ބިލެތްފަހި ކައިރިން އަޑިއަށް ދިޔަ ބާޖު ނެގުމުގެ މަސައްކަތްކުރަމުން އަންނަ ކަމަށް އެމްޓީސީސީގެ ސީއީއޯ އާދަމް އާޒިމް ވިދާޅުވެއްޖެ އެވެ.
މައުލޫމާތު ލިބޭގޮތުގައި ބާޖު އަޑިއަށް ގޮސްފައިވަނީ ތިލަފުށްޓަށް ގެންދިޔުމުގެ މަސައްކަތްކުރަމުން ދަނިކޮށެވެ. އޭގެ ކުރިން ބާޖު ބޭނުންކުރަމުންދިޔައީ ހދ އަތޮޅުގައި ކުރިއަށްގެންދިޔަ މަޝްރޫއަކަށްކަމަށް މައުލޫމާތު ލިބެއެބެ.
"އަދަދު" ނޫހަށް މައުލޫމާތުދެއްވަމުން އާޒިމް ވަނީ އެމްޓީސީސީގެ "ސެލްވޭޖް ޓީމް" އިން ބާޖު ނެގުމުގެ މަސައްކަތްކުރަމުންދާކަމަށް ވިދާޅުވެފަ އެވެ.
ބާޖު އަޑިޔަށް ދާން މެދުވެރިވި ސަބަބު އެނގޭނީ ހާދިސާގެ ރިޕޯޓް ތައްޔާރުކުރުމަށްފަހުގައިކަމަށް ވިދާޅުވި އެވެ. އަދި މިހާރު އެރިޕޯޓުގެ މަސައްކަތްވެސްކުރަމުންދާކަމަށް ވިދާޅުވި އެވެ.
ބާޖު އަޑިއަށް ގޮސްފައިވަނީ މިނޮވެމްބަރު މަހުގެ 11 ވަނަ ދުވަހު އެވެ. މިއީ މީގެ ކުރިން ވެސް އަޑިއަށް ގޮސްފައިވާ ބާޖެއްކަމަށް މައުލޫމާތު ލިބެ އެވެ.
