އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓު އަދި ކުރީގެ ރައީސް އަބްދުﷲ ޔާމީނަށް އިންތިހާބުގައި ވާދަނުކުރެވޭ ހާލަތެއްގައި ޕީއެންސީއިން ނެރޭ ރިޔާސީ ކެންޑިޑޭޓަކަށް މާލެ ސިޓީ މޭޔަރު ޑރ. މުހައްމަދު މުއިއްޒު އިއްޔެ ހޮވި އެވެ.
އިއްޔެ ހަވީރު ބޭއްވި ޕްރައިމަރީ މުއިއްޒު ކާމިޔާބު ކުރެއްވީ ޕީއެންސީގެ ސެނެޓުގެ 48 މެމްބަރުން ތެރެއިން 25 ވޯޓުންނެވެ. މުއިއްޒުއާ ވާދަ ކުރެއްވި، ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އަދި ކުރީގެ ޑިފެންސް މިނިސްޓަރު އާދަމް ޝަރީފަށް ލިބިވަޑައިގަތީ 23 ވޯޓެވެ.
ޕްރައިމަރީ ކާމިޔާބު ކުރެއްވި ނަމަވެސް، ސުޕްރީމް ކޯޓުން ޔާމީނުގެ ކެންޑިޑެސީ ބަލައިގަންނަން ނިންމައިފި ނަމަ ފަހަތަށް ޖެހިލައްވާނެ ކަމަށް މުއިއްޒު ވަނީ ވިދާޅުވެފަ އެވެ.
ޕީޕީއެމް/ޕީއެންސީގެ ކެމްޕޭނުގެ ހަރަކާތްތައް ފެށިގެން އައި އިރު ވެސް މުއިއްޒު އިންތިހާބުގައި ކުރިމަތިލުމުގެ ޝައުގުވެރިކަން އޮތް ވާހަކަތައް ފެތުރެމުން ދިޔަ އެވެ. އެހެން ނަމަވެސް އޭރު މުއިއްޒު ވަނީ އެތައް ފަހަރަކު އެ ވާހަކަތައް ދޮގު ކުރައްވައިފަ އެވެ.
މުއިއްޒުގެ ސިޔާސީ ހަޔާތް ފެއްޓެވީ އަދާލަތު ޕާޓީންނެވެ. އެއަށް ފަހު އެމްޑީއޭއާ ގުޅިވަޑައިގެން އެ ޕާޓީގެ ނައިބު ރައީސްކަން ވެސް ކުރެއްވުމަށް ފަހު، ޕީޕީއެމްއާ ގުޅިވަޑައިގަތެވެ.
ޔާމީންގެ ވެރިކަމުގައި ހައުސިން މިނިސްޓަރަކަށް ހުންނެވި މުއިއްޒު ޕީއެންސީއާ ގުޅިވަޑައިގަތީ ރިޔާސީ ޕްރައިމަރީގައި ވާދަކުރައްވަން މިއަދު އެވެ.
"އުފާ ފާޅުކޮށްގެން ނުވާނެ"، ފަރުދާ ކެހި ހާމަވީ ސްޓޭޖުގެ ފަހަތް
މުހިންމު ބައެއް ހަބަރު
ދުވަހުގެ ކޯޓޭޝަން
ޕީއެންސީގެ ޕްރައިމަރީ ކާމިޔާބުކުރެއްވި މާލޭ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވީ ވެރިކަން ލިބިވަޑައިގަތުމަށް ފަހު ވެސް މަސައްކަތް ކުރައްވާނީ، 11 އަހަރުގެ ޖަލު ހުކުމުގައި އޮންނެވި ކުރީގެ ރައީސް އަބްދުﷲ ޔާމީންގެ އިރުޝާދުގެ ދަށުން ކަމަށެވެ.
އާދެ އަޅުގަނޑުމެން މި ދެންނެވީ އަޅުގަނޑުމެންގެ ހުރިހާ މަސައްކަތެއް ވެސް ކުރިއަށް ގެންދަނީ އަދި ގެންދާނީވެސް ރައީސް ޔާމީނުގެ އިރުޝާދުގެ ދަށުން ކަމަށް،"
ދުވަހުގެ ފޮޓޯ
ރައްޔިތުންގެ މަޖިލީހުގެ ކުރީގެ ނައިބު ރައީސް އަހުމަދު ނާޒިމު ސިޔާސީ ކަންކަމާ ދުރުގައި އުޅުއްވުމަށް ފަހު، އިއްޔެ ޖުމްހޫރީ ޕާޓީއާ ގުޅި ފޯމް، އެ ޕާޓީގެ ލީޑަރު ގާސިމް އިބްރާހިމްއާ ހަވާލުކުރައްވަނީ. ނާޒިމަކީ ކުރީގެ ރައީސް އަބްދުﷲ ޔާމީންގެ ވަރަށް އަރިސް ބޭފުޅެއް. ނަމަވެސް އުޅުން ދުރުވީ، މިދިޔަ އަހަރުގެ ރިޔާސީ އިންތިހާބުގެ ކެމްޕޭނުތެރޭގައި. އެއަށް ފަހު ނާޒިމު ޖަލަށް ވެސް ލި. -- ފޮޓޯ: ޖުމްހޫރީ ޕާޓީ
