މާލޭގައި ހުންނަ ޔޫރޯ ސްޓޯރުގެ ގުދަނެއްގައި އަލިފާން ރޯވެއްޖެ އެވެ.
އެމްއެންޑީއެފްއިން ބުނީ މއ.އޮލިވީނާގޭގެ ތިންވަނަ ފަންގިފިލާގައި ރޯވި އަލިފާން، އެމްއެންޑީއެފް ފަޔާ އެންޑް ރެސްކިޔު ސާވިސްއިން ނިއްވާލާފައިވާ ކަމަށާއި އެހާދިސާގައި އެއްވެސް މީހަކަށް އަނިޔާ ނުވާ ކަމަށެވެ.
"އަލިފާން މިހާރު ވަނީ ނިއްވާލެވިފަައި. މީހަކަށް އަނިޔާއެއް ލިބުނުކަމުގެ ރިޕޯޓެއް މިހާތަނަށް ލިބިފައިނުވޭ،" އެމްއެންޑީއެފްއިން ބުންޏެވެ.
ޔޫރޯ ސްޓޯރުގެ ގުދަނެއްގައި އަލިފާން ރޯވުން -- ފޮޓޯ: މިރާން ނާޝިމް / އަދަދު
"އަދަދު" އަށް އެނގިފައިވާ ގޮތުގައި އަލިފާން ރޯވީ ޔޫރޯގެ ގުދަނެއްގަ އެވެ. އެ ގުދަނުގައި ހުރި ބައެއް މުދަލަށް އެހާދިސާގައި ވަނީ ގެއްލުންތަކެއް ލިބިފަ އެވެ.
ނަމަވެސް ލިބުނު ގެއްލުމުގެ ތަފްސީލެއް މިހައިތަނަށް ލިބިފައެއް ނުވެ އެވެ.
އަލިފާން ރޯވި ސަރަހައްދުގައި އެމްއެންޑީއެފްގެ އިތުރުން ފުލުހުން ދަނީ ހަރަކާތްތެރިވަމުންނެވެ.
