ހެންވޭރު ސަހަރާ ކައިރީގައި ހުރި ގަހެއް ވެއްޓި ބޮޑެތި ގެއްލުން

މާލެ އަށް ރޭ ގަދަވަޔާއެކު ކުރި ވިއްސާރައިގައި ހެންވޭރުގައި ހުރި ގަހެއް ވެއްޓި ބޮޑެތި ގެއްލުންތަކެއް ވެއްޖެ އެވެ.

ރޭ ކުރި ވިއްސާރައިގެ ސަބަބުން ވެއްޓިފައި ވަނީ ހެންވޭރު ސަހަރާ ކައިރީގައި ހުރި ގަހެކެވެ.

ގަސް ވެއްޓުމުގެ ސަބަބުން އެ ސަރަހައްދުގެ ބައެއް ގެތަކަށް ގެލުން ލިބި އަދި ޕާކްކޮށްފައި ހުރި ސައިކަލްތަކެއްގެ އިތުރުން، ވޭންއަކަށް ވަނީ ބޮޑެތި ގެއްލުންތައް ލިބިފަ އެވެ.

ހެންވޭރު ސަހަރާ ކައިރީގައި ހުރި ގަހެއް ވެހިކަލްތަކެއްގެ މައްޗަށް ވެއްޓިފައި. -ފޮޓޯ: އަދަދު

މޫސުމާ ބެހޭ ގައުމީ އިދާރާ އިން ބުނީ މިއަދު ރާއްޖޭގެ އެކި ހިސާބަށް ކެރީގެ އަސަރު ފޯރާނެ ކަމަށާއި އަދި މެދުރާއްޖޭގެ ބައެއް ހިސާބުތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާ ކަމަށެވެ.