އެމްޑީޕީއަށް ނިސްބަތްވާ ރައްޔިތުންގެ މަޖިލީހުގެ ބައެއް މެންބަރުން ތަމްސީލު ކުރައްވާ ކޮމިޓީތައް ބަދަލުކުރަން ހުށަހެޅުމުން މައްސަލަ ވަނީ ހޫނުވެފަ އެވެ.

ރައްޔިތުން މަޖިލީހުގެ ޖަލްސާތައް ބުރާސްފަތި ދުވަހު އަލުން ފަށާއިރު، އެމްޑީޕީގެ ޕާލިމެންޓަރީ ގްރޫޕުން ހުށަހަޅާފައި ވަނީ މަޖިލީހުގެ ދާއިމީ އަށް ކޮމިޓީއެއްގައި ތަމްސީލުކުރާ އެ ޕާޓީގެ މެމްބަރުން ބަދަލުކުރުމަށެވެ. އެ ބަދަލުތަކާއެކު ބާރުގަދަ ދެ ކޮމިޓީއެއް ކަމުގައިވާ، އެސްއޯއީ ކޮމިޓީގެ މުގައްރިރުކަން ހުޅުދޫ ދާއިރާގެ މެމްބަރު އިލްޔާސް ލަބީބަށް ގެެއްލި، އަދި ޖުޑިޝަރީ ކޮމިޓީގެ މުގައްރިރުކަން ހެންވޭރު ހުޅަނގު ދާއިރާގެ މެންބަރު ހަސަން ލަތީފަށް ގެއްލޭނެ އެވެ.

އިތުރު ބައެއް މެމްބަރުން ވެސް ކޮމިޓީތަކުން ބަދަލުކުރަން ހުށަހެޅީ ރައީސް ސޯލިހަށް ދެ ވަނަ ދައުރެއް ކާމިޔާބު ވިޔަ ނުދޭން އެމްޑީޕީގެ ރައީސް ނަޝީދުގެ "ފިކުރެއްގެ ދިރުން" ހަރަކާތުން މަސައްކަތްކޮށް، ވިޕްލައިނާ ހިލާފަށް ވޯޓު ދީ، އަދި އެންމެ ފަހުން އިދިކޮޅު ޕާޓީތަކާ ގުޅިގެން ސަރުކާރާ ދެކޮޅު ހަރަކާތްތައް ހިންގަން ފަށާފައި ވަނިކޮށެވެ.

އެ ބަދަލު ގެނައުމަށް ނަޝީދު ތާއިދު ނުކުރައްވާ ކަމަށް ހާމަ ކުރައްވާފައި ވަނިކޮށް، އެމްޑީޕީގެ ޕާލިމެންޓްރީ ގްރޫޕުގެ ލީޑަރު މުހައްމަދު އަސްލަމް ވިދާޅުވީ ކޮމިޓީން މެންބަރުން ބަދަލުކުރުމުގެ ހަމަތައް މަޖިލީހުގެ ގަވާއިދުގައި އޮތީ ވަރަށް ސާފުކޮށް ކަމަށާއި، ކޮމިޓީގައި ހިމެނޭ އެމްޑީޕީގެ މެމްބަރުން ބަދަލުކުރުން މަޖިލީހުގެ ރިޔާސަތަށް ހުއްޓުވޭނެ ހާލަތެއް ނެތް ކަމަށެވެ.

މައްސަލައާ ގުޅުން ހުރި ހަބަރު

މުހިންމު ބައެއް ހަބަރު

ދުވަހުގެ ކޯޓޭޝަން

އެމްޑީޕީގެ ޕާލިމެންޓަރީ ގްރޫޕުގެ ލީޑަރު މުހައްމަދު އަސްލަމް ވިދާޅުވީ،

ކޮމިޓީ ބަދަލުކުރަން މެމްބަރަކު އިއުތިރާޒުކޮށްފި ނަމަ އަމަލުކުރާނެ ގޮތް ވެސް ގަވާއިދުގައި އޮތީ. މަޖިލީހުގެ ރިޔާސަތުން ފުރަތަމަ ޖެހޭނީ އިއުތިރާޒުކުރޭތޯ ބަލަން. އިއުތިރާޒު ކޮށްފި ނަމަ ދެން އެ މެމްބަރަކާ ގުޅޭ ގޮތުން ޕާލިމެންޓަރީ ގްރޫޕުން ބައްދަލުކޮށް ގޮތް ނިންމާނީ،"

ދުވަހުގެ ފޮޓޯ

ސުކޫލްތަކުގެ އެޓްލެޓިކްސް މުބާރާތުގެ ތެރެއިން. -- ފޮޓޯ: މުހައްމަދު ޝާބިން/އަދަދު