ދ. އަތޮޅުގައި ހިންގާ ކަނޑިންމަ ރިސޯޓު ކައިރިން 9 ފޫޓު ހުރި ކިނބުލެއް ފެނިއްޖެ އެވެ.
ކަނޑިންމަ ރިސޯޓުގެ ފުއްޓަރު ކައިރިން މި ކިނބޫ ފެނިގެން ރިޕޯޓު ކުރީ މިއަދު ހަވީރު 4:08 ހާއިރެވެ. މި ކިނބޫ ފެނިގެން ސިފައިންނަށް ރިޕޯޓުކުރީ ދ. ކުޑަހުވަދޫ ޕޮލިސް ސްޓޭޝަނުންނެވެ.
އެ ރިޕޯޓާއެކު, އެމްއެންޑީއެފް ކޯސްޓްގާޑް ސެކަންޑް ސްކޮޑްރަންގެ ސިފައިން ހާބަކްރާފްޓްގައި އެ ސަރަހަށްދަށް ގޮސް އެ ކިނބޫ ހިފި ކަމަށް އެމްއެންޑީއެފުން ބުންޏެވެ.
Advertisement
އެ ކިނބޫ މިހާރު އޮތީ ސިފައިންގެ ބެލުމުގެ ދަށުގަ އެވެ.
ކިނބުލަކީ ރާއްޖޭގައި އާއްމުކޮށް އުޅޭ ބާވަތެއް ކަމަށް ނުވިޔަސް، އެކި ގައުމުތަކުން މަގުއޮޅިގެން އަންނަ ކިނބޫ ރާއްޖޭން މީގެ ކުރިން ވެސް އެކި ފަހަރު މަތިން ފެނިފައި ވެ އެވެ.
