އެމްޑީޕީގެ ކުރީގެ އިސް އެކްޓިވިސްޓު އަދި ކުރީގެ ރައީސް މުހައްމަދު ނަޝީދުގެ ސަރުކާރުގައި ރައީސް އޮފީހުގެ އަންޑަސެކެޓްރީކަން ކުރެއްވި އިބްރާހިމް ރަޝީދު (ހޯރަ އިއްބެ) މިއަދު ނިޔާވެއްޖެ އެވެ.
އާއިލާގެ ފަރާތުން މައުލޫމާތު ދިން މީހަކު "އަދަދު" އަށް ބުނީ ހޯރަ އިއްބެ ނިޔާވީ މިއަދު ހެނދުނު ހާޓްއެޓޭކެއް ޖެހިގެން އައިޖީއެމް ހޮސްޕިޓަލަށް ގެންގޮސް، އެ ހޮސްޕިޓަލުގައި ފަރުވާ ދެމުން އަންނަނިކޮށް ކަމަށެވެ.
ކުޅަދާނެ ވާހަކަދެއްކުންތެރިއެއްގެ ގޮތުގައި ފާހަގަކުރެވިފައިވާ ހޯރަ އިއްބެ، އެމްޑީޕީ އުފެދިގެން އައި ދުވަސްވަރު އެ ޕާޓީގެ ހަރަކާތްތަކުގެ ކުރީ ސަފުގައި ހަރަކާތްތެރިވި އެވެ. އެ ޕާޓީން އޭރު ބޭއްވި ގިނަ ޖަލްސާތައް ހުށަހަޅުއްވައިދެއްވީ ވެސް އޭނާ އެވެ.
