އާންމު ފަރުދުންނާއި ވިޔަފާރިވެރިންގެ މާލީ ހެޔޮ ބަދަލުތަކެއް ގެނުވާނެ ގިނަ ވައުދުތަކެއް ރައީސް އިބްރާހިމް މުހައްމަދު ސޯލިހު ރޭ އިއުލާނު ކުރެއްވި އެވެ.
އެ ވައުދުތައް އިއުލާނު ކުރެއްވީ ސެޕްޓެމްބަރު 30 ގައި ބާއްވާ ރިޔާސީ އިންތިހާބުގެ ދެ ވަނަ ބުރަށް ތާއިދު ހޯދަން، މާލޭގައި ހުންނަ ހުވަދޫ ޖަގަހައިގައި ބޭއްވި ޖަލްސާގަ އެވެ.
އިއުލާނު ކުރެއްވި ވައުދުތަކުގެ ތެރޭގައި އުމުރުން ދުވަސްވީ މީހުންގެ އެލަވަންސް 7،000ރ. އަށް ބޮޑުކުރުމާއި ވަޒީފާއިން މުސްކުޅިކުރާ އުމުރު 70 އަށް މަތިކުރުމާއި، ކިތަންމެ ވަރަކަށް ކަރަންޓު ބޭނުން ކުރިޔަސް، އެއް ރޭޓަކުން އަގު ނެގުމާއި، ރަށުން ބޭރުގައި މަސައްކަތްކުރާ ޕްރިންސިޕަލުންގެ ހައުސިން އެލަވަންސް 7،000ރ. އަށް ބޮޑުކުރުމާއި ކޮވިޑުތެރޭގައި ކުދި އަދި މެދުފަންތީގެ ވިޔަފާރިތަކާއި، އާމްދަނީ ހޯދަން އަމިއްލަ އަށް މަސައްކަތް ކުރި ފަރާތްތަކަށް އެސްއެމްއީ ޑިވެލޮޕްމެންޓު ފައިނޭންސް ކޯޕަރޭޝަން (އެސްޑީއެފްސީ) ން ދޫކޮށްފައިވާ ލޯނުގެ 6 ޕަސެންޓު އިންޓަރެސްޓު ކަނޑާލުމާއި، އެ ލޯނުތައް ދައްކަންޖެހޭ މުއްދަތު ފަސް އަހަރުން 10 އަހަރަށް ބޮޑުކުރުން ހިމެނެ އެވެ. އަދި މިހާރު ފައިސާ ދައްކާފައިވާ ފަރާތްތަކަށް، އިންޓަރެސްޓުގެ ގޮތުގައި ދައްކާފައިވާ ފައިސާ އަނބުރާ ދޭނެ އެވެ.
ގުޅުންހުރި ހަބަރުތައް
މުހިންމު ބައެއް ހަބަރު
ދުވަހުގެ ފޮޓޯ
ރޭ ބޭއްވި ހުވަދޫ ޖަގަހަ ޖަލްސާގައި ކުޑަކުދިންތަކެއް ރައީސް ސޯލިހަށް ދިން ފަތްޖަހާލާފައިވާ ކަރުދާސްގަނޑެއް ހިތްޕަވައިގެން އެ ކުދިންނާ ވާހަކަ ދައްކަވަނީ. -- ފޮޓޯ: މުހައްމަދު ޝަބިން/ އަދަދު
