އެޕަލް ކުންފުނީގެ ފުރަތަމަ ސްޓޯރު މެލޭޝިއާގައި ޖޫން 22، ގައި ހުޅުވަން ނިންމައިފި އެވެ.
މި ސްޓޯރު ހުޅުވުމަށް ހަމަޖެހިފައިވަނީ މެލޭޝިއާގެ ވެރިރަށް ކުއަލަ ލަމްޕޫރްގެ ޓީއާރްއެކްސް މޯލްގަ އެވެ.
އެޕަލްއިން އެޕަލް އައިފޯން މެލޭޝިއާގައި ނުއުފެއްދި ނަމަވެސް، މެކްގެ ބައެއް މޮޑެލްތައް އެ ގައުމުގައި އުފައްދަ އެވެ.
މެލޭޝިއާގައި އެޕަލްއާ ގުޅިގެން މީގެ ކުރިން ވެސް އައީ ސްޓޯރުތައް ހިންގަމުންނެވެ. ނަމަވެސް އެޕަލްގެ ރަސްމީ އަމިއްލަ ސްޓޯރެއް އެ ގައުމުގައި މި ހުޅުވަނީ ފުރަތަމަ ފަހަރަށެވެ.
އެޕަލްގެ ސްޓޯރުތައް ހިންގަމުން އަންނަ އޭޝިއާ ގައުމުތަކުގެ ތެރޭގައި އިންޑިއާ، ސިންގަޕޫރު, ތައިލެންޑު އަދި ޗައިނާގައި ހުރެ އެވެ.
އެޕަލް ކުންފުންޏަށް އޭޝިއާގައި ފައިދާ އިތުރު ކުރުމަށް އަންނަނީ ހުރަސްތައް ދިމާވަމުންނެވެ. އެއީ ޒިއޯމީ، ސެމްސަންގް އަދި ވާވޭ ބްރޭންޑަށް އޭޝިއާ ސަރަހައްދުގައި އޮތް ޑިމާންޑު ބޮޑުވުމުންނެވެ.
