ޗައިނާގައި އެހެން ގައުމުތަކުގެ ފޯނުތައް ވިކުން މަދުވަނީ

Dec 2, 2024, 3:20 AM
ޗައިނާ ދެމީހަކު ސްމާޓްފޯނު ބޭނުންކުރަނީ. އެގައުމުގައި އެހެން ގައުމުތަކުގެ ފޯނުތައް ވިކޭވަރު ދަނީ މަދުވަމުން. ފޮޓޯ: އޭއެފްޕީ

ޗައިނާ ދެމީހަކު ސްމާޓްފޯނު ބޭނުންކުރަނީ. އެގައުމުގައި އެހެން ގައުމުތަކުގެ ފޯނުތައް ވިކޭވަރު ދަނީ މަދުވަމުން. ފޮޓޯ: އޭއެފްޕީ

އެހެން ގައުމުތަކުގެ ސްމާޓް ފޯނުތައް ޗައިނާގައި ވިކޭ އަދަދު ވަރަށް ބޮޑަށް ދަށްވެފައިވާ ކަމަށް އެ ގައުމުގައި ކުރި ސާވޭއަކުން ދައްކައިފި އެވެ.

ޗައިނާ ސަރުކާރާ ގުޅުން އޮންނަ ރިސާޗްފާމަކުން އާއްމުކުރި ހިސާބުތަކުން ދައްކާ ގޮތުގައި މަޝްހޫރު އެޕަލް ބްރޭންޑް ވެސް ހިމެނޭ ގޮތުން އެހެން ގައުމުތަކުގެ ބްރޭންޑްތައް ޗައިނާގައި ވިކޭ އަދަދު ކޮންމެ އަހަރަކު 44.25 ޕަސެންޓުން ދަށް ވެ އެވެ.

ޗައިނާގެ އެކަޑަމީ އޮފް އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީ އިން އާއްމުކުރި ހިސާބުތަކުން ދެއްކި ގޮތުގައި އެ ގައުމުގައި ބޭރުގެ ބްރޭންޑްގެ ސްމާޓް ފޯނު ވިކުނު އަދަދު މިދިޔަ މަހު ވަނީ 6.22 މިލިޔަނަށް ދަށް ވެފަ އެވެ. މީގެ ކުރިން އެ އަދަދު ހުރީ އަހަރަކު 11.249 މިލިޔަނުގަ އެވެ.

ޗައިނާގައި ބޭރުގެ ފޯނުތައް ވިކޭ އަދަދު ދަށަށް މި ދިޔައީ އެގައުމުގެ ޓެކް ކޮންގޮލްމަރޭޓް، ވާވޭ އެ ގައުމުގެ ބާޒާރުގައި އެންމެ ވަރުގަދަ ބްރޭންޑްގެ މަގާމު ހޯދުމުންނެވެ.

ޗައިނާގެ ބާޒާރުގައި ވާވޭއަށް މިދިޔަ އަހަރު ބޮޑު މަޝްހޫރު ކަމެއް ލިބުނީ އެ ކުންފުނިން ނެރުނު، މޭޓް 60 ޕްރޯއާ އެކުގަ އެވެ. އެއީ ޗައިނާގައި މީގެ ކުރިން އުފެއްދި އެއްވެސްް ސްމާޓް ފޯނެއްގައި ބޭނުންކޮށްފައި ނުވާ ފަދަ ޗިޕަކާ އެކު ނެރުނު ފޯނެކެވެ.

ޗައިނާގައި ވާވޭ ބްރޭންޑްގެ ފޯނުތައް ވިކޭވަރު އިތުރުވީ އަމިއްލަ ގައުމުގެ ޓެކްނޮލޮޖީއަށް އިސްކަންދޭ، އެހެން ނަމަވެސް މޮޅު ޓެކްނޮލޮޖީ ބޭނުންވާ މީހުންގެ ބޭނުންތަކާ އެކަށީގެންވާ ވަރަށް ވާވޭ ކުރި އެރުމުންނެވެ. އަލަށް ވާވޭއަށް ބަދަލުވި އެކަހަލަ ގިނަ މީހުން ކުރިން ނަމަ ގަންނާނީ އެޕަލްގެ އައިފޯނެވެ.

މިދިޔަ އަންގާރަ ދުވަހު ވާވޭ އިން ވަނީ މޭޓް 60 ޕްރޯގެ އާ ޖީލު، "މޭޓް 70 ސީރީސް" ބާޒާރަށް ނެރެފަ އެވެ. ވާވޭ ކޮންޒިއުމާ ގްރޫޕްގެ ޗެއާމަން ރިޗަޑް ޔޫ އެމެރިކާގެ ނިއުޔޯކްޓައިމްސް އަށް ދެއްވި އިންޓަވިއުއެއްގައި ވިދާޅުވި ކަމަށް އެ ނޫހުން ރިޕޯޓްކޮށްފައިވާ ގޮތުގައި މޭޓް 70 އަކީ މޭޓް ފޯނުތަކުގެ ތެރެއިން އެންމެ ސްމާޓް ބާވަތެވެ.

ވާވޭއަށް ކުރިން ޗިޕް ސަޕްލައިކޮށްދިން، އެމެރިކާގެ ކުންފުނިތަކުން ތަކެތި ހޯދަން ދަތިވާ ގޮތަށް އެމެރިކާ ސަރުކާރުން ކުރިން އެޅި ފިޔަވަޅުތަކާ އެކު ވާވޭ އިން އަމިއްލައަށް ޗިޕް އުފައްދަން ފެށުމަކީ އެކުންފުނިން ހޯދި ބޮޑު ކުރިއެރުމެކެވެ.

ވާވޭ އިން އުފެއްދި ސެމީކޮންޑަކްޓާ ޗިޕްތަކަކީ ސްމާޓްފޯނެއްގައި އޭއައި ޓެކްނޮލޮޖީގެ ބޭނުންކުރަން ވަރަށް މުހިއްމު ވަސީލަތެކެވެ. ޗައިނާއާއި އެމެރިކާއާ ދެމެދު ވިޔަފާރީގެ ދާއިރާގައި އެންމެ ފަހުން އުފެދުނު ނުތަނަވަސްކަމާ އެކު އެންމެ ބޮޑަށް މަޝްހޫރުވީ އެކައްޗަކީ ވާވޭގެ ޗިޕެވެ.

ކޮމެންޓް

ފަހުގެ ޚަބަރު

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

ފެނަކައިގެ ދަރަނި ފަސް ބިލިއަން ރުފިޔާއަށް އަރައިފި

ފެނަކަ ކޯޕަރޭޝަންގެ ދަރަނި ފަސް ބިލިއަން ރުފިޔާއަށް އަރާފައިވާކަން އޮޑިޓް ރިޕޯޓުން ހާމަވެފައިވާއިރު، މީގެ ތެރޭގައި ގިނައީ ސަޕްލަޔަރުންނަށް ނުދައްކާ ހުރި ފައިސާ އާއި ނަގާފައިވާ ލޯނުތައް. މި ހުރިހާ ދަރަންޏަކާއެކީ ސަރުކާރުން ވަނީ އެ ކުންފުނި އުވާލާ، ސްޓެލްކޯއާ އެއްކޮށްލަން ނިންމާފަ.

ފޭކް ކޯލްތަކަކުން 400 މިލިއަން ޑޮލަރުގެ ކްރިޕްޓޯ ވަގަށް ނަގައިފި

އުތުރު ކޮރެއާގެ ހެކަރުން އޮޅުވާލައިގެން ކުރި ވީޑިއޯ ކޯލްތަކެއް މެދުވެރިކޮށް 400 މިލިއަން ޑޮލަރަށްވުރެ ގިނަ ކްރިޕްޓޯކަރަންސީ ވަގަށް ނަގާފައިވާކަން އެފްބީއައި އިން ހާމަކޮށްފިއެވެ. "ފޭސްސްޓީލާ" ގެ ނަމުން ނަންދީފައިވާ މި ރޭވުމުގައި، ކުރިން ރެކޯޑްކޮށްފައިވާ ވީޑިއޯ ބޭނުންކޮށްގެން 900 އަށްވުރެ ގިނަ މީހުންނަށް އޮޅުވާލާފައިވާއިރު، މި ފައިސާ ބޭނުންކުރަނީ އެ ގައުމުގެ ހަތިޔާރު އުފެއްދުމުގެ މަޝްރޫއުތަކަށް ކަމަށް އެމެރިކާއިން ތުހުމަތުކުރެއެވެ.

ބީއެމްއެލް ކާނިވާ 44 ސެންޓްރަލް ޕާކުގައި

ބޭންކް އޮފް މޯލްޑިވްސްގެ 44 ވަނަ އަހަރީ ދުވަސް ފާހަގަކުރުމަށް "ބީއެމްއެލް ކާނިވާ 44" ނޮވެމްބަރު 11 އިން 14 އަށް ހުޅުމާލެ ސެންޓްރަލް ޕާކުގައި ބޭއްވުމަށް ވަނީ ނިންމާފައެވެ. ޔޫރޯ ސްޓޯރުން ފުރަތަމަ ފަހަރަށް ބައިވެރިވާ މި ކާނިވަލުގައި ތަފާތު ކާބޯތަކެތީގެ އިތުރުން މުނިފޫހިފިލުވުމުގެ ގިނަ ހަރަކާތްތަކެއް އާއިލާތަކަށް އަމާޒުކޮށްގެން ކުރިއަށްދާނެއެވެ.

މީރާގެ ރައްދު ގަވަރުނަރަށް: ރިސޯޓުތައްވެސް އޮޑިޓުކުރަން

ރިސޯޓުތަކުން ޓެކްސް ދައްކާ މިންވަރު މަދުވުމުން އެ ތަންތަން އޮޑިޓްކުރަން ގަވަރުނަރު ގޮވާލެއްވުމާ ގުޅިގެން، މީރާއިން ވަނީ ވަކި އުސޫލެއްގެ ދަށުން ހުރިހާ ދާއިރާއެއްގެ ވިޔަފާރިތައްވެސް އޮޑިޓްކުރަމުންދާ ކަމަށް ބުނެ ރައްދުދީފައި. މީރާއިން ބުނިގޮތުގައި ޓެކްސް ގާނޫނުތައް ތަންފީޒުކުރުމުގައި ހުރިހާ ފަރާތްތަކަކަށްވެސް އަމަލުކުރަނީ ހަމަހަމަ އުސޫލަކުން.

Newsletter

Get the latest news delivered straight to your inbox