްކަތް ކުރިއަށްދާ ގޮތާ ގުޅޭ ގޮތުން ފިޝަރީޒް މިިނިސްޓަރު އަހުމަދު ޝިޔާމް މިދިޔަ ފެބްރުއަރީ މަހު ރައްޔިތުންގެ މަޖިލީހުގައި ވިދާޅުވީ، ދެކުނުގެ 60 ޕަސެންޓު ބޯޓުތަކުގައި މި ނިޒާމު ގާއިމުކުރެވިއްޖެ ކަމަށެވެ.

ސަރުކާރުގެ އަމާޒަކީ 50 ފޫޓުން ފެށިގެން ބޮޑު ހުރިހާ މަސް ބޯޓެއްގައި މި ނިޒާމު ހަރުކުރުމެވެ. މިއީ އިސްލާމިކް ޑިވެލޮޕްމަންޓު ފަންޑުގެ ލައިވްސް އެންޑް ލައިވްލީހުޑްސް ފަންޑުން އެހީ ލިބިގެން ފިޝަރީޒް މިނިސްޓްރީން ހިންގާ ސްކީމެކެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox