އާޓިފިޝަލް ބީޗް ކުރިމަތީގައި ހުންނަ އެމްޑީޕީގެ މައި ހަރުގެ ހުސްކުރަން އެންގުމުން އެކަންނުކޮށް މައްސަލަ ކޯޓަށް ވައްދައިފި އެވެ.
ހަރުގެ ހުސްކުރަން އެނގި މައްސަލާގައި އެމްޑީޕީން ސިވިލް ކޯޓަށް މައްސަލަ ވެއްދީ, އެތަނުގައި ހަރުގެ ހިންގުމަށް ހެދި އެއްބަސްވުމުގެ ދަށުން އެމްޑީޕީގެ ހައްގުތަކަށް އުނިކަން އަންނާތީ ކަމަށް ބުނެ އެވެ. ނަމަވެސް އެ އެއްބަސްވުމުގެ މުއްދަތު އޮތީ ހަމަވެފަ އެވެ.
އެ މައްސަލަ ސިވިލް ކޯޓުން ވަނީ މާދަމާ ހެނދުނު 10:30 އަށް ތާވަލުކޮށްފަ އެވެ.
އެމްޑީޕީ ހަރުގެ ހިންގާ ބިމުގެ ވެރިފަރަތަކީ އެ ޕާޓީގެ ކުރީގެ އެކްޓިވިސްޓް ޝަފިއްޔާ ޒުބައިރެވެ. އެމްޑީޕީ ތެރޭގައި ދެ ފެކްޝަން އުފެދި, ކޯޅުން ބޮޑުވެފައި ވަނިކޮށް ޕާޓީގެ މައި ހަރުގެ ހުސްކުރަން އެންގީ މިދިޔަ މާޗް މަހު އެވެ. އެއީ އެމްޑީޕީގެ ރިޔާސީ ޕްރައިމަރީން ރައީސް ނަޝީދު ނާކާމިޔާބުވެވަޑައިގެންނެވި ފަހުންނެވެ.
ހަރުގެ ހުސްކުރަން އެނގީ އެތަނުގައި އިމާރަތެއް ކުރަން ކަމަށް ބުނެ އެވެ. އަދި ހަރުގެ ހުސްކުރަން ނޯޓިސް ދިނީ މިދިޔަ މަހުގެ ނިޔަލަށެވެ.
އެމްޑީޕީން މީގެ ކުރިން ބުނެފައިވާ ގޮތުގައި އެ ޕާޓީގެ ހަރުގެ ހިންގަން ހަދާފައިވާ އެއްބަސްވުމުވެ މުއްދަތު ހަމަވެފައި އޮތް ނަމަވެސް, އަންނަ ރިޔާސީ އިންތިހާބު ނިމެންދެން އެތަނުގައި ތިބެވޭނެ ކަމަށް ވެރިފަރާތުން ބުނެފައިވާ ކަމަށެވެ.
