އޮލިމްޕިކްސްގެ ފުރުސަތު ދީމާ އަށް ހުރިހާ ގޮތަކުން ވެސް ހާއްސަ

Jul 27, 2024, 5:50 AM
އޮލިމްޕިކްސްގެ ފުރުސަތު ދީމާ އަށް ހުރިހާ ގޮތަކުން ވެސް ހާއްސަ

ކޮލިފައިވެގެން އޮލިމްޕިކްސްއެއްގައި ވާދަކުރާ ފުރަތަމަ ދިވެހި އެތުލީޓުގެ ޝަރަފް ހޯދި 16 އަހަރުގެ ފާތިމަތު ދީމާ އަލީ ދެކޭގޮތުގައި، މިއީ ހަޔާތުގައި ވެސް މި ގޮތަށް ލިބޭނެ ހަމައެކަނި ފުރުސަތަށް ވެދާނެ އެވެ. އެހެންވެ، ދީމާ ހުރީ ވީ އެންމެ ރަނގަޅަށް މަސައްކަތްކޮށްގެން ރަނގަޅު ކާމިޔާބެއް ހޯދަން އަޒުމުކަނޑައަޅައިގެންނެވެ.

ޕެރިހުގައި ރޭ ފެށި އޮލިމްޕިކްސްގެ ހުޅުވުމުގެ ރަސްމިއްޔާތުގައި ރާއްޖޭގެ ދިދަ އުފުލީ ދީމާގެ އިތުރުން، ގައުމީ އެތުލެޓިކްސް ޓީމުގެ، އިބާދުﷲ އާދަމް އެވެ.

ދީމާ ބުނީ އޮލިމްޕިކްސްގައި ރާއްޖޭގެ ދިދަ އުފުލުމަކީ ވަރަށް ކުރިން ވެސް އޮތް ބޮޑު އުންމީދެއް ކަމަށެވެ.

"ދީމާ ވަރަށް އެކްސައިޓެޑް، ދީމާ ވަރަށް ބޭނުންވެފައި ހުރީ ފްލެގް ބިއަރާ އަކަށްވާން. އައި ތިންކް އިޓްސް އަ ރިއަލީ ބިގް އޮނާ ޓު ބީ އޭބަލް ޓު ރިޕްރެޒެންޓް މައި ކަންޓްރީ (މި ގޮތަށް ގައުމު ތަމްސީލްކުރުމުގެ ފުރުސަތަކީ ބޮޑު ޝަރަފެއް) އެ ގޮތަށް، އެ ޓް އަ ބިގް ސްޓޭޖް. ކުޑަކޮށް ނާވަސް،" އޮލިމްޕިކްސް އަށް ފުުރުމުގެ ކުރިން، "އަދަދު" އަށް ދިން އިންޓަވިއުއެއްގައި ދީމާ ބުންޏެވެ.

ޕެރިސް އޮލިމްޕިކްސްގެ ހުޅުވުމުގެ ރަސްމިއްޔާތުގެ ތެރެއިން ދިވެހި ކޮންޓިންޖެންޓް: ދީމާ ރާއްޖޭގެ ދިދަ ހިފައިގެން.--- ފޮޓޯ: ގެޓީއިމޭޖަސް.

ދީމާ މި ވަނީ ހަތަރު ވަނަ ފަހަރަށް ބައިނަލްއަގުވާމީ އިވެންޓެއްގައި ރާއްޖޭގެ ދިދަ އުފުލައިފަ އެވެ. ދީމާ ވަނީ މީގެ ކުރިން، 2019 ވަނަ އަހަރުގެ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގެ ނިންމުމުގެ ރަސްމިއްޔާތާއި މިިދިޔަ އަހަރުގެ އައިއޯއައިޖީގެ ހުޅުވުމުގެ ރަސްމިއްޔާތުގައި، ރާއްޖޭގެ ދިދަ އުފުލައިފަ އެވެ. އޭގެ އިތުރުން، އާކިޓެކްޗާ އާއި ޓެކްނޮލޮޖީގެ ފަހުގެ ވަސީލަތްތައް ތައާރަފްކުރުމާއި ދައްކާލުމުގެ ގޮތުން ދުބާއީގައި ބާއްވާ އެކްސްޕޯ 2020ގައި ރާއްޖޭގެ ދިދަ އުފުލުމުގެ ފުރުސަތު ދިނީ ވެސް ދީމާ އަށެވެ. އެކްސްޕޯ އަކީ ކުޅިވަރުގެ އިވެންޓެއް ނޫން ކަމުގައި ވިޔަސް ދީމާ އަށް މި ފުރުސަތު ލިބިގެންދިޔައީ ކުޅިވަރުގައި އޭނާ ހޯދަމުން އަންނަ ކުރިއެރުންތަކުގެ ސަބަބުންނެވެ.

އޮލިމްޕިކްސް އަށް ދީމާ ކޮލިފައިވީ، ނޭޕާލުގައި ކުރިއަށްދިޔަ ދެކުނު އޭޝިއާ ކޮލިފިކޭޝަންސްގެ ސިންގަލްސް ޗެމްޕިއަންކަން ހޯދައިގެންނެވެ. އެ އަށް ފަހު، ދީމާގެ ޓްރެއިނިން ކަންތައްތައް ބައްޓަންކޮށްފައިވަނީ ހާއްސަކޮށް އޮލިމްޕިކްސް އަށެވެ.

"ވަރަށް ހިތްހަމަޖެހޭ ޓްރެއިނިންތައް ދިޔަ ގޮތާ މެދު، ޗައިނީސް ޕެލޭޔަރެއް، ދެން އިރާގް ޕްލޭޔަރެއް. ދީމާ އަށް ލިބުނު ވަރަށް ރަނގަޅު ޓްރެއިނިން އެއް އެ މީހުންނާ އެކު. ކޯޗު ވެސް އައި ފަހު ހަފްތާގައި. އަ އޭމް ޕްރިޓީ ހެޕީ އެންޑް ސެޓިސްފައިޑް (ވަރަށް ހިތްހަމަޖެހޭ)،" ދީމާ ބުންޏެވެ.

"ވަރަށް ހިތްހަމަޖެހިފައި މި ހުރީ، މިއީ އުމުރުން އެއް ފަހަރު ލިބޭނެ ކަހަލަ ފުރުސަތެއް. އެހެންވީމަ އެންމެ ރަނގަޅު ނަތީޖާ އަކަށް މި އުންމީދު ކުރަނީ،"

އޮލިމްޕިކްސްގެ ޓޭބަލް ޓެނިސް އިވެންޓް މިއަދު ފަށާ ގޮތަށް ވަނީ ހަމަޖެހިފަ އެވެ. އެ ގޮތުން، ޕްރިލިމިނަރީ ބުރުގައި ދީމާ ނުކުންނާނީ ޕޮލެންޑްގެ ކަޓާރްޒައިނާ ވްގްރީޒިންއާ ދެކޮޅަށެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox