ކަރަންޓުގެ ހިދުމަތް ދޭ ކުންފުނި ކަމަށްވާ ސްޓެލްކޯ އާއި ފެނަކައިން ފާއިތުވެދިޔަ މަސްތަކުގައި ރައްޔިތުންނަށް ފޮނުވި ބިލުތައް އިންތިހާއަށް ބޮޑުވެފައި ވާތީ އެކަން ބަލައި ތަހުގީގު ކުރުމަށް ހުށަހެޅީ ކުއްލި މައްސަލައިގެ ބަހުސް ނިމި އަލުން މެންދުރުފަހު މަޖިލިސް ފެށި ވަގުތު ރައްޔިތުންގެ މަޖިލީހުން ކަރަންޓު ކެނޑުމާ ގުޅިގެން މިއަދުގެ ޖަލްސާ ކުރުކޮށްލައިފި އެވެ.
މެންދުރު 13:00 ގައި ޖަލްސާ ފަށަން އޮތް ނަމަވެސް އޭގެ 15 ވަރަކަށް މިނެޓު ފަހުން ޖަލްސާ ފެށިއިރު ރިޔާސަތުގައި އިންނެވީ ނައިބު ރައީސް އަދި ދިއްގަރު ދާއިރާގެ މެންބަރު އަހްމަދު ނާޒިމެވެ. އޭނާ ވިދާޅުވި ގޮތުގައި އެވަގުތު މަޖިލީހަށް ކަރަންޓު ދެމުން ދިޔައީ ބެކަޕް ޖެނެރޭޓަރުންނެވެ.
"އަޅުގަނޑުމެންނަށް ހުރިހާ ފަންކްޝަންތަކެއް އެބަހުރި ސްޓްރީމް ވެސް ކުރަމުން ދަނީ. އެހެން ނަމަވެސް ބެކަޕް ޖެނެރޭޓަރުގައި އަޅުގަނޑުމެންނަށް ހިފެހެއްޓޭނީ ކިހާ އިރަކަށް ކަމެއް ނޭނގެ. އަޅުގަނޑު ގަސްްތުކުރަނީ މިއަދުގެ ޖަލްސާ މިހާ ހިސާބުން ނިންމާލަން," ނާޒިމް ވިދާޅުވި އެވެ.
މިއަދުގެ ޖަލްސާގައި ސްޕޯޓްސް މިނިސްޓަރު އަބްދުالله ރާފިއު ވެސް ހާޒިރުކުރި އެވެ. އެއަށް ފަހު އެމްޑީޕީގެ ފަރާތުން ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) ހުށަހެޅުއްވި ކުއްލި މައްސަލަ ބަލައިގަނެ ބަހުސް ވެސް ކުރި އެވެ. އެއީ ކަރަންޓާ ގުޅޭ މައްސަލަ އެކެވެ. އެ ބިލުތަކަށް ފަހު ޖިނާއީ އިޖުރާއަތުގެ ގާނޫނާ ގުޅޭ ބަހުސް ވެސް ކުރިއަށްދިޔަ އެވެ.
ދެން މަޖިލީހުގެ ޖަލްސާއެއް އޮންނާނީ ޖުލައި 22, ގަ އެވެ. އެ ޖަލްސާގައި ގަވަރުނަރު ވަކިކުރުމާ މެދު މަޖިލީހުން ގޮތެއް ނިންމާނެ ކަމަށް ބެލެވެ އެވެ.
