ޖަމިއްޔާތަކަކީ ގައުމު ބިނާކުރުމުގެ ތިންވަނަ ތަނބު: މަހުލޫފް

މިނިސްޓަރު މަހުލޫފު ވިދާޅުވީ ޖަމިއްޔާތަކަކީ ގައުމު ބިނާކުރުމުގައި ތިންވަނަ ތަނބުކަމަށް -- ފޮޓޯ: އިޔާން/އަދަދު

މިނިސްޓަރު މަހުލޫފު ވިދާޅުވީ ޖަމިއްޔާތަކަކީ ގައުމު ބިނާކުރުމުގައި ތިންވަނަ ތަނބުކަމަށް -- ފޮޓޯ: އިޔާން/އަދަދު

މަދަނީ ޖަމިއްޔާތަކަކީ ގައުމު ބިނާކުރުމުގެ ތިންވަނަ ތަނބު ކަމަށް ޔޫތު އެންޑް ކޮމިއުނިޓީ އެމްޕަވާމެންޓު މިނިސްޓަރު އަހުމަދު މަހުލޫފް ވިދާޅުވެއްޖެ އެވެ.

ރާއްޖޭގައި ފުރަތަމަ ފަހަރަށް ދިން ސިވިލް ސޮސައިޓީ އެވޯޑު ދިނުމުގެ ހަފްލާގައި މިރޭ ވާހަކަ ދައްކަވަމުން މިނިސްޓަރު މަހުލޫފު ވިދާޅުވީ، މަދަނީ ޖަމިއްޔާތަކަކީ ގައުމު ބިނާކުރުމުގައި އަދި މުޖްތަމައުގައި ދިމާވެފައިވާ މައްސަލަތައް ހައްލުކުރުމުގައި ސަރުކާރަށް ވާސިލު ނުވެވޭ ރައްޔިތުންނާ ހަމައަށް ވާސިލުވާ މެދުވެރިއެއް ކަމަށެވެ.

"އަޅުގަނޑުގެ މި ހަތަރު އަހަރު ދުވަހު ފެނުނު ކަމަކީ އަޅުގަނޑުމެންގެ މިނިސްޓްރީން ހިންގާ ޕްރޮޖެކްޓެއް އެއީ އެއް މިލިއަން ރުފިޔާކަމުގައި ކޮށްފިއްޔާ ހަމަ ގައިމުވެސް ފަސް ލައްކަ ރުފިޔާއިން އެކަން ކުރެވޭކަން. ޖަމިއްޔާތަކަކީ ގައުމު ބިނާކުރުމުގައި ތިންވަނަ ތަނބޭ ބުނުމަކީ ހަމަ ގައިމުވެސް ދޮގަކަށް ނުވާނެ" މިނިސްޓަރ މަހުލޫފު ވިދާޅުވި އެވެ.

މިނިސްޓަރު ވިދާޅުވި ގޮތުގައި އަދިވެސް ރަނގަޅުކުރަން ޖެހޭ ކަންތައްތަކެއް އެބަހުރި ކަމަށް އޭނާ ގަބޫލުކުރައްވަ އެވެ.

"އަޅުގަނޑުމެން މި އެވޯޑުގެ ގަވައިދު އާންމުކޮށް ކުރިމަތިލާން ހުޅުވާލީމަ އަޅުގަނޑުމެނަށް ފާހަގަވި ދެ ދާއިރާއަކުން ކުރިމަތިވެސް ނުލާ އޮތްކަން. އަޅުގަނޑަށް ގަބޫލުކުރެވެނީ އެއީ ޒަމާންތަކެއް ވަންދެއް ގެއްލިފައި އޮތް އިތުބާރު އަދި ނަގާނުދެވިގެންނޭ މިއުޅެނީ،" މަހުލޫފު ވިދާޅުވި އެވެ.

މީގެ ކުރިން އެންމެ ބޮޑަށް މިނިސްޓްރީއަށް ލިބޭ ޝަކުވާއަކީ ޖަމިއްޔާ ރަޖިސްޓްރީކުރުމަށް ހުށަހަޅާތާ ހަމަސް ފާއިތުވެގެން ދާއިރު ވެސް ރަޖިސްޓްރީ ނުވާކަމުގެ ޝަކުވާކަމަށާއި، ނަމަވެސް އަލަށް ލޯންޗުކުރާ މިނިސްޓްރީގެ މީސް ޕޯޓަލުން ހިދުމަތް ދެވެން ފެށުމުން ތިން ދުވަސް ތެރޭގައި ޖަމިއްޔާ ރަޖިސްޓްރީވާނެ ކަމަށް މަހުލޫފް ވިދާޅުވި އެވެ.

މިރޭގެ ހަފްލާގައި 10 ޖަމިއްޔާއަކަށް އެވޯޑު ދީފައި ވެއެވެ. އޭގެ ތެރޭގައި ތައުލީމީ ދާއިރާއަށް ހިދުމަތް ކުރުމާއި، ތިމާވެށި ހިމާޔަތްކުރުމަށް މަސައްކަތް ކުރުމާއި، ރަށު ތަރައްގީއަށް އެކި މަސައްކަތް ކުރުން އަދި އަންހެނުން ބާރުވެރިކުރުމަށް މަސައްކަތްކުރުން ފަދަ މުހިންްމު ދާއިރާތަކަށް ބޮޑެތި ހިދުމަތްތަކެއް ކޮށްދީފައިވާ ޖަމިއްޔާތައް ހިމެނެ އެވެ.

އެވޯޑު ލިބުނު ޖަމިއްޔާތަކުގެ ތެރޭގައި 30 އަހަރަށްވުރެ ގިނަ ދުވަސްވެފައިވާ ޖަމިއްޔާތަކާއި، ހަގު ޖަމިއްޔާތައް ވެސް ހިމެނެ އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox