މިދިޔަ އަހަރުގެ ފައިދާއިން ކޮންމެ ހިއްސާއަކަށް ތިން ރުފިޔާ ބަހަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ ހިއްސާދާރުން ފާސްކޮށްފި އެވެ.
މިގޮތަށް ފާސްކުރީ ރޭ ބޭއްވި އެ ކުންފުނީނު 2023 ވަނަ އަހަރީ އާންމު ޖަލްސާގަ އެވެ. މި ހުށަހެޅުމަކީ ޑިރެކްޓަރުންގެ ބޯޑުގެ ހުށަހެޅުމެކެވެ.
އެމްޓީސީސީ ޑިރެކްޓަރުންގެ ބޯޑުން ހުށަހެޅީ ފައިދާގެ ގޮތުގައި 24،113،247ރ. (ސައްވީސް މިލިއަން އެއްލައްކަ ތޭރަހާސް ދުއިސައްތަ ސާޅީސް ހަތެއް) ބަހަންށެވެ.
ފައިދާ ބަހަން ފާސްކުރުމުގެ އިތުރުން އެމްޓީސީސީ އާންމު ހިއްސާދާރުންގެ ތެރެއިން ނަސްރަތު މުހައްމަދު އާއި މުހައްމަދު އިމްރާން އަދުނާން ޑިރެކްޓަރުންގެ ބޯޑަށް އައްޔަނު ކުރަން ވެސް ރޭ ފާސްކުރި އެވެ.
އެ ކުންފުނީގެ ޑިރެކްޓަރުންގެ ބޯޑަށް ސަރުކާރުގެ ފަރާތުން އައްޔަނު ކުރީ:
- މުހައްމަދު އަފީފް ހުސެއިން
- އަބްދުﷲ ޒިޔާދު
- ހަސަން މުގުނީ
- އަލީ ނާއިލް
- ސިނާން އަލީ
އެމްޓީސީސީ އޮޑިޓު ކުރާ ކުންފުންޏަކަށް ހަމަޖައްސާފައި ވަނީ ޑެލޮއިޓް އެވެ.
