މި އަހަރު ރޯދަ މަހުގެ ފުރަތަމަ ދުވަހަކީ މާޗު 11, ވާ ހޯމަ ދުވަސް ކަމުގައި ކަނޑައަޅައި އެކަން އިސްލާމިކް މިނިސްޓްރީއިން އިއުލާންކޮށްފި އެވެ.
މާދަމާ ރޯދަމަސް ފެށޭއިރު މާދަމާ ސަރުކާރުގެ ހުރިހާ އޮފީހެއް ބަންދުވާނެ އެވެ. ރޯދަ މަހު ފުރަތަމަ 19 ދުވަހު ސަރުކާރުގެ އޮފީސްތައް ހުޅުވާނީ ހެނދުނު 9:00 އިން މެންދުރު 1:00 އަށެވެ. ފަހު 10 ދުވަހަކީ ސަރުކާރު ބަންދު ދުވަސްތައް ކަމުގައި ވަނީ ކަނޑައަޅާފަ އެވެ.
އޭގެއިތުރުން، ރޯދަ މަހު ކެއިން ބުއިމުގެ ހިދުމަތްދޭ ތަންތަން ހުޅުވާފައި ބެހެއްޓޭނީ ހަވީރު 5:30 އިން ފެށިގެން ދަންވަރު 3:00 ޖަހަންދެން ކަމަށާއި ރޯދަ މަހަށްފަހު ޝައްވާލު މަހުގެ ފުރަތަމަ ހަފްތާގައި ކެފޭ ރެސްޓޯރެންޓް ފަދަ ތަންތަން ހުޅުވާފައި ބެހެއްޓޭނީ ފަތިހު 4:30 އިން ފެށިގެން ދަންވަރު 3:00 އަށް ކަމަށް އިކޮނޮމިކް މިނިސްޓްރީއިން ވަނީ ކަނޑައަޅާފަ އެވެ.
އޭގެ އިތުރަށް, މުދާ ވިއްކާ ތަންތަން ރޯދަ މަހާއި ޝައްވާލް މަހުގެ ފުރަތަމަ ހަފްތާގައި ފަތިހު 5:30 އިން މެންދަމު 1:30 އަށް ހުޅުވާފައި ބެހެއްޓޭނެ ކަމަށް އިކޮނޮމިކް މިނިސްޓްރީއިން ބުނެ އެވެ.
ފުލުހުން ކަނޑައަޅާފައިވާ ގޮތުގައި ރޯދަ މަހުގެ ފުރަތަމަ 19 ދުވަހުގެ ހެނދުނު 6:00 އިން 9:30 އާ ހަމައަށް އަދި ހަވީރު 4:30 އިން ރޭގަނޑު 8:00 އާ ހަމައަށް އެއްވެސް މުދާ އުފުލާ ބާވަތެއްގެ އުޅަނދެއް ގްރޭޓާ މާލެ ސަަރަހައްދުގައި ދުއްވުން މަނާވާނެ އެވެ.
އަދި ރޯދަ މަހު 20 އިން ފެށިގެން ރޯދަ މަސް ނިމެންދެން މުދަ އުފުލާ އުޅަނދުތައް ދުއްވުން މަނާ ވާނީ ހަމައެކަނި ހަވީރު 4:30 އިން ރޭގަނޑު 8:00 އާ ހަމައަށެވެ.
