މާދަމާއިން ފެށިގެން ޑިޖިޓަލް ލައިސެންސް ބޭނުންކުރަން ފެށުމަށް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ތައްޔާރުވެއްޖެ އެވެ.
ޓްރާންްސްޕޯޓު މިނިސްޓްރީގެ އޮފިޝަލަކު ވިދާޅުވީ މާދަމާއިން ފެށިގެން ޑިޖިޓަލް ލައިސަންސް ބޭނުންކުރަން ފެށުމަށްް ވާން ޖެހޭ ހުރިހާ ތައްޔާރީތަކެއްވަމުން އަންނަ ކަމަށެވެ. ލައިސަންސް ދޫކުރުމުގެ ހިދުމަތް މިދިޔަ މަހުގެ 29 ވަނަ ދުވަހު މެދުކަނޑާލާފައި ވާއިރު، އެ ހިދުމަތް ހުއްޓާލާފައި ވަނީ އެ މިނިސްޓްރީން ތައާރަފުކުރާ ސޮފްޓްވެއާގެ ތެރެއިން އެ ހިދުމަތް ފޯރުކޮށްދިނުމަށްޓަކައި، ކުރަންޖެހޭ ޑޭޓާ މައިގްރޭޝަންގެ މަސައްކަތް ކުރުމަށެވެ.
ޑިޖިޓަލް ލައިސަންސް ބޭނުންކުރަން ފެށުމާ އެކު އަލަށް ލައިސަންސް ދޫކުރާއިރު އޮންނާނީ ޑިޖިޓަލްް ލައިސަންސެކެވެ. ލައިސަންސް ކާޑު ބޭނުންވާ ފަރާތްތަކަށް އެ ކާޑު ދޭނެ ކަމަށް ޓްރާންސްޕޯޓް މިނިސްޓްރީން މީގެކުރިން ވަނީ ބުނެފަ އެވެ.
ލައިސަންސް ދޫކުރުމުގެ ހިދުމަތް މެދުކަނޑާލުމާ އެކު މި ދުވަސްވަރަށް މުއްދަތު ހަމަވާ ކާޑުތައް މި މަހުގެ 14 ވަނަ ދުވަހާ ހަމައަށް ބޭނުންކުރެވޭނެ އެވެ. ޓްރެފިކް ބަލަހައްޓާ ފުލުހުންގެ އެޕްލިކޭޝަނުން ވެސް މި ލައިސަންސްތައް ފެންނާނެ ކަމަށް ޓްރާންސްޕޯޓް މިނިސްޓްރީންް ވަނީ ބުނެފަ އެވެ.
މި ހިދުމަތް ފެށުމާ އެކު ލައިސަންސަށް އެދުމުގެ ހުރިހާ ކަމެއް ވެސް ކުރާނީ ޑިޖިޓަލްކޮށް ކަމަށް އެ މިނިސްޓްރީން ވަނީ ބުނެފަ އެވެ.
