ހަތަރު އަހަރު ތެރޭ ހުވަފެނުގައި ކުލަޖައްސައި ދީމާ އޮލިމްޕިކްސް އަށް!

ރާއްޖޭގައި ކުރިއަށްދިޔަ ސައުތު އޭޝިއާގެ މުބާރާތުގެ ތެރެއިން ދީމާ އުފާފާޅުކުރަނީ.--- ފޮޓޯ: އަދަދު ފައިލް ފޮޓޯ

ރާއްޖޭގައި ކުރިއަށްދިޔަ ސައުތު އޭޝިއާގެ މުބާރާތުގެ ތެރެއިން ދީމާ އުފާފާޅުކުރަނީ.--- ފޮޓޯ: އަދަދު ފައިލް ފޮޓޯ

މޮރީޝިއަސްގައި 2019 ވަނަ އަހަރު ކުރިއަށްދިޔަ, އިންޑިއަން އޯޝަން އައިލަންޑް ގޭމްސް (އައިއޯއައިޖީ) އިން ވިދާލި ފާތިމަތު ދީމާ އަލީ އަކީ ރާއްޖޭގެ ޓީޓީގެ ކުރިމަގެވެ. އެހެންވެ, އެ މުބާރާތަށް ފަހު, ކުޅިވަރު ނޫސްވެރިން އިންޓަވިއު ހޯދަން އެންމެ ބޮޑު ޑިމާންޑެއް ކުރި އެއް ކުޅުންތެރިޔަކީ ވެސް ދީމާ އެވެ.

އިއްޔެ ދީމާ ހޯދި ކާމިޔާބީއާ އެކު, ހަނދާނަށް އާވީ، މީގެ ފަސް އަހަރު ކުރިން ދީމާ އަޅުގަނޑަށް ދިން އިންޓަވިއު އެވެ. އޭރު އުމުރުން އެންމެ 12 އަހަރުގެ ދީމާ, އޭނާގެ ޓީޓީގެ ކުރިމަގުގެ ޕްލޭން އިންޓަވިއުގައި ހިއްސާކުރި އެވެ.

"ދީމާ ބޭނުން ގައުމަށް ކާމިޔާބީ ހޯދައިދޭން. ދީމާގެ އެންމެ ބޮޑު އެއް ޓާގެޓް އެއީ, ރާއްޖެ އަށް ރީތި ނަން ހޯދައިދިނުން," އިންޓަވިއު ފަށަމުން ދީމާ ބުންޏެވެ.

އުމުރުން ޅަ ކުޅުންތެރިއެއް ކަމަކު ދީމާ އޭރުވެސް، އެންމެ ބޭނުންވި ކަމަކީ، ގައުމަށް ކާމިޔާބީ ހޯދައިދިނުމެވެ.

އައިއޯއައިޖީގައި ހޯދި ކާމިޔާބީއާއެކު, ދެން ކެރިޔަރުގައި އަމާޒަކީ ކޮބައިތޯ ސުވާލު ކުރުމުން ކުޑައިރުކޮޅަކު ވިސްނާލަން ހުރުމަށް ފަހު ދީމާ ބުނީ، ދުނިޔޭގެ އެންމެ ބޮޑު ކުޅިވަރު ހަރަކާތް، އޮލިމްޕިކްސް އަށް ދާން ބޭނުންވާ ވާހަކަ އެވެ. ދީމާ، އެކަން ހާސިލްކުރީ، ރާއްޖޭގެ ކުޅިވަރު ތާރީހުގައި ރަން އަކުރުން ލިޔެވޭ ގޮތަށެވެ.

" އޮލިމްޕިކްސް މުބާރާތުގައި ރާއްޖެ ތަމްސީލުކުރުން އެއީ ދީމާގެ ޑްރީމެއް" -- ދީމާ

އިއްުޔެ ނިމުނު، އޮލިމްޕިކްސްގެ ދެކުނު އޭޝިއާ ކޮލިފިކޭޝަންގެ ޗެމްޕިއަން ކަމާއެކު ދީމާގެ އެ ހުވަފެން ހަގީގަތަކަށްވީ އެވެ. މި އަހަރު ފްރާންސްގެ ޕެރިހުގައި އޮންނަ ޕެރިސް އޮލިމްޕިކްސް މުބާރާތުގައި ޔަގީނުންވެސް ދީމާ ވާދަކުރާނެ އެވެ. ދީމާގެ މި ކާމިޔާބީ އަކީ ކުޑަ ކާމިޔާބީ އެއް ނޫނެވެ. ދީމާ މި ކާމިޔާބީ ހޯދީ ފަސް ބެލުމެއް ނެތި، އެންމެ ފުރަތަމަ ދުވަހުން ފެށިގެން ކުރި މަސައްކަތުންނެވެ.

މޯލްޑިވްސް އޮލިމްޕިކް ކޮމިޓީ (އެމްއޯސީ) އިން ދިން ޕެރިސް އޮލިމްޕިކްސް ސްކޮލާޝިޕްގެ ދަށުން ދީމާ ވަނީ މިދިޔަ ހަތަރު އަހަރު ތެރޭގައި ގިނަ ތަމްރީނުތަކެއް ފުރިހަމަ ކޮށް, ގިނަ ކުރިއެރުންތަކެއް ހޯދައިފަ އެވެ. އަދި މިދިޔަ އަހަރު ބޭއްވި އައިއޯއައިޖީ މުބާރާތުގައި ދީމާ ވަނީ 2019 ވަނަ އަހަރުގެ މުބާރާތުގެ ކާމިޔާބީ ތަކުރާރު ކޮށްފަ އެވެ.

ދީމާ އަކީ ރާއްޖެއިން އޮލިމްޕިކް ކޮލިފިކޭޝަނެއް ކުޅެ, މުބާރާތައް ކޮލިފައިވި ފުރަތަމަ އެތުލީޓު ވެސް މެ އެވެ. ދީމާގެ ކާމިޔާބީ އަށް މުޅި ގައުމު ފަހުރުވެރިވާއިރު, އިއްޔެ އިން ފެށިގެން މުޅި ސޯޝަލް މީޑިއާ ބަންޑުން ކޮށްލީ ދީމާގެ ކާމިޔާބީ އަށް މަރުހަބާ ކިޔުމުގަ އެވެ. ރާއްޖޭގެ ރައީސުލްޖުމްހޫރިއްޔާ، ޑރ. މުހައްމަދު މުއިއްޒު ވެސް ވަނީ ދީމާ އަށް މަރުހަބާ ކިޔައިފަ އެވެ.

ދީމާގެ ކެރިޔަރުގެ ފެށުމަކީ ދީމާގެ ބައްޕަ އެވެ. ދީމާ ޓީޓީ ކުޅެން ފެށީ ބައްޕަގެ އެދުމުގެ މަތިންނެވެ. މިއަދު އެއީ ރާއްޖޭގައި އުފެދުނު އެންމެ މޮޅު ޓީޓީ ކުޅުންތެރިޔާ އެވެ. ސަރަހައްދުގައި ވެސް ފާހަގަކޮށްލެވޭ މަގުބޫލު ކުޅުންތެރިއެކެވެ.

އިއްޔެގެ ކާމިޔާބީ ދީމާ އަށް ހާއްސަވާ އިތުރު ސަބަބެއް އެބައޮތެވެ. އެއީ ދީމާ ޓީޓީ ކުޅެން ފެށީ ސްރީ ލަންކާގަ އެވެ. ލަންކާގެ މުބާރާތްތަކުގައި ވެސް މީގެ ކުރިން ދީމާ ވަނީ ވާދަކޮށްފަ އެވެ. އެކަމަކު، 2019 ވަނަ އަހަރު ލަންކާގެ ގައުމީ ޓީމަށް ކުޅުމުގެ ބަދަލުގައި ދީމާ ރާއްޖެ އަށް ކުޅެން ނިންމި ނިންމުމާއެކު, ލަންކާ މުބާރާތްތަކުގައި އޭނާ އަށް އޭގެ ފަހުން ކުޅެވޭ ގޮތެއް ނުވި އެވެ.

"ދީމާ އަދިވެސް ދެރަވޭ, ލަންކާ މުބާރާތްތަކުގައި ދެން ދީމާ އަށް ނުކުޅެވޭނެތީ," ދީމާ ބުންޏެވެ.

އެކަމަކު، މިއަދު ދީމާ އެ ހުރީ މާ އުފާވެރި މަންޒިލެއްގަ އެވެ. ރާއްޖޭގެ ކޮންމެ ފަރުދަކު، ފަހުރުވެރިވާނެ ފަދަ ރަން މަގާމެއްގަ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox