އެމްޑީޕީގެ ރިޔާސީ ކެންޑިޑޭޓުގެ ހައިސިއްޔަތުން، ރައީސް އިބްރާހީމް މުހައްމަދު ސޯލިހު ފުވައްމުލަކަށް މިއަދު ކުރައްވަން އޮތް ދަތުރު ފަސްކޮށްފި އެވެ.
ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވީ "ރައީސްގެ ދަތުރުފުޅު ފަސްވެއްޖެ" ކަމަށެވެ.
"މާދަމާ ފުވައްމުލަކަށް ވަޑައިގެންފައި، އެނބުރި މާލެ ވަޑައިގަންނަވާނެ،" އޭނާ ވިދާޅުވި އެވެ.
ދަތުރު ފަސްކުރެއްވި ސަބަބެއް އޭނާ ވިދާޅެއް ނުވެ އެވެ.
ދަތުރު ފަސްކުރިއިރު، ދެކުނުގެ އަތޮޅުތަކަށް މޫސުން ގޯސްވުމުގެ އިތުރުން، ހޮޑުލުމާއި ބޭރަށް ހިންގުމުގެ ރޯގާއެއް މާލެ ސަރަހައްދުގައި ވަނީ ފެށިފަ އެވެ.
މާލޭގައި ބާރަށް ފެތުރޭ އެ ރޯގާއަކީ ކާނާ ވިހަވުމުގެ ސަބަބުން ދިމާވި ކަމެއް ކަމަށް އަޑު ފެތުރިފައި ވަނިކޮށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިއްޔެ އެކަން ދޮގުކުރި އެވެ.
އެ އެޖެންސީން ބުނީ, މާލެ ސަރަހައްދުގައި ގަދަޔަށް ފެތުރެމުންދާ ހޮޑުލުމާއި ބޭރަށްހިންގުމުގެ ބައްޔަކީ ވައިރަހެއެއްގެ ސަބަބުން ފެތުރެމުންދާ ބައްޔެއްކަން އެ އެޖެންސީން ހޯދި ހޯދުމުން އެނގިފައިވާ ކަމަށެވެ. އަދި އެއީ އެއްވެސް ކާނާއެއްގެ ސަބަބުން ފެތުރޭ ބައްޔެއް ނޫންކަން އެ އެޖެންސީން ޔަގީން ކޮށްދިނެވެ.
މި ރޯގާ ފެތުރެން ފެށުމާއެކު، ސަރުކާރާއި އަމިއްލަ ބައެއް ފަރާތްތަކުގެ އިވެންޓުތައް ވެސް ވަނީ ފަސްކޮށްފަ އެވެ.
ދެކުނަށް މޫސުން ވަރަށް ގޯސް
ރައީސް ފުވައްމުލަކަށް ކުރައްވަން އޮތް ދަތުރު ފަސްކުރެއްވި އިރު މި ރަށް ހިމެނޭހެން ދެކުނުގެ އަތޮޅުތަކަށް މޫސުން ވަނީ ގޯސްވެފަ އެވެ.
މޫސުމާބެހޭ ގައުމީ އިދާރާ، މޯލްޑިވްސް މީޓިއޮރޮލޮޖިކަލް ސާވިސްއިން (މެޓު އޮފީސް) ލަފާކޮށް، ފަތިހު އާންމުކޮށްފައިވާ މައުލޫމާތުގައި ބުނެފައި ވަނީ މެދުރާއްޖެ ތެރެ އާއި ދެކުނުގެ އެކި ހިސާބުތަކަށް ވިއްސާރަ ކުރާނެ ކަމަށެވެ. ބައެއް ބައެއް ރަށްތަކަށް ބޯކޮށް ވާރޭ ވެހި ގުގުރުން އެކަށީގެންވާ ކަމަށެވެ.
ފަތިހުން ފެށިގެން މި ރަށަށް ދަނީ ބޯކޮށް ވާރޭހި، ގުގުރަމުންނެވެ.
ރާއްޖޭގެ ދެކުނުގައި ބޯވިލާތައް އުފެދިފައިވާ ސެޓްލައިޓް ފޮޓޯ
މިއަދު ހަވީރު 6:00 އަށް ހަމައަށް މޫސުން ލަފާކޮށް ނެރެފައިވާ ލިޔުމުގައި ބުނެފައިވަނީ ދެކުނުގެ އަތޮޅުތަކަށް އިރު ދެކުނާއި ދެކުނުން ގަޑިއަކު ތިން މޭލާއި 10 މޭލާ ދެމެދުގެ ބާރުމިނުގައި ވައި ޖެހޭނެ ކަމަށެވެ. އެހެން ހިސާބުތަކަށް ހުޅަނގާއި ހުޅަނގު އުތުރުން ގަޑިއަކު ފަސް މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށެވެ. އަދި ވިލާގަނޑުގައި ގަޑިއަކު 35 މޭލު ބާރުމިނަށް ވައިގަދަވުން އެކަށީގެންވާ ކަމަށް މެޓު އޮފީހުން ބުނެ އެވެ.
ސެޓްލެއިޓު ފޮޓޯއިން ފެންނަ ގޮތުގައި އެންމެ ދެކުނުގެ ތިން އަތޮޅުގެ މަތީގައި ބޯވިލާތައް ވަނީ ގިނަވެފަ އެވެ.
ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި އެމްޑީޕީގެ ޓިކެޓުގައި، ރިޔާސީ ދެ ވަނަ ދައުރެއް ހޯއްދެވުމަށް ވާދަ ކުރައްވާ ރައީސް ސޯލިހު މި ރަށަށް ވަޑައިގަންނަވާއިރަށް މުޅި ރަށް ވަނީ ތައްޔާރުކޮށްފަ އެވެ.
ކުރިން ތާވަލްކޮށްފައިވާ ގޮތުން ރައީސް ސޯލިހު މިއަދު ހަވީރު އެވެ.
