ކުރިއަށް އޮތް ރިޔާސީ އިންތިހާބުގައި ޖުމްހޫރީ ޕާޓީގެ ކެނޑިޑޭޓަކު ވާދަކުރުމާމެދު ގޮތެއް ނިންމުމަށް މިހާރު ކުރިއަށް ގެންދާ އެ ޕާޓީގެ ކޮންގްރެސްއަށް ހުށަހަޅާފައިވާ ގަރާރަށް ބަހުސްކުރުމަށް، އިސްމަގާމުތަކަށް މީހުން ހޮވުމަށް ކުރިއަށް ގެންދިޔަ އިންތިހާަބުގެ ވޯޓުގުނުން މެދުކަނޑާލައިފި އެވެ.
މީގެ ކުރިން ތާވަލުކުރެވިފައި އޮތް ގޮތުން މިރޭ 20:45ގައި ބޭއްވުމަށް ހަމަޖެހިފައި އޮތީ ކޮންގްރެސް ނިންމާ ޖަލްސާ އެވެ. ނަމަވެސް ރޭ ބާއްވަން އޮތް އިންތިހާބު ފަަސްވެ އެޖެންްޑާއަށް ބޮޑު ބަދަލެއް ވަނީ އައިސްފަ އެވެ. މިހާރު ނިންމާފައި ވަނީ ވޯޓު ގުނުންް މެދުކަނޑާލުމަށް ފަހު 21:30 ގައި ގަރާރަށް ބަހުސްްކުރަން ފެށުމަށެވެ.
އެ ޕާޓީން ރިޔާސީ އިންތިހާބުގައި ކުރިއަށްްދާނެ ގޮތެއް ނިންމުމާއި، އެކަމާ ގުޅިގެން ކައުންސިލުގައި ހިމެނޭ މެންބަރުންގެ ބަހުސްކުރުމަށް ވަނީ ނިންމާފަ އެވެ.
ފުރަތަމަ އެޖެންޑާގައި އޮތް ގޮތުން މަގާާމުތަކަށް މީހުން އިންތިހާބުކުރުމަށް ނަގާ ވޯޓު ކުރިއަށް ގެންދިއުމަށް ނިންމާފައި އޮތީ ރޭގަ އެވެ. އެހެން ނަމަވެސް ކޮންގްރެސްގެ ބައިވެރިންގެ ގިނަ ކަންބޮޑުވުންތަކަކާާ އެކު އެކަންކަން އިސްލާހުކޮށް މިއަދު ވޯޓުލުން ކުރިއަށް ގެންްދިއުމަށް ނިންމި އެވެ.
ވޯޓުލުން ފަސްކުރި އެއް ސަބަބަކީ އެއިންތިހާބަކީ ގިނަ ބަޔަކު ވާދަކުރާ އިންތިހާބެއް ނަމަވެސް ވޯޓު ކަރުދާހުގައި ކެނޑިޑޭޓުންގެ ފޮޓޯ ޖަހާފައި ނެތުމެވެ. އަދި ޕާޓީގެ ލީޑާޝިޕުގައި ކުރީގެ ޕީޕީއެމްގެ ލީޑާޝިޕުގެ ބައެއް މެންބަރުން ހިމެނުމަކީ ވެސް ކޮންގްރެސްގެ ގިނަ ބައިވެރިންގެ ކަަންބޮޑުވުމެކެވެ. މި ޝަކުވާތަކާ ގުޅިގެން އެ ޕާޓީން ނިންމީ ވޯޓުލުމުގެ ކަންކަން މިއަދު ހެނދުނު ދަންފަޅީގައި ކުރިއަށް ގެންދިއުމަށެވެ.
ވޯޓުލުން ނިންމާ ނަތީޖާ އިއުލާނުކުރުން މިއަދު 15:00 އާ ހަމައަށް ތާވަލުކުރެވިފައި އޮތް ނަމަވެސް އެކި ސަބަަބުތަކާާ ހުރެ ވޯޓުލުންް މިއަދު ހަވީރު 16:30އާާ ހަަމައަށް ދެމިގެން ދިޔަ އެވެ.
ކޮންގްރެސްގައި ޕާޓީގެ އިސް މަގާމުތަކަށް މީހުން އައްޔަން ކުރުން ކުރިއަށް ގެންދިއުމަށް އެޖެންޑާކުރެވުނެވެ.
އިންތިހާބުކުރާ މަގާމުތަކަކީ:
- 5 ނައިބު ލީޑަރުން
- 25 ކައުންސިލް މެންބަަރުން
- ޒުވާނުންގެ ލީގުގެ ސެކްރެޓަރީ
- ޒުވާނުންގެ ލީގްގެ 2 މެމްބަރުން
- އަންހެނުންގެ ލީގްގެ ރައީސް
- އަންހެނުންގެ ލީގްގެ ނައިބު ރައީސް
- އަންހެނުންގެ ލީގްގެ ދެ މެމްބަރުން
ވޯޓުލުން ކުރިއަށް ގެންދިޔަ އެންމެ އިސް މަގާމުކަމަަށްވާ ނައިބު ލީޑަރުންގެ މަގާމަށް 12 ބޭފުޅަކު ކުރިމަތިލެއްވި އެވެ. އޭގެ ތެރޭގަައި ޓްރާާންސްޕޯޓު މިނިސްޓަރ އައިޝަތު ނަހުލާ އާާއި އިމިގްރޭޝަން ކޮންްޓްރޯލަރ މުހަައްމަދު އަހުމަދު (ހަނަފީ) އާއި ފިޝަރީޒް މިނިސްޓަރ ޑރ. ހުސައިން ރަޝީދު ވެސް ހިމެނިވަޑައިގަންނަވަ އެވެ.
ޖުމްހޫރީ ޕާޓީގެ ލީޑަރުގެ މަގާމަށްވެސް އިންތިހާބުގައި ވާާދަކުރުމަށް ހުޅުވާލި ނަމަވެސް އެއްވެސް ފަރާތަކުން ވާދަކޮށްފައި ނުވާތީ އެމަގާާމު ލިބިވަޑައިގަތީ މިހާރުވެސް ލީޑަރު، މާމިގިލީ ދާއިރާގެ މެންބަރު ގާަސިމް އިބްްރާހިމްއަށެވެ.
ގާސިމްގެ އިތުރުން، އެންމެ މީހަކު ކުރިމަތިލައިގެން އޮޓެމެޓިކުން ޖޭޕީގެ އިސް މަގާމަށް އިންތިހާބުވި ބޭފުޅުންނަކީ ޒުވާނުންގެ ލީގުގެ ރައީސް ކަމަށް އަބްދުﷲ ޔާމީން، ޒުވާނުންގެ ލީގުގެ ނައިބު ރައީސް ކަމަށް ޝުއައިބު ޝިފާޒު ޝަރީފް އަދި އަންހެނުންގެ ލީގުގެ ސެކްރެޓަރީ ކަމަށް އައިޝަތު ޝޫޒާ އަހުމަދެވެ.
