އަމިއްލަ ފަރާތަކުން ފޮނުވާފައިވާ ސިޓީއަކާ ގުޅިގެން ޓެކްސް އެޕީލް ޓްރައިބިއުނަލްއާ މިއަދު ރައްޔިތުންގެ މަޖިލީހުގެ ޖުޑީޝިއަރީ ކޮމިޓީން ބާއްވާ ބައްދަލުވުން ސިއްރުކޮށްފި އެވެ.
ވަކި ސަބަބެއް ބަޔާން ނުކޮށް ކޮމިޓީ ސިއްރު ކުރުމަށް ހުށަހެޅީ ހޮޅުދޫ ދާއިރާގެ ޕީއެންސީ މެންބަރު އަބްދުއްސައްތާރު މުހައްމަދު އެވެ. އޭނާގެ ހުށަހެޅުމަށް ތާއިދު ކުރީ ފޭދޫ އުތުރު ދާއިރާގެ ޕީއެންސީ މެންބަރު ފޭދޫ އުތުރު ދާއިރާގެ މެންބަރު އިސްމާއީލް ނިޒާރު އެވެ.
ކޮމިޓީއަށް ހާޒިރުވި މެންބަރުން
- ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދު (ޕީއެންސީ)
- ކެންދޫ ދާއިރާގެ މެންބަރު މައުރޫފް ޒާކިރު (އެމްޑީޕީ)
- ކުރެންދޫ ދާއިރާގެ މެންބަރު މުހައްމަދު ޝާމިން ހަބީބް (ޕީއެންސީ)
- ތިމަރަފުށީ ދާއިރާގެ މެންބަރު އަހްމަދު ރިޔާޒު (ޕީއެންސީ)
- ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު (ޕީއެންސީ)
- ފުވައްމުލަކު މެދު ދާއިރާގެ މެންބަރު އަލީ ފަޒާދު (ޕީއެންސީ)
- ފޭދޫ އުތުރު ދާއިރާގެ މެންބަރު އިސްމާއީލް ނިޒާރު (ޕީއެންސީ)
- ހުޅުދޫ ދާއިރާގެ މެންބަރު މުހައްމަދު ޝާހިދު (ޕީއެންސީ)
ރިޔާސަތުގައި އިންނެވީ މަނަދޫ ދާއިރާގެ މެންބަރު ހުސްނީ މުބާރިކް ވޯޓަށް އެހުމުން ކޮމިޓީ ސިއްރު ކުރުމަށް ފާސްކުރީ އޭރު ތިއްބެވި މެންބަރުންގެ އިއްތިފާގުންނެވެ.
މަޖިލީހުގެ މުހިންމު ގިނަ ކޮމިޓީތައް މިހާރު ސިއްރު ކުރަމުންދާތީ އެ ކޮމިޓީތަކުގައި ކުރަމުންދާ މަސައްކަތްތަކުގެ ތަފްސީލު ހޯދުމަށް ވަނީ ދަތިވެފަ އެވެ. މިއަދު އޮތް 241 ކޮމިޓީގެ ބައްދަލުވުން ވެސް ވަނީ ސިއްރުކޮށްފަ އެވެ.
