ވަޒީރުންނަށް ރުހުން ދިނުމަށް ތާވަލުކުރި މިއަދުގެ ޖަލްސާ ކުރިއަށްނުގެންދެވި ނިންމާލުމާ ގުޅިގެން އަނެއްކާ މާދަމާ ވެސް އެކަމަށް ޖަލްސާއެއް ތާވަލުކޮށްފި އެވެ.
މަޖިލީހުގެ އިދާރާއިން އެޖެންޑާ އާންމުކޮށްފައިވާއިރު ޖަލްސާ ފަށާނީ މާދަމާ ހެނދުނު 11:00 ގަ އެވެ. އެޖެންޑާގައި އޮތީ ރުހުން ދިނުމާއި އެކަމަށް ވޯޓަށް އެހުމެވެ.
މިއަދުގެ ޖަލްސާ ފުރަތަމަ ފެށީ ހެދުނު 9:00 ގަ އެވެ. އެ ދަންފަޅީގައި މަޖިލީހުގެ މަސައްކަތްތައް ކުރިއަށް ގެންދިއުމަށްފަހު ޖަލްސާ މެދުކަނޑާލީ މެންދުރު 1:30 ގައި ވޯޓުލާ ދަންފަޅި ފެށުމަށް މަސައްކަތް ކުރުމުން ސަރުކާރުގެ މެންބަރުން ވަނީ އެކަމަށް ހުރަަސް އަޅާފަ އެވެ.
އޭގެ ފަހުން ޖަލްސާ ބޭއްވުމަށް މިރޭ 08:00 އިން ފެށިގެން މަސައްކަތް ކުރިއިރު އެކަން ވެސް ކާމިޔާބު ނުވެ މެދުކަނޑާލި އެވެ.
އެއަށްފަހު, އަނެއްކާ ވެސް 10:30 ގައި ޖަލްސާ ބާއްވަން މަސައްކަތް ފެށި އެވެ. އޭރު ރިޔާސަތުގައި ހުރި މައިކް ސިސްޓަމް ނެގުމާ ގުޅިގެން މަޖިލިސް ރައީސް މުހައްމަދު އަސްލަމް އިންނެވީ ވަޒީރުން ތިއްބަވާ މޭޒުގަ އެވެ.
އަދި, ދެ މެމްބަރަކަށް މަޖިލީހުގެ ގަވާއިދަށް ހުރުމަތްތެރިކޮށް ހިތުމަށް ނަސޭހަތް ދެއްވި އެވެ. އެއަށް ފަހު ވެސް މުޅި މަޖިލިސް ކުރާ ހޯލުން ވެސް ދުންމާރީގެ އަޑު ކެނޑިފައިނުވާއިރު 10:57 ހާއިރު އަސްލަމް ވަނީ ޖަލްސާ ނިންމަވާލައްވާފަ އެވެ.
